Amerikalı müsəlman qrup, ABŞ prezidentinin Çak Şumer haqqında qəzəb,irqçilik və islamofobiya ittihamlarına səbəb olan ifadəsinə görə üzr istəməsini tələb edir.Belə ki, “The Guardian” xəbər verir ki, ABŞ prezidenti Donald Tramp ABŞ-ın aparıcı müsəlman vətəndaş haqları qrupunu Senatda təmsil edən lideri Çak Şumeri “fələstinli” ifadəsiylə təhqir etmək cəhdində ittiham edilib. Amerika-İslam Münasibətləri Şurasının milli icraçı direktoru Nihad Avad deyib ki,Prezident Trampın “Fələstinli” ifadəsini irqi təhqir kimi işlətməsi təhqiramizdir və onun vəzifəsinə layiq deyil. Nihad Avad hesab edir ki,Tramp Fələstin və Amerika xalqından üzr istəməlidir. Və əlavə edib ki,məhz bu cür yanaşma fələstinli amerikalılara qarşı dəhşətli cinayətlərə səbəb olub.Bu yanaşma tərzi Qəzzada ABŞ-ın dəstəklədiyi soyqırıma və ardıcıl prezident administrasiyaları tərəfindən onilliklər boyu Fələstinlilərin hüquqlarının inkar edilməsinə səbəb olub.
Tramp İrlandiyanın baş naziri Mixayıl Martini ilə Oval kabinetdə jurnalistlərə danışarkən yenə Şumeri təhqir etməyə çalışıb. Konqresdəki demokratlar, Ukraynadakı müharibə, İsraillə Həmas arasındakı münaqişə ilə bağlı boşboğazlıqlardan bəhs edən Tramp deyib: “Şumer bir fələstinlidir”. "Məncə, o, artıq fələstinli olub". Və əlavə edib ki, “O, yəhudi idi, amma artıq yəhudi deyil. O, fələstinlidir”. Tramp daha əvvəl də eyni ifadələrlə Şumeri təhqir etmiş, onu fələstinli və “HƏMAS-ın qürurlu üzvü” adlandırıb. Prezident həm də mütəmadi olaraq Amerika yəhudilərinin niyə demokratlara səs verməsiylə maraqlanıb.Lakin Şumer çərşənbə günü vəziyyəti dərhal şərh etməkdən yayınıb. Amerika Yəhudi Demokratik Şurasının (JDCA) baş direktoru Hali Sofer isə hesab edir ki, Donald Trampın kimin yəhudi olduğuna qərar vermək hüququ yoxdur. Senator Şumer ölkədəki ən yüksək rütbəli yəhudi əsilli amerikalı məmurdur və ona qarşı “fələstinli” ifadəsi təhqir kimi istifadə edilməməlidir”. Hali Soferə görə,bu şərhlər iyrəncdir, ifşaedicidir və hesab edirəm ki,artıq hər şeyi öz adıyla çağırmağın vaxtıdır – “Donald Tramp antisemit, islamofob və irqçidir, buna görə də yəhudi seçicilərin böyük əksəriyyəti onu heç vaxt dəstəkləməyib və dəstəkləməyəcək." Yəhudilərin İctimai Əlaqələr Şurasının baş direktoru Emi Spitalnik baş verənlərə münasibət bildirib: Sitat - “Bu administrasiyanın vəzifəsi heç də antisemitizmlə mübarizə və ya İsraili müdafiə etmək deyil. Bu, antisemitizmdən siyasi rəqiblərinə qarşı bir silah kimi istifadə etmək, ifrat gündəm yaratmaq və demokratiyanı sarsıtmaq cəhdidir və bu,heç də yəhudilərin təhlükəsizliyinə xidmət etmir”-sitatın sonu. Oval kabinetdə jurnalist Mixayıl Martindən Fələstin dövlətini tanıyan üç Avropa ölkəsindən birinin lideri kimi Qəzza ilə bağlı fikirlərini prezidentə çatdırıb-çatdırmayacağığını soruşub.Sualdan yayınan Martin deyib ki,məncə bu barədə prezidentə məlumat verməyə ehtiyac yoxdur,o, bütün vəziyyəti çox yaxşı bilir. Biz Prezidentin sülhə yönələn diqqətini bölüşürük”. Eyni müxbir Trampın fələstinliləri Qəzzadan köçürülməsi təlifi haqda soruşduqda, Tramp dərhal müdaxilə edərək, “Heç kim fələstinliləri qovmur” deyərək müxbiri Amerikanın Səsi dövlət televiziyasından olduğu üçün ələ salmağı da unutmayıb.
Surxay Əliyev
