Ermənistanın hərbi-siyasi rəhbərliyi Azərbaycana qarşı həyata keçirmək istədiyi növbəti təxribata layiqli cavab verildi. Ordumuzun tərxibata qarşı həyata keçirdiyi cavab tədbirləri nəticəsində Ermənistan silahlı qüvvələrinin Laçın, Kəlbəcər və Zəngilan istiqamətlərində qurduğu və Azərbaycan üçün təhdid yaradan bütün hərbi təyinatlı hücum xarakterli obyektlər darmadağın edilib.
Həmçinin, Azərbaycan Ermənistanın həmin bölgədə yerləşən bütün nəqliyyat-kommunikasiya sistemini və çox mühüm yüksəkliklərini nəzarətə götürüb. Həqiqətən də Ermənistanın Azərbaycanın beynəlxalq birlik tərəfindən tanınan sərhədlərinə müdaxiləsi İrəvana baha başa gəldi. Ermənistan ordusu son döyüşlərdə çoxlu sayda canlı qüvvə itirib. Bundan başqa, qarşı tərəfin çox sayda hərbi texnikası, 1 milyard dollardan artıq dəyəri olan iki S-300 raketi, xeyli hərbi obyekti və onlarla postu darmadağın edilib.
Qarşı tərəfin siyasi və hərbi davranışları göstərirdi ki, Ermənistan revanşa, Azərbaycana hücuma hazırlaşır, hərbi əməliyyatlara start vermək fikrindədir. Təbii ki, qalib Azərbaycan Ordusu qətiyyətli cavab zərbələri ilə İrəvana heç vaxt unutmayacağı dərsi verdi.
Təbii ki, Azərbaycan bütün hərbi tədbirləri beyəlxalq hüquqa uyğun olaraq, öz sərhədlərinin müdafiəsi məqsədi ilə həyata keçirdi və cavab tədbirləri zamanı Ermənistan əhalisinə, mülki infrastruktura heç bir ziyan vurulmadı.
Azərbaycan Ordusu keçirdiyi uğurlu hərbi əməliyyatla bir daha öz qüdrətini, döyüş hazırlığını həm qarşı tərəfə, həm də onun havadarlarına nümayiş etdirdi. Ordumuz dünyaya bir daha bəyan etdi ki, düşmənin bütün növ təxribatlarına adekvat cavab verməyə hər zaman hazırdır.
Azərbaycanın Ermənistanın ərazisindəki bəzi hücum postlarını məhv etməsi heç də, həmin ölkənin ərazisinə olan təcavüz kimi qiymətləndirilə bilməz. Biz müdafiə olunan tərəfik. Harda üstümüsə həmlə edilirsə, oranı vurmağa, zərərsizləşdirməyə məhkumuq. Bu baxımdan, Ermənistanın son hadisələrə güya onun ərazisinə olunan hücum kimi qiymətləndirilməsi cəfənfiyatdan başqa nəsə deyil.
Hərbi-siyasi ekspert, ehtiyatda olan polkovnik leytenat İbrahim Rüstəmli “Bakı-Xəbər”ə açıqlamasında bildirdi ki, çox aktual bir məsələyə diqqəti yönəltmişik: “Məsələ burasındadır ki, hələ Azərbaycanla Ermənistan arasında sərhədlərin delimitasiya və demarkasiyası prosesinə ümumiyyətlə başlanılmayıb. Buna görə də ermənilərin konkret sərhəd haqda danışması heç bir məntiqə sığmır. İkincisi, bütün anti-terror əməliyyatlarının hamısı Azərbaycanın ərazisində keçirilib. Atəşkəsdən sonrakı dönəmdə, təkcə mina partlaması nəticəsində 250-yə yaxın Azərbaycan insanı ya həyatını, ya da sağlamlığını itirib. Son anti-terror əməliyyatı erməni ordu qruplaşmalarının Azərbaycan ərazilərinə mina basdırmaq cəhdindən sonra başlayıb. Bilirsiniz ki, 10 noyabr razılaşmasından sonra, erməni silahlılarının Azərbaycan ərazisinə sızması baş verib. Onlar bizim ərzimizdə döyüş postları qurublar. Döyüş postları nə üçün qurulur? Təbii ki, hücum məqsədilə. Bizim tərəfimizdən hücum məqsədilə qurulan həmin postların darmadağın edilməsi qarşımızda duran vacib məsələydi. Azərbaycan “dəmir yumruq”u işə saldı, terrorçuları nəinki geri oturddu, hətta onların bəzi mövqelərini də ələ keçirdi. Strateji və taktiki baxımdan bu, olduqca vacib məsələ idi. Bütün bu tədbirləri Azərbaycan məcburiyyət qarşısında görüb. Əks təqdirdə həmin hücum postlarından bizim mövqelərimizə daha sarsıdıcı zərbələr endiriləcəydi. Biz müfafiə olunan tərəf olmuşuq. Hərdan üzərimizə basqı olubsa, ordan da cavab vermişik. Bütün bunlara görə Ermənistan məsuliyyət daşıyır və cavab verməlidir. Təsadüfi deyil ki, Azərbaycan Respublikasının Baş prokurorluğu da bu məsələ ilə bağlı cinayət işi qaldırıb. Yəqin ki, cinayətkarların cəzalandırılması istiqamətində də önəmli addımlar atılacaq. Ölkə Prezidentimiz dəfələrlə ermənilərə xəbərdarlıq edib ki, terrora cəhd göstərməsinlər. Təəssüf hissi ilə qeyd edirəm ki, ermənilər bundan düzgün nəticə çıxara bilmədilər. Bunun da nəticəsi göz qabağındadır. Ermənistan ordusu faktiki olaraq iflic halına gəlib. Ermənilər lazımi nəticəni çıxarmasalar, bundan da artıq zərbələr alacaqlar”.
Məhəmmədəli QƏRİBLİ
