Ekspertiza Mərkəzinin direktoru Elşən Albəndovun məhkəməyə rədd cavabı: “Metodika mənimdir, vermirəm”.
Bakı şəhəri, Binəqədi rayonu, Ə.Naxçıvani küçəsi, ev 6, mənzil 65 ünvanda yaşayan fizika-riyaziyyat elmləri namizədi, AMEA-nın elmi işçisi Əsgərov İsa Mirzə oğlu Prezident İlham Əliyevə, I vitce-prezident Mehriban xanım Əliyevaya, MM-nın sədri Sahibə Qafarovaya, Ali Məhkəmə sədri İnam Kərimova, Bakı şəhər Binəqədi Rayon Məhkəməsinin sədr əvəzi Abbas Rzayevə, Bakı şəhər Binəqədi Rayon Məhkəməsinin hakimi Aynurə Sadıqovaya müraciət edib. Müraciətdə deyilir:
“Hörmətli cənab prezident Vəziyyət elə gətirib ki, mənim oğum Əsgərov Cavid İsa oğlu, 02 aprel 2023-cü il tarixdə təqsiri olmadan yol nəqliyyat hadisəsi törədib, nəticədə bir nəfər piyada həyatını itirib. Hadisənin videogörüntüsü də mövcuddur. Videogörüntüdən də açıq-aydın görünür ki, mənim oğlumun hadisənin qarşısını almağa texniki imkanı olmamış, hadisə yalnız və yalnız piyadanın öz məsuliyyətsizliyi səbəbindən baş vermişdir.
Cinayət işinə baxan Binəqədi Rayon Məhkəməsinin gənc hakimi Sadıqova Aynurə Vahid qızı işi obyektiv araşdırmağa çalışır və cinayət işi üzrə rəy vermiş ekspertləri, verdikləri rəylə bağlı məhkəməyə çağırıb dindirərkən, ekspertlərdən biri şahid kimi göstərdi ki, müvafiq ekspertiza metodikasına əsasən, piyada yolu qaçıb keçirsə, piyadanın ayaqlarının qaçış istiqamətində qabaq buferə çırpıldığı yerdən bir qədər irəlidə, yəni vertikal yox, çəpinə avtomobilin üzərində piyadanın baş nahiyyəsinin qoyduğu izlər olmalıdır. Bu sahədə peşəkar olan müdafiəçimiz Əli Hüseynov məhkəməyə müraciət edərək, bildirdi ki, ekspert yalan ifadə verir, belə ki, göstərilən məsələ ilə bağlı heç bir ekspert metodikası mövcud deyildir. Bundan sonra oğlumun müdafiəçisi məhkəməyə vəsait verdi ki, həmin ekspert metodikası Respublika Espertiza Mərkəzindən tələb edilərək, məhkəmədə ekspertin iştirakı ilə araşdırılsın. Məhkəmə, müdafiəçimizin bu əsaslı vəsatətini təmin etdi.
Bundan sonra, sözün əsl mənasında oyunlar bağladı. Üst-üstə hörmətli məhkəmə tərəfindən Respublika Ekspertiza Mərkəzinin direktoru Elşən Allbəndova, Ədliyyə Nazirliyinin rəhbərliyinə beş dəfə rəsmi müraciətlər ünvanlandı. Lakin, nə ekspert məhkəməyə gəldi, nə də məhkəmənin tələb etdiyi ekspertiza metodikası məhkəməyə təqdim olundu.
Vəziyyəti belə dörüb, 21 yanvar 2025-ci il tarixində vəkilimiz Əli Hüseynovla birlikdə Respublika Ekspertiza Mərkəzinin direktoru cənab Elşən Albəndovun qəbulunda olduq. Oğlumun müdafiəçisi Əli Hüseynov cənab Elşən Aılbəndovdan nəyə görə məhkəmə tərəfindən beş dəfə müraciət olmasına baxmayaraq, tələb olunan ekspert metodikasını təqdim etməməsinin səbəbini soruşduqda, cənab Elşən Albəndov gözlənilməz halda əsəbləşərək, dedi: “Metodika mənimdir, vermirəm!” Nu cavabı gözləməyən vəkilimiz Əli Hüseynov ondan soruşdu: “Elşən müəllim, necə yəni vermirəm?!...” “Elşən Albəndov yenə əsəbi halda cavab verdi: Bax beləcə, metodika mənimdir, vermirəm və verməyəcəm! Nə istəyirsiz edin”! Sonra vəkil Əli Hüseynov ona dedi: “Elşən müəllim! Ola bilər ki, Siz ekspertiza sahəsində nəyisə bilməyəsiniz. Amma Siz uzun illər prokurorluq orqanlarında çalışmısınız. Baş Ədliyyə müşaviri olmusunuz və ən azı bilirsiniz ki, “məhkəmə hakimiyyəti” adında bir anlayış var! Siz o metodikanı verməlisiniz, Siz “məhkəmə hakimiyyəti”nə müharibə elan edə bilməzsiniz!...” Bu sözlərdən sonra da Elşən müəllim bir daha metodikanı verməyəcəyini son dərəcədə əsəbi halda bildirdi və biz durub görüşü tərk etdik.
Möhtərəm cənab Prezident!
Mənim oğlumun təqsirliliyi barədə rəyi ekspertlər praktikada mövcud olmayan ekspert metodikası əsasında vermişlər. Ona görə də bu gün məhkəmənin israrlı tələblərinə baxmayaraq, təlimatı ortaya qoya bilmirlər. Ümidvaram ki, Ali Cənabınıza bu müraciətimdən sonra ilk öncə cənab Elşən Albəndovu başa salan tapılacaq ki, “məhkəmə hakimiyyəti nə deməkdir, məhkəmənin tələbi yerinə yetirilməlidir, yoxsa ərköyünlük ölkədə hüquqi nihilizm yarada bilər.
Həmçinin nümid efirəm ki, bu müraciətimlə bağlı Elşən Albəndov müvafiq ekspertiza təlimatını məhkəməyə təqdim edəcək, yaxud da etiraf məktubu göndərəcək ki, belə bir təlimat mövcud deyil.
Bir ata kimi ümid edirəm ki, Ali Cənabınız təqsiri olmayan oğlumun məhkum olmasına imkan verməyəcəkdir.
Qeyd: Vətəndaşın ərizəsində adları çəkilən şəxslərin də mövqeyini ictimailəşdirə bilərik.
Baki-xeber.com
