Müqavilədə razılaşdırılmış müddəa var ki, sülh məntiqinə zidd hərəkətlər nə Azərbaycanda, nə də Ermənistanda baş verməməlidir. Bunu Ermənistanın baş naziri Nikol Paşinyan bu gün, martın 13-də “Mülki müqavilə” partiyasının ofisində jurnalistlərlə söhbətində deyib. Bəs bu, Ermənistanın suveren ərazisinin artıq Azərbaycan tərəfindən “Qərbi Azərbaycan” adlandırılmayacağı anlamına gəlirmi” sualına o, belə cavab verib: “Əvvəlcə dediyim kimi, sülh sazişində razılaşdırılmış müddəa var ki, Ermənistan Respublikası və Azərbaycan bir-birinin ərazi bütövlüyünü və suverenliyini tanıyır, bir-birlərinə qarşı ərazi iddiaları yoxdur və gələcəkdə də belə bir iddia ilə çıxış etməyəcəklər. Bu, əvvəllər də qeyd etdiyimiz bir məqamdır”.
Surxay Əliyev
