Tural İrfan: “Vensin Ropa Papası haqqında və Vatikanla bağlı ifadələri şantaj xarakteri daşıyır və xəbərdarlıqdır”
ABŞ-ın vitse-prezidenti Ceyms Devid Vens bildirib ki, Papa XIV Leo “mənəvi məsələlər” və “Katolik kilsəsində baş verənlər”lə məşğul olmalı və Amerika siyasəti məsələlərini Donald Trampa buraxmalı olduğunu bildirib. Vens Fox News-a verdiyi müsahibədə Prezident Donald Tramp və Papa XIV Leo arasında virtual müzakirəni şərh edib.
“Mən, əlbəttə ki, bəzi hallarda Vatikanın mənəvi məsələlərlə məşğul olması daha yaxşıdır", Vance dedi. "Katolik Kilsəsində baş verənlərlə bağlı məsələlərlə məşğul olmaq və Amerika siyasətini ABŞ Prezidentinin müəyyən etməsinə icazə vermək”.
ABŞ vitse-prezidenti əlavə edib ki, Vaşinqton və Müqəddəs Taxt-tac arasındakı münaqişədən "həddindən artıq narahat deyil".
Vens 2019-cu ildə katolikliyi qəbul edərək, katolik inancının həqiqətinə əmin olduğunu bildirib. Papa XIV Leo (əsl adı Robert Francis Prevost) 2025-ci ilin may ayında bu vəzifəni icra edən Vatikanda Müqəddəs Taxt-tac tutan ilk amerikalıdır.
Vens “Roma papası getsin mənəviyyat məsələləri və Katolik kilsəsində baş verənlərlə məşqul olsun” deməklə nəyi nəzərdə tutur?Pedofilliyə, kardinalların intim qalmaqallarına işarə edir?ABŞ-ın vitse prezidenti papa haqda bu fikirləri söyləyərkən nəyə işarə edir?
Milli Cəbhə Partiyasının (MCP) sədr müavini, ilahiyyatçı Tural İrfan baki-xeber.com-a bildirdi ki, ABŞ prezidenti istəyir ki, İran müharibəsində Avropa, NATO, hətta Vatikan və digərləri ona dəstək versin. “Bunun üçün də diplomatik metodlardan çox təhdid ya da təhqir istifadə edir. Bir qədər əvvəl özünü İsa peyğəmbərin obrazında təqdim edən Trampın Roma Papasına eyham vurduğu görünürdü. Ola bilsin, bu addımların arxasında İsrail durur. Çünki bu da dəqiqdir ki, İsrailin müsəlmanlardan sonrakı hədəfi xristian aləmi olmalıdır. Hazırda xristianlar vasitəsi ilə müsəlman aləminə savaşır. Bu savaşda qalib gəldikdən sonra daha böyük güc və imperiya qazanaraq xristian dünyasına, Roma Papasına savaş açacaqlar. Çünki Qüds təkcə müsəlmanlara aid deyil. İsanı yəhudilər peyğəmbər hesab etmir. Qüdsdə Süleyman mbədini inşa etmək üçün təbii ki, xristianlığa aid müqəddəs abidələr və məkanlar da məhv ediləcək. Lakin Trampın bir qədər tələsməsi planı ifşa edə bilər. Vensin Ropa Papası haqqında və Vatikanla bağlı ifadələri şantaj xarakteri daşıyır və xəbərdarlıqdır”.
T.İrfanın sözlərinə görə, ola bilsin, İsrail Trampın Epşteynlə bağlı dosyaların yayılmasında Vatikanın rolu olduğunu ABŞ liderindən gizlətməyib. “Nəticədə o da qərara gəlib ki, böyük qalmaqalı öz üzərindən Vatikan üzərinə atsın. Müəyyən vaxtlarda Vatikanda kardinalların intim qalmamalları, pedofilliyi haqda da məlumatlar yayılıb. Olsun ki, Epşteyn hadisəsinə oxşar faktlar İsrail tərəfindən ABŞ rəsmilərinin əlinə keçib. ABŞ-nin vitsei - prezidenti papa haqqındakı fikirləri ilə İranla bağlı İsrailə dəstək istəyir. Əks halda şantaj və digər vasitələrlə təziq edəcəyinin anonsunu verir. Tramp Vatikanın, Roma taxtının müqəddəsliyini aradan aparmağı da nəzərdə tutur. Onun üçün dünyada yalnız İsrail və Qüds müqəddəsdir. Tramp xarakterinə görə keçmiç dini təsisatı və papalıq institutunu ləğv edib həm də bütün xristianların dini və dünyəvi lideri olmaq istəyir. Bu da Vatikanda etirazlar yaradır”-deyə T.İrfan bildirdi.
İradə SARIYEVA
