Respublikaçılar Partiyasının nümayəndələri onlayn rejimdə ABŞ prezidenti Donald Trampın Ukraynada seçkilərin keçirilməsi, prezident Vladimir Zelenskinin reytinqi və Rusiyanın təcavüzü ilə bağlı qalmaqallı bəyanatlarını fəal şəkildə müzakirə edirlər. ABŞ-ın keçmiş vitse-prezidenti Mayk Pens Trampın bəyanatlarını sərt şəkildə tənqid edərək, Ukraynaya qarşı genişmiqyaslı işğala məhz Rusiyanın başladığını qeyd edib:- “Cənab prezident, bu müharibəni Ukrayna “başlamadı”. Respublikaçı konqresmen və istefada olan general Don Bekon da bu fikri bölüşür. “Bu müharibəni. Putin törədib. Putin rəqiblərini öldürən diktatordur. Ukrayna əsilli respublikaçı konqresmen Viktoriya Sparts yazıb: “Donald Tramp çox vacib məqamları qeyd etdi. Zelenski və Bayden Amerika xalqını və Ukrayna xalqını məyus etdilər”. Respublikaçı konqresmen Mayk Louler Vladimir Putini ABŞ, Avropa, İsrail və azad dünyanı sarsıtmaq və sabitliyi pozmaq üçün Çin və İranla işləyən “murdar diktator və quldur” adlandırıb. Amerikanın Səsinin jurnalisti Ostap Yarış Ağ Ev rəhbərinin son bəyanatları ilə bağlı Respublikaçılar Partiyasının nümayəndələrinin fikirlərinə istinad edir Missisipi senatoru Rocer Uiker: “Siz Putinə etibar edə bilməzsiniz. O, beynəlxalq hüququn bütün normalarını pozan hərbi cinayətkardır. O, məhkəmə qarşısına çıxarılmalı, həbs edilməli və bəlkə də edam edilməlidir”. Senatda Respublikaçıların lideri Con Tun Trampın: “Dəstəklədiyim Ukraynada sülh yolu ilə nəticədir. Hesab edirəm ki, prezident və onun komandası hazırda bunun üzərində işləyir. Düşünürəm ki, onlara bir az yer verməliyik”. Missuri ştatından senator Erik Şmitt: “Seçki keçirmək istəməyərək həqiqətən azad demokratiya olduğunuzu iddia etmək ikiüzlülükdür. Düşünürəm ki, prezident Trampın nəzərdə tutduğu yeganə məqam budur. Amma bütün bunlar səs-küydür. Sonda buna necə qərar veriləcəyindən çox şey asılı olacaq. Senator Coş Qouli də hesab edir ki, Ukraynada seçkilər keçirilməlidir: “Zelenski ölkənin seçilmiş lideridir, lakin prezidentimiz düz deyir ki, onlar uzun müddətdir ki, seçki keçirmirlər. Onlar faktiki olaraq hərbi vəziyyət altındadırlar. Demokratiyanı müdafiə etdiyinizi iddia edirsinizsə, bu da pisdir... Donald Tramp Rusiyanı da günahlandırıb. Cəmi iki həftə əvvəl onları, danışıqlar masasına oturmayacaqları təqdirdə, sanksiyalarla hədələmişdi. Baxın, bu təhdidlərdən sonra ruslar danışıqlar masasına oturdular”. Tarix bizə öyrətdi ki, “aqressiyanı sakitləşdirmək daha çox aqressiyaya gətirib çıxarır”,fikrini önə çəkən senator Lindsey Grahama görə, “Tramp çox pis danışıq aparandır”.Çünki ABŞ prezidenti 24 saat ərzində Putini qatildən “hörmətli tərəfdaşa” çevirdi.Trampın milli təhlükəsizlik üzrə müşaviri Mayk Uolz isə deyib ki, “prezident müharibəni diplomatik yolla bitirmək cəhdlərinə görə tənqid edilməməlidir”. Surxay Əliyev
