ABŞ-ın dollardan qlobal təhdid vasitəsi kimi istifadə etməsi, dünyanın digər böyük ölkələrini alternativ variantlar üzərində düşünməyə məcbur edir. Baki-xeber.com xəbər verir ki, ABŞ-ın xüsusilə Çin, Rusiya və Türkiyəyə qarşı sankiyalar tətbiq etməsinə görə, sözügedən ölkələr dollara alnernativ axtarmağa başlayıblar.
Qeyd edilir ki, İrana görə, Avropanı da sıxışdıran ABŞ prezidenti Donald Tramp Avropa Birliyinin də gələcəyini təhlükəyə atır. Belə ki, ABŞ İrandakı xarici şirkətlərin bu ölkəni tərk etməsini istəyir, AB isə bölgədəki şirkətlərin fəaliyyətini dayandırmasına qarşı çıxır. Bu isə tərəflər arasında iqtisadi gərginliyi daha da artırır.
Almaniya isə AB ölkələrinə Avropa şirkətlərini ABŞ-ın İran sanksiyalarından qorumaq üçün müstəqil ödəmə sistemi (SWIFT) qurmağı təklif edir. Məsələ ilə bağlı açıqlama verən Almaniyanın xarici işlər naziri Heyko Maasın fikrincə AB ABŞ-dan ayrı - müstəqil ödəmə sistemi qurmalıdır
"Bu vəziyyətdə Vaşinqtona açıq bir əməkdaşlıq istəyirik" mesajı vermək strateji önəm daşıyır. Ancaq başımızın üstündən də bizə zərər verməsinə icazə verməyəcəyik. Buna görə, Avropa şirkətlərini sanksiyalardan qanuni şəkildə müdafiə etmək doğru olardı” - deyə nazir bildirib.
Almaniyalı nazir bu məqsədlə Avropa Birliyinə Amerika Birləşmiş Ştatlarından ayrı - müstəqil ödəmə sistemi (SWIFT) qurmağı təklif edib: "Avropa sazişi xilas etmək istəyirsə, ABŞ-dan ayrı müstəqil ödəmə sistemi qurmaq məcburiyyətindədir. Bu ödəniş kanalları Avropa Valyuta Fondu və müstəqil “SWIFT” sistemidir.
İranla saziş qorunmazsa, regionu gözləyən vəziyyət yaxşı olmayacaq. Anlaşmanın qalması Yaxın Şərqi təhdid edən partlamağa hazır böhrandan daha yaxşıdır".
Rusiya parlamentinin Maliyyə Bazarı Komitəsinin başçısı Anatoli Askakov da ABŞ dollarından təzyiq vasitəsi kimi istifadə etməsinin yeni qlobal pul vahidinin yaradılmasına səbəb olcağını söyləyib. Dolların “dünya pul vahidi” statusunu 1944-cü ildə qazandığını bildirən Askakov, o dövrdə dolların dəyərinin sabit qaldığı halda, bir çox ölkənin milli valyutasının dəyərini itirdiyini qeyd edib. Aksakov BRICS ölkələrinin yeni pul vahidi üçün hərəkətə keçdiklərini söyləyib. BRICS üzvü olan ölkələrin (Braziliya, Rusiya, Hindistan, Çin və Cənubi Afrika) dünya əhalisinin yarısını və dünya sənayesinin 30 faizini təşkil eydiyini diqqətə çatdıran Aksakov deyib: “Alternativ pul vahidi yaratmaq prosesi 5 il ərzində tamamlana bilər. ABŞ dolların istifadəsi üçün daha çox təzyiq göstərərsə, digər ölkələr də qarşılığında ödənişlərdə dollarda imtina edər”.
