Ana Dili günümüzdə Norveçin Oslo şəhərində fəaliyyət göstərən N.Gəncəvi adına Azərbaycan Məktəbinin uşaqları ilə Bakıdakı Nizami rayonu 220 saylı lisey-məktəbi şagirdlərinin “Ana dili” gününə həsr edilmiş onlayn zoom görüşü keçirildi.
Görüşün təşkilatçıları Oslodakı Azərbaycan Evinin koordinatoru Günay Əliyeva, Azərbaycandan isə 220 lisey-məktəbin müəllimi Xanım Qasımova idi. Görüşdə Gülzar Ibrahimovanın “Trolların sirri” nağılım şagirdlərin müzakirəsinə qoyulmuşdu. Yazıçı görüşdə iştirak edərək “Ana dili”nə aid yeni yazdığı şeirlərini, mahnılarını və hekayələrini oxudu. Zoom-onlayn görüş çox yüksək səviyyədə keçdi. Norveç dilində təhsil alan şagirdlər – Ənvər, Aida, Səbinə, Altay azərbaycan dilində Vətənimizə və Ana dilimizə aid mahnıları çox səlis ifa etdilər. Bu da Oslodakı Azərbaycan Məktəbinin gözəl işinin göstəricisi idi. Çıxış edən şagirdlər “Trolların sirri” nağıl kitabı haqda fikirlərini bölüşdü. Səlim Abbazsadə görüş iştirakçılarına kitabın artıq norveç dilinə tərcümə etdiyi haqda sevinclə məlumat verdi. Görüşdə yeniyetmə rəssam və təcrüməçi Səlim Abbaszadə çəkdiyi yeni rəsmləri də görüş iştirakçılarına nümayiş etdi. Çıxış etmiş və tamaşa göstərmiş, mahnılar ifa etmiş şagirdlərə “Kiçik Dünya” Uşaqların Maarifləndirilməsinə Kömək Birliyi tərəfindən onlayn Diplomlar təqdim edildi.
