Elə işıqlı insanlar var ki onlar haqda danışarkən özün də nura boyanırsan. Belə insanların yaşadıqları ləyaqətli, örnəkdolu həyatlarının izlərini üz cizgilərindən görmək o qədər də çətin olmur. Özləri də bilmədən sevə-sevə qurub yaratdıqları nəinki ölkəsinin gələcək nəsillərinə, bəşəriyyətə misilsiz bir töhfə olur.
Mayasında xeyrxahlıq, təmənnasızlıq olan belə insanların həyat kredosu çox sadədir. “Heç kəsdən qarşılıq, təmənna gözləmədən xalqına xidmət etmək”. Belə nurlu, gördüyü və görmək istədiyi işləriylə insanlara yalnız mənəvi dayaq bəxş edən Hüseyn Vəliyevi tanımayanlar qoy tanısın demək istəyirəm. Hüseyn bəy həyatın ağrı-acılarını lap erkən yaşlarından dadsa da, sağlam genetik kodu onun heç kəsin qarşısında nə dilini qısa etməyib, nə də gözükölgəli qalmayıb. Dünyaya göz aşdığı Şəmkirdə adı gələndə “Bizim eloğludu, Türkiyədə yaşasa da qəlbi həm bizimlə, həm də Türkiyədə yaşayan insanlarla birgə döyünür” söyləyirlər....
Hüseyn bəyin zəngin, zəngin olduğu qədər keşməkeşli, çətin həyat yolunun xəritəsini gözdən keçirtdim. Bakıda ali təhsilini başa vurduqdan sonra bircə gün belə dayanmadan, durmadan və bugünə qədər davam edən fəaliyyəti sözün həqiqi mənasında bir örnəkdir.
2016-cı ildən Türkiyənin Bursa şəhərində yaşayıb fəaliyyət göstərən dəyərli həmyerlimizin imza atdığı layihələr neçə-neçə ailələrə sevinc, mənəvi rahatlıq bəxş edib. Belə layihələrin bir neçəsini Türkiyə mətbuatından sitatlarla davam etmək istərdim...
Türkiyə -Azərbaycan qardaşlığı, Bursada qurulan GİMAZDER dərnəyi Gələcəyin insanları, Gələcəyin İmkanları Məkanı (GİMAZDER) dərnəyinin başqanı Hüseyn Vəliyev İstanbulda yaşayan Vəfa Aktuzun mənəvi dəstəyi ilə Türkiyə ilə Azərbaycan arasında kültür körpüsü quraraq bir çox dərnəyə örnək olacaq əsər və tədbirlərə imza atmaqdadır. İki dövlət bir millət düsturu ilə hərəkət etdiyini hər an dilə gətirən Mustafa Kamal Atatürkün “Azərbaycanın sevinci sevincimiz, kədəri kədərimizdir “ və M.Ə.Rəsulzadənin “Bir kərə yüksələn bayraq bir daha enməz” sözündən ilham alaraq qardaş ölkələr, qardaş şəhərlər, qardaş məktəblər, qardaş uşaqlar layihəsi ilə işə başlayan H.Vəliyev Osmanqazi, Yıldırım, Qaracabəy və Kələs rayonlarının Azərbaycanla qardaşlığını qurdu. Başqan Vəliyev yaratdığı dərnəklə Dəmirdaş məhəlləsində azərbaycanlı şəhid general Polad Həşimov parkı, Qaracabəydə Şirin Mirzəyev parkı, Kələsdə Məzahir Rüstəm İzzətoğlu parkı, Yıldırımda Əhməd Cavad mədəniyyət evi layihəsini həyat keçirərək küçə və prospektlərə şəhid və milli qəhrəmanların adlarının verilməsinə nail oldu. Hüseyn Vəliyevi tanıyaq: Hüseyn Vəliyev, 1957-ci il iyul ayında Azərbaycanın Şəmkir rayonunda anadan olmuşdur. Ailədə 5 qız, 2 oğlan idilər. Hamısı ali təhsil, Hüseyn isə həm də musiqi təhsili almışdır. Atası Bakı Dövlət Universitetinin tarix fakültəsinə qəbul olunsa da, İkinci Dünya müharibəsi illərindəki ağır şəraitə görə təhsilini davam etdirə bilmədi. Şəhid olmuş qohumlarının, bacılarının, əmilərinin ailəsini və öz ailəsini heç olmasa çörəklə təmin etmək üçün müxtəlif işlərdə işlədi. Atası daha sonra 35-40 yaşlarında universitetin inşaat fakültəsindən məzun oldu. Anası ibtidai