2016-cı ildə iqtisadiyyatımıza kapital qoyuluşunun azalması ətrafında spekulyasiyalar...

Tarix: 11.12.2015 / 01:27
Bölmə: İqtisadiyyat

Rəsul Cahangirli: "Bunun ölkədə məşğulluğun səviyyəsinin kəskin şəkildə azalmasına gətirib çıxaracağını düşünmək doğru deyil"

"Ölkə iqtisadiyyatının diversifikasiyası istiqamətində işlər görülür"

2016-cı ildə dövlət büdcəsindən iqtisadiyyata kapital qoyuluşu 3 mlrd 554,8 mln. manat olacaq. Bu, 2015-ci ildəkindən (6 930 mln. manat) 48,7 faiz azdır. Bu barədə dövlət başçısının 2016-cı ilin dövlət büdcəsinin təsdiqi haqqında fərmanında beynəlxalq kreditlərin iştirakı ilə maliyyələşən infrastruktur layihələrinə investisiyalar üzrə vəsaitlərin həcmi ayrıca bölmədə göstərilib.

Gələn il bu layihələrə 1 mlrd. 578 mln. manat ayrılacaq. Bunlar əsasən yol tikintisi, su təchizatı və başqa layihələrdir.

Bəzi ekspertlər iddia edir ki, guya belə bir addım iş yerlərinin azalmasına və sosial problemlərin qabarmasına gətirib çıxaracaq. Bunu onunla əsaslandırırlar ki, dövlət büdcəsinin gəlir hissəsində 25 faiz, xərclər hissəsində 22 faiz azalmalar qeydə alınıb. Dövlət büdcəsinin xərclərinin azalması investisiya xərclərinin azalması anlamına gəlir. Onlar hesab edir ki, investisiya xərclərinin azalması təkcə təmir-tikinti işlərinin azalması demək deyil. Bu, eyni zamanda, iş yerlərinin azalması anlamına gəlir. Yəni investisiya xərclərinin azalması gələn il məşğulluğun azalmasına gətirib çıxaracaq. Bunun nəticəsində vətəndaşların sosial-iqtisadi vəziyyəti pisləşəcək. Halbuki, gələn il dövlət büdcəsindən iqtisadiyyata qoyulan sərmayə qoyuluşu azalsa da, iqtisadiyyata digər mənbələrdən sərmayə qoyuluşunu təşviq etmək üçün ciddi tədbirlər görülür. Bürokratik əngəllər aradan qaldırılır. İqtisadiyyatın daha da liberallaşdırılması istiqamətində ciddi tədbirlər görülür. Bu da yerli və xarici sərmayədarların iqtisadiyyata vəsait yatırması baxımından mühüm əhəmiyyət kəsb edir.

Maraqlıdır, ekspertlər sözügedən məsələyə necə yanaşır?

Məsələyə münasibət bildirən ekspert Rəsul Cahangirlinin fikrincə, bu kimi fikirlərin ciddi iqtisadi əsası yoxdur: "Bəli, məlum səbəblər üzündən gələnilki büdcədə bir sıra xərclər ixtisar edilib. Çünki dünya bazarında neftin kəskin şəkildə ucuzlaşması büdcə gəlirlərinin azalmasına səbəb olub. O üzdən, bir sıra böyük infrastruktur layihələrinin həyata keçirilməsi təxirə salınıb. Bu səbəbdən bəzi iş yerlərində ixtisarlar olacaq. Ancaq ümumilikdə bunun ölkədə məşğulluğun səviyyəsinin kəskin şəkildə azalmasına gətirib çıxaracağını düşünmək doğru deyil. Bu tamamilə yanlış yanaşmadır. Ona görə ki, ölkə iqtisadiyyatının diversifikasiyası istiqamətində işlər görülür. İqtisadiyyatda qeyri-neft sektorunun payı ilbəil artır. Neftin qiymətinin ucuzlaşması ilə əlaqədar hökumət ölkədə sahibkarlığın inkişafını sürətləndirmək üçün silsilə islahatlar həyata keçirir. Bununla bağlı sahibkarlıq obyektlərində yoxlamaların aparılması iki ilədək dayandırılıb.

Eyni zamanda, ölkədə kənd təsərrüfatının inkişaf etdirilməsi ilə bağlı tədbirlər görülür.

Böhran qlobal miqyasda var və bu səbəbdən bir sıra məhsulların qiyməti aşağı düşüb. Bunun müsbət tərəfləri də var. O baxımdan, gələn il Azərbaycanda iqtisadi vəziyyətin ciddi şəkildə pisləşəcəyini düşünmürəm".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...