ABŞ-ın birinci xanımı Melaniya Tramp cinsi istismar üzrə məhkum edilmiş maliyyəçi Ceffri Epşteynlə hər hansı əlaqəsi olduğunu br daha inkar edib. Birinci xanım bu açıqlamanı Ağ Evdə verib: "Mən heç vaxt Epşteynin dostu olmamışam. Mən Epşteynin qurbanı deyiləm. Epşteyn məni Donald Trampla tanış etməyib".
Melaniya Tramp əlavə edib ki, o və prezident əvvəllər də bəzən eyni məclislərdə iştirak ediblər: "Çünki Nyu-York və Palm Biçdəki belə tədbirlərin üst-üstə düşməsi adi haldır". Melaniya Tramp əri ilə 1998-ci ildə Nyu-Yorkdakı bir məclisdə təsadüfən tanış olduğunu və Epşteynlə ilk dəfə 2000-ci ildə görüşdüyünü deyib. Ağ Evdə jurnalistlərə açıqlamasında Melaniya Epşteynin onu Donald Trampla tanış etməsi ilə bağlı şayiələrin onun nüfuzuna xələl gətirmək üçün pis niyyətli cəhdlər olduğunu bildirib. O,Tramp həmçinin Konqresi Epşteynin cinsi istismar qurbanları ilə dinləmələr keçirməyə çağırıb. Melaniya Trampı indi danışmağa nəyin vadar etdiyi bəlli deyil. Onun ofisi birinci xanımın planlaşdırılan bəyanatı barədə jurnalistlərə əvvəlcədən məlumat verməyib. Melaniya Tramp Epşteyni çətinliklə tanıdığını və onunla yalnız 2000-ci ildə qısa müddətə "yollarını kəsişdiyini" söyləyib. Qeyd ediliyi kimi Melaniya Tramp iddia edir ki, Donald Trampla 1998-ci ildə Nyu-Yorkda bir məclisdə tanış olub, lakin Epşteynlə cəmi iki il sonra, artıq Trampla birlikdə olduğu başqa bir məclisdə tanış olub.
O, həmçinin Epşteynin cinsi istismar qurbanlarından biri olmadığını və onun cinsi istismara meylliliyindən xəbəri olmadığını söyləyib: "Epşteynin qurbanlarına necə davrandığı barədə heç nə bilmirdim. Mənim heç bir şəkildə iştirakım yox idi. Mənim bu işdə heç bir iştirakım yox idi". Melaniya Tramp həmçinin Epşteynin dostu və əlbir olduğu Gislain Maksvelli tanımadığını iddia edib. Epşteynin iş sənədlərində tapılan 2002-ci ildə Maksvelə yazdığı məktubla bağlı Melaniya Tramp bunu "adi yazışma", mənasız "nəzakətli cavab" kimi təsvir edib. Bu electron poçtun mətni "New York Magazine" tərəfindən dərc edilib. Məktubda deyilir: "Nyu-Yorka qayıdanda mənə zəng et. Əla vaxt keçir! Sevgi ilə, Melaniya."
“New York Magazine” məqaləsində Donald Trampın Epşteyn haqqında “əla oğlan” və onunla vaxt keçirmək əyləncəli olduğu barədə dediyi fikirlərə də istinad edilir. Nəşr Melaniya Trampın sözlərini sitat gətirir: "Hətta deyirlər ki, o, mənim qədər gözəl qadınları, o cümlədən gənc qadınları sevir. Ceffri sosial həyatı sevir, buna şübhə yoxdur". Bu fonda Konqres dinləmələri ilə bağlı fikirlərini genişləndirən Melaniya Tramp, Konqres üzvlərinin Epşteynin qurbanlarına and içərək ifadə vermək imkanı verməli olduğuna inandığını söyləyib: "Bu qadınların hər birinə istəsələr, öz hekayələrini ictimaiyyət qarşısında danışmaq imkanı verilməli və onların ifadələri Konqresin qeydlərinə daxil edilməlidir. Yalnız bundan sonra həqiqəti biləcəyik".O, çıxışından sonra jurnalistlərin suallarını cavablandırmayıb. Melaniya Trampın ifadəsindən sonra yayılan açıqlamada Nümayəndələr Palatasının Nəzarət Komitəsinin Demokrat üzvü Robert Qarsiya deyib: "Biz Melaniya Trampın ictimai dinləmələr çağırışı ilə razıyıq". Qarsiya Nəzarət Komitəsinin sədri Ceyms Komerə istinadən əlavə edib: "Biz sədr Komerdən birinci xanımın xahişinə cavab verməsini və dərhal ictimai dinləmə təyin etməsini xahiş edirik". Birinci xanımla Epşteyn arasındakı münasibətlər haqqında şayiələr əvvəllər də məhkəmə prosesinin mövzusu olub. Misal üçün, birinci xanım həmçinin yazıçı Maykl Volfun "Atəş və Qəzəb" kitabı ilə bağlı hüquqi mübahisəsinə girib. Volfun yazdığı kitabda Melaniya əri ilə Epşteynlə əlaqələri olan model agenti vasitəsilə tanış olduğunu yazıb. Melaniya Tramp nadir hallarda ictimaiyyət qarşısında çıxış edir. Melaniya Trampın açıqlaması, ABŞ Ədliyyə Nazirliyinin 2019-cu ildə həbsxana kamerasında intihar edən Ceffri Epşteynə qarşı işi necə həll etməli olduğu ilə bağlı ictimai müzakirələrə yol açır. Donald Trampın özü uzun müddətdir ki, Epşteynlə müəyyən əlaqələri olduğunu etiraf edir, lakin sonradan onun "pis adam" olduğunu anladıqdan sonra onu Palm Biçdəki Mar-a-Lago malikanəsindən qovduğunu iddia edib. Trampın adı Epşteynin sənədlərində dəfələrlə görünür, lakin Trampın hər hansı qanun pozuntusuna yol verdiyinə dair heç bir dəlil yoxdur. Donald Tramp MS NOW televiziya kanalına verdiyi açıqlamada birinci xanımın açıqlamasından əvvəlcədən xəbərsiz olduğunu bildirib . O, həmçinin əlavə edib ki, Melaniya Tramp Epşteynlə tanış deyil.
Tahir TAĞIYEV
