Şakir Ağayev: “Təkcə İrana deyil, digər ölkələrə də humanitar yardım göndərmək məsələsində Azərbaycan həmişə beynəlxalq təşkilatları, xüsusən də BMT qabaqlayıb”
BMT İrana humanitar yardım üçün 12 milyon dollar ayırıb. Bu barədə BMT-nin yardım üzrə rəhbəri Tom Fletçer “X” sosial şəbəkəsində yazıb. “Minlərlə mülki şəxs həlak olub. İnfrastruktur dağılıb. Əsas xidmətlər sıradan çıxıb. Bu maliyyələşdirmə tərəfdaşlarımıza həyat qurtaran yardımı geniş miqyasda çatdırmağa kömək edəcək”,- deyə o bildirib.
BMT İrana 12 milyon humanitar yardım ayırmağa başlayıb. Halbuki, İranda müharibə başlayanda ilk humanitar yardımı Azərbaycan göndərib. Bu gün də Azərbaycan humanitar siyasətini uğurla davam edir. Bu əslində Azərbaycanın humanitar yardım siyasətinin hətta beynəlxalq təşkilatları, BMT-nin özünü belə, qabaqladığını göstərən bir əlamət deyilmi?
Onu da vurğulayıb ki, hətta Azərbaycan bu siyasəti həyata keçirməkdə BMT-nin özünü də üstələyir. Halbuki, BMT-nin bir beynəlxalq qurum kimi siyasi olaraq İrandakı prosesin qarşısını almaması bir yana qalsın, himanitar yardım göstərməkdə də gecikir. Azərbaycanın bu sahədəki siyasəti hətta beynəlxalq təşkilatları da qabaqlayır.
“Novoye-Vremya” qəzetinin baş redaktoru Şakir Ağayev baki-xeber.com-a bildirdi ki, Azərbaycan təkcə ABŞ İran müharibəsi dövründə İrana yardım göstərməyib, başqa dövrlərdə də müxtəlif ölkələrə humanitar yardımlar göstərib. “Azərbaycanın humanitar yardım siyasəti hər zaman müxtəlif ölkələrə də, beynəlxakq qurumlara da bir örnək olub. Ölkəmiz müstəqil və humanist siyasət həyata keçirir. Bu baxımdan təkcə İrana deyil, digər ölkələrə də humanitar yardım göndərmək məsələsində Azərbaycan beynəlxalq təşkilatları, xüsusən də BMT qabaqlayıb. COVİD19 pandemiyası dövründə də, ayrı-ayrı ölkələrdə təbii fəlakətlər olanda da görmüşük ki, ilk humanitar dəstək addımını atan Azərbaycan olub. Azərbaycan humanizm diplomatiyasını daim gündəmdə saxlayıb, həyata keçirib”.
Ş.Ağayevin sözlərinə görə, beynəlxalq təşkilatlar bu statusu daşısalar da, demək olar asılı xarici siyasət həyata keçirir. Onun bildirdiyinə görə, artıq bütün dünya dövlətləri qəbul edir ki, BMT müstəqil addım atmaq, problemləri həll etmək funksiyasını itirib. “Baxmayaraq ki, bu onun əsas funskiyalarından biridir. Azərbaycan bu sahədə müstəqildir və humanitar və təbii fəlakətlə üzləşən dövlətlərə humanitar yardım göstərirsə bunu tam müstəqil şəkildə edir. Humanitar yardım siyasətini müstəqil şəkildə yürüdür. Baxmır ki, bu dövlətin o dövlətdən xoşu gəlmir, yaxud gəlir, heç kəsdən asılı olamayaraq mustəqil şəkildə yardımlar edir. Azərbaycan humanitar diplomatiyanı öz xarici siyasətində əsas əlamətlərdən biri sayır. Azərbaycandan fərqli olaraq BMT-nin humanitar yardım siyasəti müstəqil deyil”-deyə Ş.Ağayev qeyd etdi.
İradə SARIYEVA
