Vladimir Zelenski ilə onun ofisinin rəhbəri Andrey Yermakla ABŞ-ın vitse-prezidenti Vensin başçılıq etdiyi Amerika nümayəndə heyətinin görüşü çox çətin keçib. Görtüşdən sonra hər ikisi "pörtmüş və əsəbi" olub.
Ukraynanın “Legitimnıy” Teleqram kanalının mənbələrə istinadən verdiyi məlumata görə, Vens Ukraynadakı münaqişənin həlli məsələsində Zelenskiyə sərt məhdudiyyətlər qoyub. “Bu, heç də isti qarşılanma deyildi. Əksinə, hər şey çətin idi. Zelenski və Yermak görüşü “pörmüş” və əsəbi şəkildə tərk etdilər”, – deyə nəşr yazır. Bundan əvvəl Zelenski deyib ki,Donald Tramp onunla telefon danışığı zamanı bir dəfə də olsun deməyib ki, Ukrayna üzrə danışıqlar masasında Avropanın da oturmasına ehtiyac var. Münhendəki çıxışı zamanı Zelenski əmin edib ki, Kiyev onun iştirakı olmadan bağlanan müqavilələri “heç vaxt qəbul etməyəcək”. “Və eyni qayda bütün Avropaya şamil edilməlidir. Gələcəyimizlə bağlı danışıqlara icazə verilməsə, hamımız uduzacağıq”, – deyə Zelenski vurğulayıb. Bundan əvvəl ABŞ-ın Ukrayna üzrə xüsusi nümayəndəsi Keyt Kelloq sülhə nail olmaq üçün Moskvayla Kiyev arasında birbaşa danışıqların aparılmasının zəruriliyini bəyan edib. Kelloq: “Düşünürəm ki, üç tərəf bir-biri ilə danışmalıdır. Xüsusilə iki əsas personaj, ruslar və ukraynalılar. "Onlar oturub danışmalıdırlar". Kelloq onu da xatırladıb ki, Moskva Vladimir Zelenskini Ukraynanın qanuni prezidenti hesab etmir, ona görə də Rusiya lideri Vladimir Putin onunla danışıqlar aparmaq niyyətində deyil. Bununla belə, Kelloq hesab edir ki, "hər iki tərəf nədənsə imtina etməlidir". Xüsusi nümayəndə həmçinin “tədricən” yekun sülh razılaşmasına nail olmağın mümkün olduğuna əminliyini ifadə edib. Bundan əvvəl ABŞ-ın vitse-prezidenti .Vens Ukrayna üzrə uğurlu razılaşma əldə olunarsa, ABŞ-ın Rusiya ilə münasibətlərini bərpa etməyi təklif etmişdi. “Financial Times” isə yazıb ki, Vladimir Putinlə Ağ Evin rəhbəri Donald Tramp arasında Avropa və Ukraynadan yan keçməklə razılaşma Avropa İttifaqı liderləri üçün ən pis kabus olacaq. Bütün bu baş verənlər isə doğrudan da ABŞ Adminstrasiyasının xüsusən Ukrayna üzrə apardığı siyasətin qarmaqarışıq və xaotik olmasından xəbər verir.
Surxay Əliyev
