“Ya Ermənistan Azərbaycanla sülh müqaviləsi bağlayacaq, ya da yox olacaq”. Bu barədə dur ekspert, “Milli Müdafiə” jurnalının baş redaktoru İqor Korotçenko “Facebook sosial şəbəkəsində yazıb. Ekspert bildirib: “Ya Ermənistan Azərbaycanla prezident İlham Əliyevin təklif etdiyi beş prinsip əsasında sülh müqaviləsi imzalayacaq, ya da Ermənistan xaosa qərq olacaq, dövlətçiliyini itirəcək və dünyanın siyasi xəritəsindən silinəcək”.
Erməni mediası yazır ki, əslində, bu mövqeni indi Rusiyada çoxları bölüşür. Elə bu fonda Ermənistanda Rusiyanın orbitindən çıxmaqla bağlı çağırışlar artır. Məsələ ilə bağlı “Ermənistanın səsi” qəzeti yazır: “Sərhəddə baş verənlərin ertəsi günü ümidsizliyə düşən erməni cəmiyyətinin böyük hissəsi gözlənildiyi kimi Rusiyadan narazılıq etməyə başladılar. Və təbii ki, Rusiyad da bilməyə bilməzdilər ki, bunun səbəbi Moskvanın himayə etdiyi KTMT katibliyinin sərhəd hadisələri ilə bağlı bir növ yöndəmsiz “vəd”i olacaq. Rusiya Federasiyasının xarici işlər nazirinin müavini cənab Karasin isəbütün dünyaya səs salmağa tələsirdi ki, təkcə Moskvanın sayəsində artıq barışıq əldə olunub. Amma reallıqda sərhəddə əldə edilən bu razılaşmalar 15 dəqiqə davam etmədi. Sərhəddəki qanlı döyüşlər xəbərindən dərhal sonra Kremlin yaxın çevrələrində fırlanan və özünü rus vətənpərvərləri kimi göstərən Korotçenko, Markov kimi ekspertlər Ermənistan Müdafiə Nazirliyini ittiham edərək bildirdilər ki, İrəvan ABŞ və Avropanın təqdimatları ilə təxribat törədib. Bir sözlə, Rusiya İrəvanın əsas müttəfiqi imicində olmadığını bir daha ən yaxşı şəkildə göstərdi. Nəhayət, Moskvanın sadə həqiqəti nə vaxt başa düşəcəyi bəlli deyil: bəli, doğrudan da, Paşinyan Rusiyanın dostu deyil, yeri gəlmişkən, Ermənistanın özünün də dostu təsiri bağışlamır. Amma sərhə olayları ilə onu bu hala salmaq da doğru deyil, Rusiya isə buna gedir. Və bu dağınıq, prinsipsiz diplomatiya Rusiyaya məhz bu regionun itkisi hesabına başa gələ bilər. Rusiyalı dostlarımız və müttəfiqlərimiz belə sözlərdən inciməsinlər, çünki təəssüf ki, bu sözlər Cənubi Qafqazdakı obyektiv reallığı əks etdirir: Gürcüstanda rusiyayönlü seqment praktiki olaraq sıfıra enib, indi hətta Ermənistanda da rusiyapərəstlik hər gün azalır”. Belliklə, Ermənistanda vəziyyət getdikcə gərginləşir və buna görə Rusiyay qarşı ittihamlar artır. Bu şəraitdə ölkənin Rusiyadan üz çevirib Qərbə yaxınlaşması ilə bağlı çağırışlar da artır. Erməni politoloq Hayk Martirosyan qeyd edib ki, Ermənistanın məhvində yeganə əsas günahkar erməni xalqıdır. Politoloq Ermənistan Müdafiə Nazirliyinin erməni tərəfdə itkilər barədə məlumat yaydığını, digər dəqiqləşdirilməmiş mənbələrin məlumatına görə, Ermənistanın cənub hissəsində artıq ərazi itkiləri olduğunu vurğulayaraq yeganə çıxış yolunun şiddətli xalq üsyanı, xarici siyasi vektorun ABŞ-a doğru dəyişməli olduğunu vurğulayıb. Hayk Martirosyan Ermənistan Müdafiə Nazirliyinin baş verənləri “təxribat” adlandırmasına əsasən bildirib ki, təxribat rəqibi başqa bir hərəkətə təhrik etmək üçün bir hərəkətin həyata keçirilməsidir, lakin Ermənistanın siyasi rəhbərliyi heçliyə çevrilib, ordu da mahiyyətcə nizamsızdır: “Azərbaycan heç nəyə təhrik etmir, sadəcə Ermənistanı məhv etmək problemini həll edir”. Politoloq, həmçinin, əlavə edib ki, Ermənistanın onurğa sütunu olan Zəngəzurun dağıdılması nəticəsində hakimiyyətin yeni xain rejimi - “xilaskar” Rusiyanın, “xilaskar” rejimi gələcək. Ermənistan sadəcə olaraq xilas ola bilməyəcək.
Ermənistanın keçmiş xarici işlər naziri Zöhrab Mnatsakanyan da bildirir ki, Rusiyanın, “KTMT-nin son sammitinin nəticələri təəccüblü olmadı. O qeyd edib ki, təşkilatın baş katibinin regiona göndərilməsi qərarı boş qərar idi və Ermənistana qarşı “hücum şəraitində” kollektiv məsuliyyətdən qaçmaq məqsədi daşıyırdı: “Sammitdə səslənən “məlumat hər iki tərəfdən gəlir”, “sərhəd demarkasiya olunmadığı üçün işğaldan danışmaq çətindir” ifadələri həmin strukturun mənasızlığından xəbər verir”. Erməni politoloq Robert Gevondyan isə vurğulayır ki, bu, Ermənistanın KTMT-dən çıxması üçün bir fürsətdir: “Təhlükəsizlik sahəsində yeni tərəfdaş tapmaq hökumətin iradəsini tələb edir”. Bu arada isə Rusiyanın BMT-dəki daimi nümayəndəsi Vasili Nebenzya jurnalistlərə Təhlükəsizlik Şurasının Azərbaycan və Ermənistan sərhədindəki vəziyyətlə bağlı qapalı iclasında ölkəsi adından münaqişəyə son qoymaq üçün görülən işləri açıqlayıb: “Biz Rusiyanın həm ayrı-ayrılıqda, həm də KTMT vasitəsilə vəziyyəti normallaşdırmaq, atəşkəsə nail olmaq üçün göstərdiyi səylərdən, Kollektiv Təhlükəsizlik Şurasının iclasından sonra KTMT-nin göstərəcəyi səylərdən danışdıq”. Nebenzya vurğulayıb ki, BMT Təhlükəsizlik Şurasının qapalı məsləhətləşmələrinin iştirakçıları yekdilliklə Ermənistanla Azərbaycan arasında tezliklə atəşkəs əldə olunmasının, vəziyyətin siyasi-diplomatik vasitələrlə nizamlanmasının tərəfdarı olduqlarını bildiriblər. Daimi nümayəndə əlavə edib ki, Rusiya BMT Təhlükəsizlik Şurasının Ermənistan və Azərbaycanla bağlı sənədinə prezidentlərin üçtərəfli bəyanatlarına istinadın daxil edilməsində israrlıdır. Rusiyanın BMT-də tutduğu bu mövqe də Ermənistanda narazılıqla qarşılanıb. Elə bu səbəbdən Ermənistanda anti-Rusiya əhval-ruiyyəsi artır.
Tahir TAĞIYEV
