İsrailin Qəzza zolağına hərbi hücumları başlayandan bəri 24 fələstinli jurnalist öldürülüb və bununla da qurbanların ümumi sayı 48 min nəfərdən çox olub. Qəzza hökumətinin sözçüsü Salameh Marouf bildirib ki, İsrailin Qəzza zolağına 15 aylıq hücumları zamanı 24 fələstinli jurnalist həlak olub. O, bu sözləri 8 Mart Beynəlxalq Qadınlar Günündə deyib. “Qadın olmaq onları qəddar ordudan xilas etmədiyi kimi, jurnalist toxunulmazlığı da onları ölümcül strukturdan qoruya bilmədi. Maruf vurğulayıb ki, fələstinli jurnalistlərə qarşı hücumlar beynəlxalq hüququn kobud şəkildə pozulmasıdır.Bütün bunlar isə qadınların və media işçilərinin hüquqlarını müdafiə etdiyini iddia edən beynəlxalq ictimaiyyətin gözü qarşısında baş verir. Rəsmi atəşkəsə baxmayaraq, İsrail Qəzza zolağına zərbələr endirməkdə davam edir. Səhiyyə Nazirliyi razılaşmanın imzalanmasından bəri İsrailin hücumları nəticəsində 116 fələstinlinin öldüyünü, 490 nəfərin isə yaralandığını bildirib. Qəzza Səhiyyə Nazirliyinin məlumatına görə, 2023-cü il oktyabrın 7-dən bəri Qəzza zolağında ölənlərin sayı 48 453 nəfərə , yaralananların sayı isə 111 860 nəfərə çatıb.
Surxay Əliyev
