Azad İstehlakçılar Birliyinin (AİB) sədri Eyyub Hüseynovun Azərbaycan Qida Təhlükəsizliyi Agentliyinin (AQTA) təzyiqinə məruz qaldığı barədə məlumat yayılıb. İddialara görə, E.Hüseynov agentliyə çağırıılıb və ona susması üçün təzyiq ediblər.
Bu barədə E.Hüseynovun videoçıxışı da yayılıb. AQTA-nın ictimai şurasının üzvü, AİB sədri E.Hüseynov çıxışında bildirib ki, yerli mətbuatda çıxan məqalələrindən sonra AQTA-nın ictimai şurasına dəvət edilib və burada sözün həqiqi mənasında məhşər ayağına çəkilib.
“Gizlin-gizlin görülən işlərlə Azərbaycanın gələcəyini məhv etmək istəyirlər?”
Bu barədə “Bakı-Xəbər”ə açıqlama verən E.Hüseynov bildirdi ki, AQTA-nın ciddi təzyiqi ilə üzləşib: “İctimai Şuranın sözügedən iclası 1 saat 40 dəqiqə çəkdi. Burada ictimai şuranın bir neçə üzvü, o cümlədən də AQTA-nın sədr müavini Rəşad Mafusov, aparat rəhbəri Elxan Mikayılov və bir neçə idarə rəisi iştirak edirdi. Bu iclasın keçirilməsinə səbəb mətbuatda gedən yazılarım və GMO əleyhinə ictimai çıxışlarım olub. “Qida Təhlükəsizliyi Haqqında” qanunun 13.3, 13.1 maddəsində nəzərdə tutulmuş və genetik modifikasiya olunmuş orqanizmlərə nisbətən yol açan bu maddə üzərində geniş mübahisələr oldu. Demək olar ki, yığıncaqda cəmiyyət, qida təhlükəsizliyi üçün heç bir əhəmiyyət kəsb etməyən, yalnız ictimai təşkilat sədri olaraq mənə hücumlar edildi, mənasız suallar verildi, məni bu işlərdən çəkindirmək jestləri önə çəkildi. Hətta mən dəfələrlə dedim ki, nə istəyirsiz edim, belə şeylərə vaxtınızı boş keçirməyin. Bir sözlə, yanımda heç bir material, heç bir resurs, komputer olmadığı halda mənə təzyiq edilidi ki, GMO ilə quşlar, heyvanlar yemlənərsə onun insan orqanizminə zərəri olduğunu təsdiqləyim. Aparat rəhbəri qaşısındakı kompüterdən cürbəcür sitatlar gətirdi, mən həmin sitatların mənbəyini soruşuqda heç bir nəticə alınamdı. Bununla da məni bu sahədə susdurmağa çalışdılar”.
E.Hüseynovun sözlərinə görə, digər bir məsələ isə ölkədə neçə ildir əkilən soyadır, rabsdır bunlar bir neçə dəfə ənənəvi məhduldarlıqdan artıq məhsul verən qarğıdalıdır və bir neçə ildir əkilir. “Bizim fikrimizcə, bunlar genetik modifikasiya olunmuş orqanizmlərdir. Cənab Prezidentin bu cür əkinçiliyin qadağan olunmasına dair əhəmiyyətli sərəncamları, fərmanları qərarları var. Mütləq və mütləq kütləvi informasiya vasitələrinin, ictimai təşkilatların iştirakı ilə ən azından soyanın ekspertizası keçirilməlidir. Əslində belə olmalıdır ki, bu məhsullar laboratoriyadan keçsin. Düzdür, AQTA-nın milyon dollarlarla başa gələn laboratoriyaları var, amma biz ona inanmırıq. AQTA hamının gözü qarşısında nümunələri götürməlidir. O nümunələrin birini ekspertiza üçün özləri götürməlidir, birini plomblayıb Azad İstehlakçılar Birliyi və KİV-lərə təhvil verməlidir. Birini isə soyanı əkənlər götürsün. Ondan sonra biz toplaşıb xaricdən ekspertiza təşkil etməliyik. Bu məhsullar ciddi şəkildə ekspertizadan keçirilməlidir.
