Hakan Fidan Anadolu Agentliyinə "İrandan sonra İsrailin müharibə edəcəyi növbəti ölkə Türkiyədir, İsrail müharibəsiz yaşaya bilmir" fikrini söylədi. Məlum və təkzibolunmaz bu həqiqət yanlış zamanda və yanlış formada açıqlandı.
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb.
A.Quliyev daha sonra yazır:
Belə gerçəkləri bilmək və buna uyğun hərəkət etmək lazımdır, ancaq açıq danışmaq düz deyil. Ən azı Türkiyə üçün bunu rəsmi söyləmək olmaz. Niyə???
Çünki bu gerçək təhlükəni açıq söyləmək bu gün Türkiyənin İran müharibəsinə qarşı çıxmasını, Qəzza təcavüzünü pisləməsi kimi doğru kursunu şübhə altına alır, ziyanlı rəy yaradır ki, Türkiyə bütün bunları "İsrailin növbəti zərbə hədəfi olacağı qorxusundan və bölgədə davamlı müharibə vəziyyətində maraqlı olması səbəbindən edir"...
Lazımdır? Xeyr... Təhlükəyə qarşı iş görmək başqa, bunu zamansız açıqlamaq başqa...
Qoyun bu barədə hələlik şərhçilər danışsın, rəsmilər yox...
Tahir TAĞIYEV
