Vergilər Nazirliyi vergi mənbələrinin artırılmasına doğru daha bir maraqlı mexanizm işləyir

Tarix: 17.12.2015 / 02:14
Bölmə: İqtisadiyyat

Vüqar Bayramov: "Qeyri-rəsmi xidmət haqqı alan şəxslərin vergiyə cəlb olunması üçün mexanizmin..."

"4 faizlik sadələşdirilmiş vergi ilə götürdükdə rübdə 2000 manat pul qazanan usta 80 manat vergi ödəməlidir"

Xəbər verildiyi kimi, Vergilər Nazirliyi fərdi xidmətlər göstərən şəxslərdən vergi tutulması mexanizmlərini hazırlayır. Bunu vergilər nazirinin birinci müavini Natiq Əmirov jurnalistlərə açıqlamasında deyib. N.Əmirov bildirib ki, biz dayələrin, repetitorların, ustaların və digər şəxslərin göstərdiyi xidmətlərdən hansı formada vergi tutulacağını müzakirə edirik:

"Bu, patentlər, sadələşdirilmiş bəyannamə və s. ola bilər. Bu sahədə beynəlxalq təcrübə öyrənilir və yekun qərar hələ qəbul edilməyib".

Qeyd edək ki, Azərbaycanda vergi bazasının genişləndirilməsi məqsədilə müxtəlif fəaliyyət növləri ilə məşğul olan və xidmətlər göstərən şəxslərin də vergiyə cəlb edilməsi nəzərdə tutulur. Söhbət indiyədək əsasən qeyri-rəsmi xidmət haqqı alan şəxslərdən gedir. Bura dayələr, repetitorlar, ustalar, ev təmiri və ya avtomobil təmir ilə məşğul olanlar, tərcümə xidmətləri göstərənlər, cangüdənlər, eləcə də evdən digər fərdi xidmətlər göstərənlər aiddir. Məlumatlara görə, hazırda sadalanan fəaliyyətlə ölkədə 10 minlərlə şəxs məşğul olur. Onların əksəriyyəti vergi uçotunda dayanmayıb və ya gəlirlərini tam açıqlamır.

Ümumən ekspertlər fərdi xidmətlər göstərən şəxslərdən vergi tutulması mexanizmlərinin hazırlanmasını necə dəyərləndirir və nə tövsiyə edir?

Məsələyə münasibət bildirən iqtisadçı-ekspert Vüqar Bayramov, prinsipcə, buna müsbət yanaşdığını vurğuladı. Onun fikrincə, vergi qanunvericiliyində qeyri-rəsmi xidmət haqqı alan şəxslərin vergiyə cəlb olunması məsələsi öz əksini tapıb: "Burada söhbət 4 faizlik verginin ödənməsindən gedir. Ancaq aparılan monitorinqlərə istinadən deyə bilərəm ki, usta və digər qeyri-rəsmi xidmət haqqı alan şəxslərin bir qismi vergi ödəyicisi kimi qeydiyyata düşməyib. Bu mənada onların gəlirlərindən vergi tutmaq çətindir. Əsas çətinlik isə onların fəaliyyətinin izlənməsi ilə bağlıdır. Amma onların vergiyə cəlb edilməməsi dövlət büdcəsinə olan ödənişlərə təsir göstərir. 2014-cü ildə dövlət büdcəsinə sadələşdirilmiş vergidən 153 milyon manat ödəniş daxil olub. 2015-ci il üçün isə bu rəqəm 143 milyon manat proqnozlaşdırılıb. Bu baxımdan sadələşdirilmiş vergi ödəyicilərinin vergiyə cəlb olunması dövlət büdcəsinə daxil olan vəsaitlərin artmasına gətirib çıxara bilər. Qeyri-rəsmi xidmət haqqı alan şəxslərin vergiyə cəlb olunması üçün mexanizmin hazırlanması ilə yanaşı, maarifləndirmə tədbirlərinin keçirilməsinə də ehtiyac var.

Burada söhbət heç də böyük həcmdə vergi ödənişindən getmir. 4 faizlik sadələşdirilmiş vergi ilə götürdükdə rübdə 2000 manat pul qazanan usta 80 manat vergi ödəməlidir. Amma qeyri-rəsmi xidmət haqqı alan şəxslərin bu barədə məlumatı az olduğuna görə vergi subyekti kimi qeydiyyatdan keçmirlər. Hesab edirəm ki, ustaların, repetitorların ödənişləri əldən-ələ olduğuna görə bu sahədə monitorinqlərin aparılmasına və bu tip halların üzə çıxarılmasına ehtiyac var. Bəzi ölkələrdə ustaların vergiyə cəlb edilməsi üçün ən çox tətbiq olunan təcrübə nağd ödənişlərin ləğv edilməsidir. Bu təcrübənin ölkəmizdə də tətbiqinə ehtiyac var".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...