İş adamlarının özlərini qəsdən müflisləşdirməsinin qarşısı kəsilir

Tarix: 16.12.2015 / 01:48
Bölmə: İqtisadiyyat

Zakir Əhmədov: "Qəsdən müflisləşmə hallarının qarşısını almaq baxımından cərimələrin artırılması müsbət haldır"

"Hesab edirəm ki, bununla bağlı qanunvericiliyi bir qədər də təkmilləşdirmək lazımdır"

Azərbaycanda saxta və qəsdən müflisləşməyə görə cərimələr artırılır. Bununla bağlı məsələ İnzibati Xətalar Məcəlləsinə dəyişikliklər layihəsində əksini tapıb.

Layihəyə əsasən, saxta müflisləşmə, yəni kommersiya təşkilatının rəhbəri, mülkiyyətçisi və ya fərdi sahibkar tərəfindən kreditorlara olan borcun ödənilməsini təxirə salmaq və ya möhlət almaq və ya borcun azaldılmasına nail olmaq, yaxud borcu ödəməkdən yayınmaq üçün kreditorları aldatmaq məqsədilə özünü bilə-bilə yalandan ödəmə qabiliyyəti olmayan elan etməyə görə vəzifəli şəxslər 1000 manatdan 2000 manatadək (hazırda 55 manatdan 70 manatadəkdir), hüquqi şəxslər isə 10000 manatdan 12000 manatadək (hazırda 110 manatdan 200 manatadəkdir) miqdarda cərimələnəcək.

Bundan başqa, qəsdən müflisləşmə, yəni kommersiya təşkilatının rəhbəri, mülkiyyətçisi və ya fərdi sahibkar tərəfindən özünün, yaxud digər şəxslərin mənafeyi naminə qəsdən ödəmə qabiliyyətsizliyinin yaradılmasına və ya artırılmasına görə vəzifəli şəxslər 2000 manatdan 3000 manatadək (hazırda 65 manatdan 90 manatadəkdir), hüquqi şəxslər isə 12000 manatdan 15000 manatadək (hazırda 160 manatdan 240 manatadəkdir) miqdarda cərimələnəcək.

Qeyd edək ki, bu layihə qəbul olunarsa, 2016-cı il mayın 1-də qüvvəyə minəcək. Yeni layihə Milli Məclisin plenar iclasına tövsiyə olunub.

Bütövlükdə, ekspertlər saxta müflisləşmə ilə bağlı cərimələrin artırılmasını necə dəyərləndirir?

Məsələyə münasibət bildirən ekspert Zakir Əhmədov bununla bağlı cərimələrin artırılmasını müsbət dəyərləndirdi. Onun fikrincə, bəziləri qəsdən müflisləşmə görüntüsü yaradaraq bundan sui-istifadə etməyə çalışır: "Ona görə də belə neqativ halların qarşısını almaq baxımından cərimələrin artırılması müsbət haldır. Əvvəlki cərimələrin azlığı sui-istifadə hallarına şərait yaradırdı. Borc toplayaraq, onu qaytarmaqdan yaxa qurtarmaq perspektivi çoxlarına cəlbedici görünə bilər. Saxta müflisləşmədən istifadənin faydası əsasən müəssisənin balansında olan əmlakın həcmindən asılıdır. Əksər hallarda keçmiş iri müəssisələr müflisləşir, onların balansında təkcə avadanlıq deyil, torpaq da olur. Görürsən ki, sözügedən vasitələri satmaqla müəssisə sahibi varlanır. Ona görə də qəsdən özünü müflis edərək əmlaka sahib olurlar. Yalançı müflisləşmə kreditorlarda yanlış fikir yaratmaq və bununla da ödənişlərin müddətini uzatmaq və ya borcların azaldılması, silinməsinə nail olmaq üçün bilərəkdən elan verməkdir. Qəsdən müflisləşmə müəssisənin müflisləşməsi üçün qəsdən şəraitin yarıdılmasıdır. Məsələn, şirkət üçün əlverişsiz sazişlərin qəsdən bağlanması, öz tanışlarına, qohumlarına və sair şəxslərə qaytarılmayan və ya güzəştli borcların verilməsi. Bu cür qanunsuz hərəkətlərə görə inzibati və cinayət məsuliyyəti müəssisənin direktorunun və ya baş mühasibinin üzərinə düşür. Hesab edirəm ki, bununla bağlı qanunvericiliyi bir qədər də təkmilləşdirmək lazımdır".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...