təhsillidir. Şəmkirdə oxuduğu məktəb SSRİ-də məşhur məktəblərdən idi. Sibir neftini kəşf edən məşhur geoloq Fərman Salmanov, Milli İstiqlal marşının və “Çırpınırdı Qara dəniz” şerinin müəllifi Əhməd Cavad və daha yüzlərlə tanınmış elm adamı bu məktəbin məzunu idi. H.Vəliyev isə orta məktəbi qurtardıqdan sonra imtahan verərək məşhur və qədim Moskva Geodeziya və Fotoqrammetriya Universitetinin tətbiqi geodeziya fakültəsinə qəbul olundu.1979-cu ildə universiteti başa vurub Azərbaycan İnşaat Mühəndisləri universitetində müəllim kimi fəaliyyətə başladı.1984-1990-cı illərdə İnşaat Mühəndisləri Universiteti inşaat fakültəsində ikinci ali təhsilini aldı.1996-cı ilə qədər Azərbaycan Respublikası Baş nazirlik nəzdində Nəzarət bölümündə baş mühəndis vəzifəsində işlədi, 1996-cı ildən etibarən xarici ölkələrdən gələn yüksək maaşlı iş təkliflərini rədd edərək, ana yurdundan üç ovuc torpaq götürüb Türkiyədə işləməyə və yaşamağa qərar verdi. Türkiyədə Urfada QAP layihəsində, Urfada 29 mərtəbəli otel və alış-veriş mərkəzi, Yaşıl Urfa yaşayış evləri kompleksləri, Antep-Urfa avtomagistralı, Konya-Eyerli, Konya -Yunak avtomagistralı inşaatında sahə rəisi vəzifəsində işlədi. 2002-2016-cı illərdə Rusiya Federasiyasında Renaissance Construction firmasında bir çox sənaye obyekti və fabrik tikintilərində sahə rəisi oldu. 2016-cı ildə Türkiyəyə qayıdaraq Bursada yaşamağa və işləməyə başladı. Hazırda Ohitan- NYN firmasında infrastruktur rəisi işləyir.
Jalə CƏFƏROVA Milli Mədəniyyətin Təbliği ictami birliyinin rəhbəri, filologiya üzrə fəlfəsə doktoru
PS...Hüseyn bəyin insanlara və insanlığa olan sevgisi aşıb-daşanda, ürəyindən keçənləri bəzən misralara düzüb poeziyaya çevirməyi də çox özünəməxsus, bənzərsiz tərzdə olur .Belə incilərdən birini dəyərli oxucularımız üçün paylaşaraq Hüseyn bəyə hamımızın əvəzindən “Əziz və dəyərli Hüseyn bəy, bitib-tükənməyən, insanlara sevinc bəxş etmək üçün gecə-gündüz, soyuq-isti bilmədən çalışdığınız yolda Tanrım yar və yardımçınız olsun“ deyək.
Şəhidlər - (Azərbaycan türkcəsi) (Qarabağ Şəhidlərinə İthaf edirəm)
Allahdan millətinə ərməğandı şəhidlər,
Xalqına namus, şərəf, əql, vicdandı şəhidlər!
Sanma unumaq olar, yox etmək olar onu,
Gözlərdə nurƏ, damarlarda al qandı şəhidlər!
Amalı Haqq olub, tarix yaradan,
Cəsarətilə Babəkdir, Xətaidir, Alparslandı şəhidlər!
Gündüzə Günəş, gecələrə ay-yıldız olub,
Yumruq boyda ürəkdə asimandı şəhidlər!
Xatirələrdə şimşək olar lal baxışıyla,
Nəsəmi, Cavid, Cəlil, Natəvandı şəhidlər!
“Elmsiz yox gələcək!” – ruhuyla səslər bəşəri,
Fırtınadır, cəhalətə üsyandı şəhidlər!
Zəngulələrdə xal da olub,Ş övlad toyunda,
Sevinclərdən göz yaşı, bir ümmandı şəhidlər!
Qanıyla torpaq sulayıb, “Yaşasın Vətən!!!” deyərək,
Ataya qürur… Anaya şərəf, övlada Vatandı şəhidlər!
“Aqil üzməz ümidin” – deyib Qorqud dədələr,
Mqbariztək, Poladtək “Ağ atlı oğlandı” şəhidlər!
Ürəklərdə məkanları var, o, sevgilərdədir!
Şirin, Asif, Canpolad... Könüllərdə sultandı şəhidlər!
Dar günündə Vətənin nisgilinə, dərdinə,
Həm məlhəmdir, həm təbib, həm loğmandl şəhidlər!
Hüseynəm, atamdan öyrəndim acıların hikmətin:
Daima var olacaq mələk-insandı şəhidlər!
