Donald Tramp ölkə tarixində ilk dəfə olaraq ingilis dilini rəsmi dil kimi tanıyan sərəncam imzalayıb. Əvvəllər bu status ingilis dilinə yalnız müəyyən ştatlarda verilirdi. ABŞ-ın tarixi boyu bütün əsas sənədlər, o cümlədən Konstitusiya və Müstəqillik Bəyannaməsi ingilis dilində yazılsa da,ingilis dili ölkədə qanunvericilik səviyyəsində heç vaxt rəsmi dil olmayıb.
Tramp daha əvvəl Bayden administrasiyasının immiqrasiya siyasətini tənqid edərkən ingilis dilinin rəsmi dil elan edilməsini vacib saymışdı. “Ölkəmizə elə dillər gəlir ki, bütün ölkədə heç bir mütəxəssis o dildə danışa bilməz”, - bunu Tramp Respublikaçıların 2024-cü il Milli Qurultayında demişdi:- “Bu dillər tam dəlilikdir, onların ölkəmizdə heç kimin eşitmədiyi dillər var. "Bu, qorxunc bir şeydir." Tramp yeni sərəncamı ilə 2000-ci il tarixli Bill Klintonun federal qurumlardan yardım alan təşkilatlardan onlara zəng edən və ingilis dilini bilməyən vətəndaşlara tərcümə yardımı göstərməyi tələb edən sərəncamını ləğv etdi. İndi qurumlar vətəndaşlara başqa dillərdə xidmət göstərmək istəyib-istəmədiklərinə özləri qərar verəcək. Bir sözlə ingilis dilini bilməyən vətəndaşlar hər addımda problemlərlə üzləşəcək. Tramp cəmi bir ay əvvəl Ağ Evə qayıdıb və o vaxtdan bəri onlarla icra sərəncamı imzalayıb. Bu sərəncamların bir çoxu isə “Amerikanı yenidən möhtəşəm et” çağırışlarını səsləndirən mühafizəkar dünyagörüşü əks etdirir. Tramp bununla da kifayıtlənmir. Meksika körfəzinin adının Amerika körfəzi adlandırılmasını əmr edir, Alyaskada yerləşən Amerikanın ən hündür zirvəsinə ABŞ-ın 25-ci prezidenti, respublikaçı Uilyam MakKinlinin şərəfinə yenidən MaKinli adı verilir. Prezidentliyi dövründə Barak Obama bu zirvəyə yeni bir ad vermişdi: Denali,- Atabaskan hindu dilindən tərcümədə bu "uzun boylu" deməkdir. Obamanın bu təşəbbüsü o vaxt Alyaskanın yerli icmasının nümayəndələri tərəfindən sevinclə qarşılanmışdı.
Surxay Əliyev
