Yeni ildən israfçı dövlət təşkilatlarına tam fərqli münasibət olacaq

Tarix: 15.12.2015 / 02:02
Bölmə: İqtisadiyyat

Samir Əliyev: "Dövlət qurumlarına ayrılan xərclərin ixtisarı qənaətin bir sistemidir"

"İstənilən halda, bu kimi addımlar qaçılmazdır"

2016-cı ildə büdcə təşkilatlarında israfçılığa qarşı sərt tədbirlər həyata keçiriləcək. Bunu maliyyə naziri Samir Şərifov nazirlikdə 2016-cı ilin dövlət büdcəsi ilə bağlı qarşıda duran vəzifələrə həsr olunmuş kollegiya iclasında çıxışı zamanı deyib.

Dövlət vəsaitlərinin idarə edilməsində səmərəliliyin daha da artırılmasının vacibliyini qeyd edən Kollegiyanın sədri prioritetlik daşımayan xərclər üzrə qənaət rejiminin tətbiq edilməsi və büdcə təşkilatlarında israfçılığa qarşı sərt tədbirlərin həyata keçirilməsinin zəruriliyini vurğulayıb.

Nazir qeyd edib ki, növbəti illərdə qeyri-neft gəlirlərinin büdcə gəlirlərində xüsusi çəkisinin artırılması, Dövlət Neft Fondundan dövlət büdcəsinə transfertin tədricən azaldılması, iqtisadiyyatın müxtəlif sahələrinə vergi və gömrük ödənişləri üzrə tətbiq edilən vergi güzəştlərinə yenidən baxılaraq onların məhdudlaşdırılması, eyni zamanda iaşə və ticarətdə, habelə inşaat sektorunda tətbiq edilən vergilərin sadələşdirilməsi, bununla da sahibkarlığın fəallığına əlavə təkan verərək, dövlət büdcəsinə hesablanmış vergilərin yığım faizinin artırılması kimi tədbirlərin görülməsi dövlət büdcəsinin gəlirləri üzrə müəyyən edilmiş siyasətin əsas parametrlərini təşkil edir ki, artıq bu istiqamətdə müəyyən addımlar atılır. Həmçinin o, dövlət və icmal büdcələrin cari və əsaslı xərclərinin idarə olunmasını təkmilləşdirməyi təklif edib.

Büdcə təşkilatlarında israfçılıqla mübarizənin genişləndirilməsi üçün daha optimal metodlar tapılmalıdır ki, effektiv nəticə versin. Vəsaitlərin azaldığını nəzərə alsaq, bu kimi tədbirlərin görülməsi indiki dövrdə daha vacibdir. Bu baxımdan ekspertlər görülən tədbirləri necə dəyərləndirir?

Məsələyə münasibət bildirən iqtisadçı-ekspert Samir Əliyevin fikrincə, Azərbaycanda, hətta böhran olmasa belə, köklü islahatlara çox böyük ehtiyac var: "2016-cı ilin büdcəsi cari ilə nisbətdə 25 faiz azaldılıb. Neftin barreli 50 dollar kimi nəzərdə tutulub. Amma göründüyü kimi, neftin qiyməti 40 dollardan da aşağı düşüb. Bu o deməkdir ki, gələn ilin büdcəsinin icrası kəsirlə başa çatacaq. Hökumətin gələn il əsas işlərindən biri xərclərin qənaətinə nail olmaqdır. 2016-cı ildə hökumət qənaət prinsipini davam etdirəcək. Həm dövlət rezervlərinin istifadəsi, həm də dövlət büdcəsinin xərcləmələri optimallaşdırılacaq. Qənaət hesabına neftin dünya bazarında qiymətinin dəyən və yaranan fərqində kompensasiya edilmiş olacaq. Qənaət tək investisiya xərclərinin azaldılması demək deyil. Eyni zamanda, dövlət qurumlarına ayrılan xərclərin də ixtisarı qənaətin bir sistemidir. Burada söhbət işçilərin sayının azaldılması, eyni zamanda, dövlət qurumlarının özünün sayının azaldılmasından gedə bilər. Məsələn, Azərbaycanda Maliyyə, Vergilər nazirlikləri və Gömrük Komitəsi var. Bu üç nazirliyin birləşdirilməsi çox yaxşı olardı. Dövlət Sosial Müdafiə Fondu ilə Əmək və Əhalinin Sosial Müdafiəsi Nazirliyinin birləşdirilməsi məsələsi də nəzərə alına bilər. Bu kimi addımlar büdcə yükünün azaldılması istiqamətində çox səmərəli addımlar ola bilər. Bunun neqativ tərəfi də odur ki, ölkədə işsizlər arta bilər. Ancaq istənilən halda, bu kimi addımlar qaçılmazdır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...