ABŞ dövlət katibi Marko Rubio bildirib ki, Səudiyyə Ərəbistanında mühüm danışıqlar uğurla nəticələnərsə, ABŞ-ın Ukraynaya silah və kəşfiyyat tədarükünə qoyulan qadağa sabaha qədər ləğv edilə bilər. Vaşinqtonun baş diplomatı deyib ki, Ağ Ev ilk növbədə Kiyevə hərbi yardımı bərpa etməzdən əvvəl onun hansı güzəştlərə getməyə hazır olduğunu başa düşməlidir və əlavə edib ki, Ukrayna da “ruslar kimi çətin vəziyyətə hazır olmalıdır”. “Düşünürəm ki, ümumilikdə yardımda fasilə həll edə biləcəyimiz bir şeydir. "Aydındır ki, sabah baş verəcəklər bunun açarı olacaq" –deyə təyyarədə jurnalistlərə bildirib, Böyük Britaniyanın Baş naziri Kir Starmerin dəftərxanası bildirib ki,Baş Nazir prezident Donald Trampla telefon danışığında “ABŞ yardımının və kəşfiyyat məlumatlarının mübadiləsinin bərpasına imkan yaradacağına” ümid etdiyini söylədikdən sonra bəyanat verib. Vladimir Zelenski Ukrayna və Amerika nümayəndə heyətləri arasında çərşənbə axşamına planlaşdırılan görüşdən əvvəl vəliəhd şahzadə Məhəmməd bin Salman ilə görüşmək üçün bazar ertəsi Səudiyyə Ərəbistanına gəlib.
Stokholm Beynəlxalq Sülh Araşdırmaları İnstitutunun məlumatına görə, Ukrayna dünyanın ən böyük silah idxalçısı olub. Eyni dövrdə Rusiyanın silah ixracı 64% azalıb. 2020-2024-cü illərdə dünya silah idxalının 8,8%-i Ukraynanın payına düşüb. Dünyanın ən böyük silah ixracatçısı olan Birləşmiş Ştatlar bütün silahların demək olar ki, yarısını Ukraynaya tədarük edirdi. İkinci yerdə Almaniya (12%), üçüncü yerdə isə Polşa (11%) qərarlaşıb. Avropalı NATO üzvləri silahlarının 64%-ni ABŞ-dan alıblar. Bu gün Amerika dünya silah bazarının 42%-nə nəzarət edir. Rusiya qlobal bazarda 7,8% payla silah ixracatçıları siyahısında ikinci yerdən üçüncü yerə düşüb.
Surxay Əliyev
