“Heyet Tahrir eş-Şam” (HTŞ) təşkilatı Suriyada nəzarəti ələ keçirdikdən sonra devrilmiş liderin oğlu Hafiz Rusiyaya sığınan Bəşər Əsəd və ailəsinin ölkədən necə qaçdığını açıqlayıb. X sosial media platformasında hesabını aktivləşdirən Bəşər Əsədin oğlu Hafiz burada paylaşım edib. Hafiz Əsəd ailəsinin Suriyada necə devrildiyi və Rusiyaya qaçması ilə bağlı mühüm məlumatları paylaşıb.
Hafizin paylaşımına görə, anası Əsma Əsəd xərçəng müalicəsi səbəbindən həmin vaxt Rusiyada olub. Bacısı da anasının yanında olub. Hafiz isə doktorluq dissertasiyasını müdafiə etmək üçün Moskvada gedib. Müxaliflər hərəkətə keçməzdən bir müddət əvvəl Bəşər Əsəd də Moskvaya ailəsinin yanına gəlib. Onların planına görə, Hafiz bir müddət daha Rusiyada qalmalı, qardaşı Kərim isə Bəşər Əsədlə birlikdə Suriyaya qayıtmalı imiş. Bacısının da anası ilə Rusiyada qalması planlaşdırılıb. Lakin üsyançılar Suriyada hərəkətə keçəndə bu plan dəyişib və Hafiz atası Əsədlə birlikdə Suriyaya qayıdıb.
Hafiz qısa müddətdə Həma və Humusun üsyançıların əlinə keçdiyini öyrəndiklərini və o zaman “Əsədin ailəsi ilə birlikdə Suriyadan qaçdığı” xəbərinin yayıldığını bildirib. Həmin vaxt Dəməşqdə olduğunu göstərən fotonu sosial mediada yayımlayan Hafiz bunu qaçdıqları barədə xəbərləri təkzib etmək üçün etdiyini açıqlayıb. Lakin ordunun şəhərlərdən geri çəkilməsi və əsgərlərin döyüşməkdən imtina etməsi Əsəd ailəsini dərindən məyus edir.
Hafiz Şamın da üsyançıların əlinə keçəcəyi bəlli olanda sonra baş verənləri belə izah edir:
“Ordunun döyüşmədiyini (paytaxt üçün də) gördüyümüz gecə evdə idik. Evimizə yüksək rütbəli bir rus generalı gəldi və atama dedi: “İndi Dəməşqdə vəziyyət təhlükəlidir... Latakiyaya gedək. Hmeymim hərbi bazası üzərindən Latakiyaya gedərik və döyüşü oradan davam etdirərsiniz”. Onun arxasınca getməyə qərar verdik... Atam, qardaşım və mən Mezze hava limanına getdik. Oradan Hmeymimə gedəcəkdik. Sonra Latakiyadakı Prezident Sarayına... Və oradan da müharibəni davam etdirəcəkdik. Əmim də (Mahir Əsəd) Mezze hava limanına gəldi.
O, onlar dekabrın 8-də Hmyemimə çatanda Dəməşqin üsyançıların əlinə keçdiyini və onların yerləşdiyi Rusiya hərbi bazasına da hücumları başladığını bildirib. Bundan sonra Əsəd və ailəsi Rusiyaya getmək üçün təyyarəyə minir və Moskvaya uçurlar.
Bütün bunları açıqlayan Hafiz atası Bəşər Əsədin Dəməşq bombalanarkən belə ölkəsini tərk etməyi düşünmədiyini iddia edib.
Bu açıqlamalardan sonra sözügedən X hesabı yenidən bağlanıb. Bir çox sosial şəbəkə istifadəçisi hesabın saxta olduğunu bildirib. Amerika-Kanadalı jurnalist Eva Bartlett isə Facebook-da verdiyi açıqlamada hesabın real olduğunu təsdiqləyib. Əsəd ailəsini yaxından tanıyan Bartlett Hafiz Əsədlə əlaqə saxladığını və X hesabı ilə Telegram kanalını açacağından xəbərdar olduğunu bildirib.
TAHİR
