Bir neçə gün əvvəl Qarabağı biabırçı şəkildə tərk edərək Moskvaya gedən qondarma “dövlət naziri” Ruben Vardanyan yenidən Qarabağda peyda olub. Qondarma “nazir” müşavirə keçirib, eləcə də İran mediasına müsahibə verib.
Əsas diqqətçəkən məqam isə separatçı rejimin qondarma “təhlükəsizlik şurasının keçmiş baş katibi”, separatçıların ordusuna “rəhbərlik” etmiş Samvel Babayanın Xankəndiyə gəlişidir.
Ermənistan mediası Babayanın bir neçə gündür Qarabağda olduğunu yazır.
Aydındır ki, R.Vardanyan Moskvaya təlimat almaq məqsədilə getmişdi. Geri qayıtmayacağı haqda xəbərlər var idi, qayıdışı o deməkdir ki, ruslar ona dəstək verməyə davam edəcəklər. Lakin qondarma “dövlət naziri”ni Nikol Paşinyan istəmir. Paşinyana yaxınlığı ilə seçilən Samvel Babayanın Qarabağa gəlişi isə Vardanyana qarşı planların olduğu deməkdir. Hətta Babayanın qondarma rejimin “dövlət naziri” təyin olunacağı haqda məlumatlar da yayılmışdı.
Vardanyan Moskvaya gedəndə belə fikirlər vardı ki, Rusiya onunla bağlı layihədən imtina edir. Ancaq görünür, Rusiya ondan daha yeni məqsədlər üçün istifadəni düşünür. Rusiya Vardanyanın yenidən Qarabağa qayıtmasına niyə icazə verdi? Bir də, Qarabağ separatçılarının bsşçılarının artıq Ermənistana deyil, Moskvaya çağırılaraq təlimatlandırılması diqqət çəkir. Əvvəl Araik getdi, sonra Vardanyan.
Siyasi şərhçi Sahil Kərimli “Bakı-Xəbər”ə açıqlamasında bildirdi ki, biz hələ Rubenin biznesmen, yoxsa şoumen olduğunu dəqiq müəyyənləşdirə bilmirik: “Son günlər Qarabağa xüsusi separatçılıq missiyası ilə göndərilən rusiyalı milyarder Ruben Vardanyan ətrafında hadisələr daha ziddiyyətli məcraya yönəlir. Məlumdur ki, cinayətkar Vardanyan əvvəlcə Qarabağa humanitar yardım adı ilə gəlmişdi. Sonra isə çirkli siyasi oyunlara qoşulub, qanunsuz əməllərlə məşğul oldu. Qarabağda yaşayan erməni əsilli Azərbaycan vətəndaşları arasında separatçılığı alovlandırmaq, təbii sərvətlərimizi talan etmək, ərazilərimizə gizli silah-sursat daşınmasını təmin etmək Vardanyanın əsas vəzifələrindən biridir. Digər tərəfdən, Ruben gizli yollarla Moskavaya gedir, oradan yeni təlimatlar alır, növbəti təxribatların planını hazırlayır. Özü də Qarabağdan rusiyalı sülhmıramlılara məxsus avtomobillərdə çirkli paltarların içində gizlənərək çıxır və geri qayıdır. İndi sual olunur: bu yaramaz biznesmendir, yoxsa şoumen? Əslində, Vardanyan Rusiyada çirkli yolarla qazandığı molyonları terrorçuluğa və separatizmə xərcləyərək yeni qazanc mənbələri axtarmağa çalışır. Amma Azərbaycan dövləti artıq xeyli müddətdir ki, buna imkan vermir. Ərazilərimizin talanması prosesi dayanıb”.
Sahil Kərimlinin sözlərinə görə, şübhəsiz ki, Vardanyanın bu günlərdə Rusiyadan yeni təlimatlar alaraq Qarabağa qayıtması yaxın zamanlarda vəziyyəti gərginləşdirməyə hesablanıb: “Amma Ruben anlalamlıdır ki, o, suveren Azərbaycan ərazilərində heç nəyə nail ola bilməyəcək. Onun qarşısında qoyulan vəzifələrin icrası demək olar ki, mümkün deyil. Çünki, əvvəla Qarabağda, xüsusilə Xankəndidə gedən proseslər Azərbaycan dövlətinin və ordusunun ciddi nəzarətindədir. İstənilən təxribatın qarşısı qətiyyətlə və anındaca alınacaq. Digər tərərfdən, Azərbaycan ictimaiyyətinin nümayəndələri Laçın yolundakı etiraz aksiyalarını sona qədər davam etdirəcək. Vətəndaşlarımız tələblərinə nail olunana qədər etirazları davam etdirəcək. Bütün bunlar isə Ruben Vardanyan və onun havadarlarının məkrli planlarını alt-üst edəcək. Sirr deyil ki, suveren ərazilərimizdə qarışıqlıq yaratmaq planlarının içində Rubenlə yanaşı terrorçu Araik Arutyunyan, hətta Ermənistanın baş naziri Nikol Paşinyan da var. Paşinyan hər nə qədər yaxasını kənara çəkməyə şalışsa da, Ruben hər açıqlamalarında Paşinyanla əlbir olduğunu inkar etsə də, reallıq ortadadır. Bu prosesdə Ermənistan baş naziri də öz oyununu oynayır. Bütün məqsəd isə Azərbaycan dövlətinə təsirlər etmək, danışıqlar masasında üstünlük qazanmaq və havadarların maraqlarını təmin etməkdir. Amma bu istəkləri gözlərində qalacaq. Çünki Azərbaycan dövləti baş verən hadisələri diqqətlə izləyir və reallıqları düzgün qiymətləndirir. Ruben, Araik və Nikol əmin olsun ki, onların Azərbaycan əleyhinə qurduğu oyunların sonu heç də yaxşı olmayacaq, onları ağır cəzalar gözləyir”.
Məhəmmədəli QƏRİBLİ
