Mehman ismayılov: “Azərbaycan diasporunun rəhbərinə 24 il vermək, onu bu cür cəzalandırmaq işin sifarişli olduğundan xəbər verir”
Rusiyada fəaliyyət göstərən Azərbaycan diasporuna qarşı təxribatlar səngimir. Rusiyadakı diaspor rəhbərimizə qarşı represiya davam edir. Uraldakı Azərbaycan diasporunun rəhbəri Şahin Şıxlinskiyə göstərilən ədalətsiz münasibət bunu bir daha təsdiq edir. Rusiya hakimiyyətindəki erməni yanlılar soydaşlarımıza qarşı hər cür ədalətsiz münasibət sərgiləyirlər. Belələrinin Rusiya məhkəmələrində də olduqları da sirr deyil. Əgər belə olmasaydı Rusiya məhkəməsinin hökmü ilə Uraldakı Azərbaycan diasporunun rəhbəri Şahin Şıxlinski 9 il müddətinə maksimum təhlükəsizlik koloniyasında, oğlu isə 8 il müddətinə ümumi təhlükəsizlik koloniyasında cəza çəkməyə məhkum edilməzdi. Onlar təhlükəsizlik işçisinə qarşı guya “zorakılıq” ediblər. İndi isə Rusiya məhkəməsi Uraldakı Azərbaycan icmasının rəhbərinin cəzası 24 ilə qədər artırıb.
Aprelin 13-də Yekaterinburqun Kirovski Rayon Məhkəməsi Uraldakı Azərbaycan diasporunun rəhbəri Şahin Şıxlinski və oğlu Mütvalə Şıxlinskini qondarma ittihamlarla cəzaya məhkum etməsi həqiqət də böyük ədalətsizlikdir.
Rusiya diaspor rəhbərlərimizə qarşı repressita davam etməsi səbəbinə şərh verən politoloq Mehman İsmayılov baki-xeber.com-a bildirdi ki, Rusiya Federasiyasının güc strukturlarının etnik azərbaycanlılara qarşı basqısı heç zaman səngiməyib. “Səbəb oldu oldu olmadı miqrantlara qarşı sərt siyasət yürütmək, şərləmə kampaniyası aparmaq, iş adamlarının biznes obyektlərinə basqınlar etmək Rusiyanın hər zaman həyata keçirdiyi siyasətdir. Rusiya ərazində yaşayan digər millətlərin nümayəndələri, xüsusilə etik azərbaycanlılara qarşı təzyiq kampaniyası aparır, basqın edir, hədsiz sərt cəzalandırır, günahı oldu olmadı Rusiyanın güc strukturlarını, hüquq-mühafizə orqanlarını maraqlandırmır. Səfərov qardaşlarına qarşı Rusiyanın güc strukturlarının törətdiyi vəhşiliyi unutmamımışıq. İndi tətbiq olunan ağır cəzalar, onların bizneslərinin əllərindən alınması, qanunsuz yoxlamaların təşkil edilməsi, diaspor qurumlarına qarşı edilən təzyiqlər bunlar hamısı Rusiyanın Azərbaycanın müstəqil siyasətinə qarşı yönəlmiş təzyiq kampaniyalarının bir tərkib hissəsidir. Digər tərəfdən isə bu Rusiyada yaşayan erməni-mafioz qruplarının, siyasiləşmiş mafiozların, iri buynuzlu maliyyə oğrularının Rusiyanın siyasətini etnik azərbaycanlılara qarşı istifadə etməsidir. Rusiyada yaşayan azərbaycanlılara qarşı başladılmış çirkli oyunların içində hər zaman ermənilərin iştirakı var. Rusiyada 3 milyon yarımdan çox erməni yaşayır. Onların həm siyasətçilərindən, həm təbliğatçılarından, həm ekspertlərindən, həm killerlərindən Rusiya həmişə etnik azərbaycanlılara qarşı istifadə edib. Yəni burada həm Rusiyanın özünün yeritdiyi anormal, adekvat olmayan siyasəti, həm də erməni əli vardı”.
Azərbaycanla Ermənistan arasında münasibətlərin tənzimlənməsi prosesinin Rusiyadakı yüksək vəzifəli məmurları qıcıqlandırdığını deyən M.İsmayılovun sözlərinə görə, Kreml hakimiyyətinin üst səviyyəsinə qədər qıcıqlanırlar, qəzəbli davranırlar, sülh prosesinə maneçilik törətməyə malışırlar. “Digər tərəfdən də Rusiyada yaşayan ermənilər hər zaman Azərbaycanla Rusiyanın münasibətlərini pozmaq üçün əllərindən gələni edirlər. Ona görə də burada məsələnin kompleks təsirləri ortaya çıxır. Bir tərəfdən, Rusiyanın Azərbaycanın müstəqil siyasətinə qarşı hikkəli davranması, digər tərəfdən Rusiyanın güc strukturlarının orada olan cinayətkar erməni qruplarından istifadə etməsi, üçüncü tərəfdən ermənilərin Rusiya ilə Azərbaycanın münasibətlərini pozmaq istəkləri var. Bunlara kompleks yanaşanda mənzərə bu cür görünür. Çünki heç bir ciddi səbəb olmadan birdən-birə Azərbaycan diasporunun rəhbərinə 24 il vermək, onu bu cür cəzalandırmaq işin sifarişli olduğundan xəbər verir”-deyə M.İsmayılov bildirdi.
İradə SARIYEVA
