Suriya prezidenti Əhməd əl-Şara ilə PKK/YPG terror təşkilatının Suriya uzantısının rəhbəri Fərhat Abdi Şahin [Kobani] Suriyanın ərazi bütövlüyünü təsdiq edən saziş imzalayıblar. Suriya prezident administrasiyası bazar ertəsi günü PKK/YPG terror təşkilatının Suriya qolu olan SDQ ilə Suriyanın yeni dövlət qurumlarına inteqrasiya haqqında saziş imzalayıb. Razılaşma Suriya ərazisinin birliyini təsdiq edir. Mətndə prezident administrasiyası tərəfindən dərc edilən razılaşmaya əsasən, Suriyanın şimal-şərqindəki bütün mülki və hərbi qurumlar dövlət strukturlarına inteqrasiya olunacaq və bununla da sərhədlər, hava limanları, neft və qaz yataqları üzərində Suriya hakimiyyəti nəzarəti ələ keçirəcək. Bununla da SDQ devrilmiş prezident Bəşər Əsəd rejiminin qalıqlarına və Suriyanın təhlükəsizliyinə və birliyinə hər hansı təhdidlərə qarşı mübarizədə hökuməti dəstəkləməyə razılaşmış olub. ABŞ-ın dəstəklədiyi SDQ hazırda Suriya ərazisinin üçdə birinə, o cümlədən ölkənin neft və qaz yataqlarının əksəriyyətinə nəzarət edir. PKK terrorçuları Türkiyədə sərhədyanı hücumlar planlaşdırmaq üçün tez-tez Şimali İraqda gizlənir, PKK/YPG qolu isə Suriyada Türkiyə sərhədi boyunca terror dəhlizi yaratmağa cəhd edirdi. PKK –nın Türkiyəyə qarşı 40 ildən bəri apardığı, terror hücumları zamanı qadın, uşaq, körpə və qoca daxil olmaqla 40 mindən çox insan qətlə yetirilib
Surxay Əliyev
