Manat ucuzlaşan tenge və rublun coğrafi mərkəzində...

Tarix: 16.12.2015 / 02:10
Bölmə: İqtisadiyyat

Oqtay Haqverdiyev: "Qazaxıstan və Rusiya valyutalarının dəyərdən düşməsi Azərbaycana təsir etməyəcək"

"Sözügedən ölkələrdən idxal olunan istehlak mallarının çəkisi çox aşağıdır"

Son günlər dünya bazarında neftin qiymətinin aşağı düşməsi və bununla bağlı maliyyə bazarlarındakı vəziyyət Azərbaycanın yerləşdiyi regionda milli valyutaların yenidən ucuzlaşmasına səbəb olub.

Oxşar hal 2014-cü ilin sonu 2015-ci ilin əvvəlində yaranmışdı. Nəticədə, demək olar ki, bütün region ölkələri (o cümlədən fevralın 21-də Azərbaycan) devalvasiyaya gedərək öz milli valyutalarını ucuzlaşdırdı. O vaxtdan bəri neftin qiymətinin bir qədər sabitləşməsi valyutaların ucuzlaşmasını dayandırmışdı. İndi isə neftin 40 dollaradək ucuzlaşması yenidən valyutaların ucuzlaşmasına səbəb olub. Doğrudur, Azərbaycanda fevralın 21-də baş verən 34%-lik devalvasiyadan sonra 1 ABŞ dollarının məzənnəsi 1,05 manat ətrafındadır. Hələlik Azərbaycan Mərkəzi Bankı bu məzənnəni saxlamağa nail olur. Amma ətraf ölkələrdə dolların bahalaşmasının yeni dalğası başlayıb.

Qazaxıstanın milli valyutası olan tenge kəskin ucuzlaşaraq 22 illik tarixinin ən aşağı səviyyəsinə enib. Belə ki, ölkənin fond birjalarında dollar bahalaşaraq 329,67 tengeyə dəyişdirilir. Yerli mətbuat bəzi valyutadəyişmə məntəqələrində 1 dolların 330-335 tengeyə dəyişdirildiyini yazır. Bu, 1993-cü ilin noyabr ayında Qazaxıstan valyutasının dövriyyəyə buraxılmasından sonra qeydə alınan ən minimal göstəricidir. Digər tərəfdən, avro da rekord vuraraq 357 tengeyə dəyişdirilir.

Digər qonşu ölkə olan Rusiyada da milli valyutanın ucuzlaşması baş verməkdədir. Rusiya Mərkəzi Bankı hələ ötən ilin dekabrında sərbəst üzən məzənnə siyasətinə keçib. Rubl bir müddət kəskin ucuzlaşsa da, daha sonra məzənnə qismən stabilləşmişdi. İndi isə 1 ABŞ dolları 70 rubl psixoloji həddini keçib. Rublun məzənnəsinin aşağı düşməsi neftin ucuzlaşması ilə əlaqələndirilir.

Bütün hallarda, Qazaxıstan və Rusiya milli valyutalarının ucuzlaşmasının Azərbaycana hansı təsirləri olacaq?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert Oqtay Haqverdiyevin sözlərinə görə, adıçəkilən ölkələrin milli valyutasının ucuzlaşmasının Azərbaycana elə bir təsiri olmayacaq: "Ona görə ki, Azərbaycanda manatın məzənnəsi Mərkəzi Bank tərəfindən tənzimlənir. Bizdən fərqli olaraq Rusiya və Qazaxıstan öz milli valyutalarının məzənnəsini sərbəst buraxıblar. Azərbaycan hakimiyyəti isə sosial vəziyyəti nəzərə alaraq hesab edir ki, manat hələlik sabit qalmalıdır. Digər tərəfdən, Azərbaycanın Rusiya və Qazaxıstanla ticarət dövriyyəsi elə də böyük deyil. Azərbaycanın əsas ticarət tərəfdaşları Avropa ölkələridir. Ola bilsin ki, adıçəkilən ölkələrdən idxal olunan bəzi məhsulların qiyməti aşağı düşsün. Məsələn, kərə yağının qiyməti. Ancaq ümumən sözügedən ölkələrdən idxal olunan məhsulların qiymətinin kəskin ucuzlaşması gözlənilmir. Çünki Rusiya və Qazaxıstandan Azərbaycana idxal olunan istehlak mallarının çəkisi çox aşağıdır. Qazaxıstandan Azərbaycana bircə taxıl gətirilir. Əksinə, bəzi istehlak mallarını biz Rusiyaya ixrac edirik. Bunun satışı ilə məşğul olanlara ziyanı dəyə bilər. Prinsipcə, sözügedən ölkələrdən gətirilən bəzi məhsulların qiyməti ucuzlaşmalıdır. Ancaq işbazlar buna imkan vermir. Bax, bu amili də nəzərə almaq lazımdır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...