“The New York Times” yazır ki, ABŞ prezidenti Donald Trampın Rusiya lideri Vladimir Putinə bağlılılığı və heyranlılığı getdikcə daha aydın xarakter alır. Qəzet yazır: “Mərkəzi Kəşfiyyat İdarəsinin keçmiş əks-kəşfiyyat rəhbəri Syuzan Millerin sözlərinə görə, Trampın Rusiya prezidentinə simpatiyası daha çox “avtokratik paxıllıqdan” qaynaqlanır.Belə ki,Tramp da Putin kimi heç bir məhdudiyyət olmadan,istədiyi qərarı qəbul edə biləçək gücə can atır.
"Tramp Putini bəyənir, çünki Putin ölkəsinə tam şəriksiz nəzarət edir. Tramp da ölkəsinə belə nəzarət etmək istəyir", - deyə Miller bildirib. Məlum olduğu kimi, Tramp Ukrayna prezidenti r Zelenskini müharibəni başlamaqda ittiham edib.Və bundan sonra Ukraynaya Rusiya qoşunları ilə vuruşmağa çox ehtiyacı olduğu kəşfiyyat məlumatlarını onunla paylaşmağı dayandırıb. "Tramp bütün hərəkətlərini Rusiyanı danışıqlar masasına oturtmaq üçün zəruri addımlar atmasıyla əsaslandırır. Və özünü Ukraynadakı müharibəni sona çatdırmaq üçün sülh göyərçini kimi qələmə verir.Bununla belə, o, işğalçı Putindən çox, qurban Zelenskidən güzəştlər tələb etməkdə daha israrlı olub", - deyə“The New York Times” nəşri qeyd edir. Bəs Rusiya rəsmiləri bütün bunlara nə dərəcədə sevinirlər? Kremlin sözçüsü Dmitri Peskov Tramp administrasiyasının hakimiyyətə gəldikdən sonra verdiyi qərarları yüksək qiymətləndirib. Onun sözlərinə görə, Ağ Evin yeni proqramı “bir çox cəhətdən bizim baxışımızla üst-üstə düşür”. Xarici işlər naziri Sergey Lavrov isə səlib yürüşləri, Napoleon müharibələri, I Dünya Müharibəsi və Hitlerin yüksəlişini misal gətirərək, tarixin bir çox böyük faciələrinə görə məsuliyyətin ABŞ-da deyil, Avropa ölkələrində olduğunu deyib. NYT-nin qeyd etdiyi kimi, Putin Trampın Ukraynaya baxışını formalaşdırmaq üçün illər sərf edib və indi iki liderin müharibə ilə bağlı açıq bəyanatları arasında çox az fərq var. Trampın Rusiya və Ukraynaya qarşı siyasəti Tramp hakimiyyətə gəldikdən sonra ABŞ və Rusiya arasında açıq-aşkar diplomatik istiləşmə ilə müşaiyyət olunur. Bir sözlə ekspertlərin qeyd etdiyi kimi, Co Baydenin Ukraynaya qarşı “zəif” strategiyası Donald Trampın bir neçə həftəlik prezidentliyi fonunda demək olar ki,daha parlaq görünür.
Surxay Əliyev
