Bu fikiri “Fox News” telekanalına müsahibəsində ABŞ dövlət katibi Marko Rubio fevralın 28-də Ağ Evdə Vladimir Zelenski, Donald Tramp və vitse-prezident Vens arasında mübahisə ilə bağlı jurnalistin sor]usunu cavablayarkən qeyd edib. Dövlət katibi deyib ki, prezident Tramp bunu əvvəldən uzun sürən, dalana dirənmiş münaqişə kimi görürdü. “Açığını deyim ki, ABŞ-ın Ukraynaya hərbi yardımı ABŞ -la Rusiya arasında bir proksi müharibədir və buna son qoyulmalıdır” . Rubio əlavə edib ki, lakin müharibəni bitirmək üçün "heç kəsin elə bir fikri və ya planı yoxdur". Bununla belə Rubio hesab edir ki, Rusiya tərəfi "müəyyən irəliləyiş əldə edib".Bununla belə, Rusiyanın qalib gəldiyinə aid heç bir əlamət yoxdur, ona görə də münaqişə dalana dirənib. “Prezident Donald Trampın burada etməyə çalışdığı atılan addımların sülhə gedən yol olub olmadığını anlamaqdır. Biz hər iki tərəflə, həm ruslarla,həm də ukraynalılarla əlaqə saxlamalıyıq”, - deyə Rubio bildirib.
Məlum olduğu kimi,“Proksi müharibəsi” termini son üç ildə əsasən Rusiya rəsmiləri və dövlət mediası tərəfindən fəal şəkildə istifadə edilir. Məsələn, xarici işlər naziri Sergey Lavrov hələ 2022-ci ilin yazında verdiyi müsahibədə Qərbin Rusiya ilə “proksi müharibəsi”ndən danışmışdı. 2022-ci ilin mayında Rusiyanın BMT-dəki daimi nümayəndəsi Vasili Nebenzya da “kollektiv Qərb və Rusiya” arasında proksi müharibədən danışıb. Vladimir Putin də öz ifadələrində tez-tez “Qərb ukraynalıların əlləri ilə vuruşur” ifadəsini işlədirdi, lakin xəbər mənbələri onun bu sözlərini Rusiyaya qarşı piroksi müharibəsi başlıqlarıyla verirdi. ABŞ-ın əvvəlki prezidenti Co Bayden isə Lavrovun piroksi müharibəsi terminiylə razılaşmayaraq, Ukraynanın özünü işğaldan müdafiə etdiyini təkid edirdi. Pentaqon rəhbəri Lloyd Austin də ABŞ-ın Rusiya ilə piroksi müharibə apardığını təkzib edib.
Surxay Əliyev
