Amerika prezidenti martın 11-də Səudiyyə Ərəbistanında ABŞ və Ukrayna nümayəndə heyətləri arasında aparılan danışıqlardan müsbət nəticələr gözlədiyini deyib.Və əlavə edib ki, Vaşinqton Ukrayna ilə kəşfiyyat məlumatlarının mübadiləsini “demək olar ki,” bərpa edib.Reuters xəbər verir ki, bu fikiri ABŞ Prezidenti Donald Tramp martın 9-da “Air Force One” təyyarəsində jurnalistlərlə söhbətində dilə gətirib. Onun sözlərinə görə, ABŞ Ukrayna ilə kəşfiyyat məlumatlarının mübadiləsindəki “pauzanı” aradan qaldırmağa yaxındır. Kəşfiyyat məlumatlarının Ukraynaya ötürülməsinin qarşısının açılıb-açılmayacağı ilə bağlı sualı cavablandırarkən isə o, “az qala oradayıq”- deyə qeyri müəyyən cavab verib.
Agentlik yazır ki, Mərkəzi Kəşfiyyat İdarəsinin direktoru Con Ratkliff hesab edir ki, Tramp Ukraynaya təzyiq etmək üçün kəşfiyyat məlumatlarını paylaşmağı dayandırdığını deyib. Eyni zamanda Tramp qeyd edib ki, martın 11-də Səudiyyə Ərəbistanında ABŞ və Ukrayna nümayəndə heyətləri arasında aparılan danışıqlardan müsbət nəticələr gözləyir. Amerika lideri sadəcə Ukraynanın müharibəni dayandırmaq üçün Rusiyanın xeyrinə maddi güzəştlərə getməyə hazır olub-olmadığını müəyyən etmək istəyir. Tramp Ər-Riyadda faydalı qazıntıların hasilatı ilə bağlı sazişin də müzakirə olunacağını bildirib və əlavə edib ki, onlar mədən sazişi imzalayacaqlar, amma mən onların sülh istəmələrini istəyirəm...”.
Surxay Əliyev
