Erməni lobbisi dünyanın ayrı-ayrı ölkələrində öz mövqeyini itirməkdədir. Artıq bəzi dövlətlərdə erməni lobbisinin “dizlərinin titrədiyinin” şahidi oluruq.
Rusiyada da erməni lobbisinin zəiflədiyi diqqətdən qaçmır. Son günlər sosial şəbəkələrdə Rusiyanın gradator.ru saytına istinadən yayılan məlumatlara görə, Rusiyanın Baş Prokurorluğunda yüksək vəzifə tutan 12 erməni vəzifəsindən qovulub. Sosial şəbəkələrdə yazılana görə, bu barədə daha geniş səviyyədə Maksim Şevçenkonun verilişində söhbət açılıb və 12 nəfər erməninin Rusiyanın Baş Prokurorluğundan uzaqlaşdırıldığı vurğulanıb. Onların işdən hansı səbəblər üzündən qovulduğuna şərh verilməsə də, ekspertlər qeyd edirlər ki, bu, son həftələr ermənilərin Rusiya ərazisində separatçılığa meyl göstərmələri ilə bağlıdır. Ekspertlərin fikrincə, bu gün ermənilər Rusiyanın özünə qarşı da ərazi iddiaları irəli sürür və bu işdə onlara həm Ermənistandakı anti-Rusiya qüvvələri, həm də Rusiyanın özündəki yüksək vəzifəli ermənilər, eləcə də iş adamları gizlin şəkildə dəstək verirlər. Ekspertlər qeyd edirlər ki, hələ bu ilin fevral ayından Rusiya prokurorluq və hüquq-mühafizə orqanlarından yüksək vəzifəli ermənilərin işdən qovulması prosesi başlayıb. Bunun milli ayrıseçkilik kimi qəbul ediləcəyindən ehtiyatlanan Rusiya rəsmiləri məlumata hər hansı bir şərh verməyiblər. Ekspertlər deyirlər ki, rəsmilər bunun mətbuatda ictimailəşdirilməsini istəməsələr də, yenə də sosial media və bəzi kanallar bu məsələni ictimailəşdiriblər.
“Bu gün Rusiyada erməni lobbisi artıq zəifləyib”
12 nəfər vəzifəli erməninin Rusiyanın Baş Prokurorluğundan qovulması ilə bağlı sosial mediada yayılan məlumatı şərh edən tanınmış hüquqşünas Əziz Qəmbərov bizimlə söhbətində bildirdi ki, burada əsas rolu xəyanət amili oyanaya bilər. “Bu barədə məlumat sosial şəbəkələrdə yayılıb. 12 nəfər erməninin Rusiyanın Baş Prokurorluğundan kütləvi olaraq qovulmasını yalnız onunla izah etmək olar ki, görünür, onlar Rusiyanın dövlət maraqlarına xəyanət ediblər. Erməni harada varsa, orada mütləq mənada xəyanət, separatizm var. Bu gün Rusiyada müxtəlif vəzifələr tutan ermənilər çalışırlar ki, Rusiyanı Ermənistanın tərəfində müharibəyə cəlb etsinlər. Bilirsiniz ki, bununla bağlı onların çağırışları da var. Hətta onlar “Rusiya Ermənistanı qorumağa borcludur, Rusiya Ermənistana dəstək verməsə, biz Krasnodarda erməni respublikası yaradacağıq” kimi çağırışlar da edirlər. Rusiyadakı erməni lobbisi bu ölkədəki erməni əsilli yüksək vəzifəli şəxslərlə birləşərək Rusiyaya qarşı məkrli planlar hazırlayır. Fikrimcə, həmin yüksək vəzifəli ermənilər də Rusiyada separatizm yaratmaq istəyənlərə dəstək verdikləri, bu ölkənin dövlət maraqlarına zidd addım atdıqlarına görə işdən qovulublar. Bu gün Rusiyada erməni lobbisi artıq zəifləyib, onun bu ölkədə əvvəlki gücü qalmayıb, əgər qalsaydı, 12 nəfər erməninin yüksək vəzifədən qovulmasına əngəl olmağa çalışardılar” - deyə Ə.Qəmbərov vurğuladı.
İradə SARIYEVA
