Ukrayna mediası Zelenskinin Ağ Evi vaxtından əvvəl tərk edərək danışıqların uğursuzluqla başa çatdığını bildirən ilk şəxslərdən olduğunu bildirib. Amma ukraynalı siyasətçilər buna görə öz prezidentini günahlandırmır, əksinə, ona dəstək olduqlarını bildirirlər. Ali Radanın spikeri Ruslan Stefançuk Ağ Evdəki görüşdən sonra ingilis dilində X-də yazıb: “Prezidentə tam dəstək HEÇ KİMİN unutmaq hüququ yoxdur ki, bu müharibədə Rusiya təcavüzkardır, Ukrayna isə təcavüzün qurbanıdır!!!” Ölkənin baş naziri Dmitri Şmıxal isə X-də yazıb: “Prezident haqlıdır. “Zəmanətsiz sülh mümkün deyil” Prezident aparatının rəhbəri Andrey Yermak özünün Telegram kanalında yazıb: “Mən qəhrəman xalqımızın maraqlarını müdafiə edən prezidenti dəstəkləyirəm. Hər vəziyyətdə. Nöqtə". Ukrayna ordusu ölkə prezidenti, Ukrayna Silahlı Qüvvələrinin Ali Baş Komandanı Aleksandr Sırski Telegram kanalında bildirib. “Silahlı Qüvvələr Ukraynanın, xalqın, Ali Baş Komandanın yanındadır. Sırski yazır: "Bizim gücümüz birlikdədir".
Rusiya isə sevinir.Moskvada Rusiya rəsmiləri Tramp və Vensin Ukrayna prezidentinin i sərt qarşılanmasından çox seviniblər. Rusiya Xarici İşlər Nazirliyinin rəsmi nümayəndəsi Mariya Zaxarova Telegram-da yazıb: “Tramp və Vensin özünü saxlaması və bu əclafı vurmaması dözümlülük möcüzəsidir”. Rusiyanın keçmiş prezidenti Dmitri Medvedev isə Zelenskini “Oval kabinetdə sifətinə layiqli şillə” alan “qeyrətsiz donuz” adlandırıb. Rusiya Birbaşa İnvestisiya Fondunun rəhbəri və fevralın 18-də Səudiyyə Ərəbistanında keçirilən Rusiya-Amerika danışıqlarında Rusiya nümayəndə heyətinin üzvü Kirill Dmitriev Tramp və Zelenski arasındakı qarşıdurmanın “tarixi” görüş olduğunu bildirib. Surxay Əliyev