Azərbaycanın ətraf mühitinə vurulan bu zərbənin qarşısı alınmalıdır. Halbuki, bu AQTA-nın birbaşa işidir. Mənimlə olan mübahisədə bu məsələni qaldıranda aparat rəhbəri Elxan Mikayılov dedi ki, onda biz gərək quşçuluq, heyvandarlıq təsərrüfatını yemlə təmin etməyək. Dedim o ayrı, bu ayrı məsələdir, alternativ yollar tapın. Ölkə başçısı sərəncam verir, Azərbaycan Kartogen protokolunu radifikasiya edir, BMT-nin biomüxtəlifliyin qorunmasına dair sənədinə qoşulur. Bir yandan belə deyirlər, bir yandan da heyvandarlıqda və quşçuluqda GMO-nu müdafiə edirlər. Hökumət bu sahədə lazımı iş görməlidir. Gizlin-gizlin görülən işlərlə Azərbaycanın gələcəyini məhv etmək istəyirlər? Həmin iclasda heç bir məna kəsb etməyən söhbət oldu. Neçə ildir ki, qanunvericilik səviyyəsində Azərbaycana GMO-nu daxil etmək istəyirlər. Fakt olaraq ölkəyə GMO toxumları daxil olub, əkinçilikdə istifadə olunur. Ofisimdə GMO qarpız toxumu var. Tovuzdan almışam, bir kloqramı 3 min manata əmələ gəlib. Toxumçuluq sənayesi Amerika ilə birləşib, o qarpızlara “amerikanka” deyirlər. Bu sahədə çox məsələlər var. Mənimlə dəfələrlə söhbət ediblər ki, GMO əleyhinə gördüyüm işlərdən, apardığım kampaniyadan əl çəkim. Azad İstehlakçılar Birliyinin sədri olaraq 7 ölkədə GMO-ya qarşı keçirilən Avropa İttifaqının layihəsinin Azərbaycan nümayəndəsi olmuşam. Onu hazırlayan insanlarla görüşmüşəm. AQTA-da keçiriən iclasda E.Mikayılov guya GMO ilə yemlənən heyvanların ətinin, südünün insan orqanizminə ziyanı olmadığı barədə Harvard universitetinin bir məqaləsini oxudu. Dedim gedin görün o Harvard Universitetinin təsisçiləri kimdir? Həmin o GMO-nu hazırlayanlardır. Yəni məşhur bir türk aliminin sözü var ki, dünyanı aldatmaq üçün dünyada 20 nəfər pula satılmış alim tapmaq kifayətdir. Xüsusən də Türkiyə vasitəsilə bu Azərbaycana daxil olur. Amerikanın “Monsanto” şirkətinin istehsal etdiyi GMO yetişdirmək üçün lazım olan raundap herbisidir. Mən 2000 –ci ildə almışam, o mənim ofisimdə hələ də qalır. Bu əgər Azərbaycanda satılırsa, demək ölkəmizdə GMO əkinçiliyi var. Bunu mütləq təsdiq etmək lazımdır? Məgər mənim elmi-tədqiqat laboratoriyam var? Bilirsiz, GMO-çular GMO-nu dünyada irəlilətmək üçün parlamentlərə, hökumət başçılarına, baş nazirlərə külli miqdarda rüşvətlər təklif edirlər. Söhbət çox böyük rəqəmlərdən, milyardlardan gedir. İstisna deyil ki, bu cür təsirlər Azərbaycanda da var. Bildiyim qədər, Azərbaycan dövlət qurumlarına da bu barədə təsirlər göstərməyə çalışılıb. Ümumdünya Ticarət Təşkilatı kimi bir qlobal qurum GMO-nu irəlilətməkdən ötrü dəridən-qabıqdan çıxır. Hər bir vasitələrə əl atır. Deyə bilmərəm ki, Ümumdünya Ticarət Təşkilatı AQTA-ya təsir edib, yoxsa etməyib. Amma qanuna salmaq istəyilə bunlar GMO-nu Azərbaycana sürüyürlər”-deyə E.Hüseynov qeyd etdi.
E.Hüseynovun mövqeyini öyrəndik və məsələyə AQTA-nın da münasibət bildirməsi üçün qurumun mətbuat xidməti ilə əlaqə saxladıq. AQTA-nın mətbuat xidmətindən bildirdilər ki, məsələ ilə bağlı quruma rəsmi sorğu göndərməliyik. Biz AQTA-ya sorğumuzu göndərdik, lakin hələ bir cavab ala bilməmişik. Qurumun mövqeyini də işıqlandıracağıq.
İradə SARIYEVA
