Çeçenistan rəhbəri Ramzan Kadırov bu dəfə yeni bir məsələ ilə gündəmə gəlib. R.Kadırov özünün Teleqram kanalında 1944-cü ildə çeçen və inquşların deportasiyası barədə danışıb. R.Kadırov bu məsələdə keçmiş sovet lideri İosif Stalini "topa tutub". SİTAT: “Bu gün çeçen xalqının tarixində kədərli bir tarixdir: 1944-cü il fevralın 23-də lənətlənmiş İosif Stalinin qeyri-insani göstərişi ilə çeçenlər və inquşlar zorla Sibirə və Orta Asiyaya sürgün edildi. Bu cinayətkar sifariş çox böyük itkilərə səbəb oldu: minlərlə insan yollarda, xüsusi yaşayış məntəqələrinin ağır şəraitində aclıqdan, soyuqdan və xəstəlikdən öldü”, - sitatın sonu.
Mətləb
