Nağd pulun cibində olsa da, spirtli içki ala bilməyəcəksən...

Tarix: 10.12.2015 / 01:54
Bölmə: İqtisadiyyat

Eyyub Hüseynov: "Spirtli içkilərin və tütün məhsullarının nağd yolla deyil, plastik kartla satışını müsbət qiymətləndirirəm"

"Dövlətin strateji məqsədlərindən biri də alış-veriş zamanı əhalinin plastik kartlara keçməsi və nağd ödənişlərdən imtinadır"

Bundan sonra mağazaya araq-pivə və siqaret almağa gedənlər özləri ilə plastik kart aparmalı olacaq. Azərbaycanda alkoqollu içkilərin və siqaretlərin nağd pulla satışı 2016-cı ildən etibarən qadağan ediləcək.

Ölkə başçısı İlham Əliyevin təsdiqlədiyi İnzibati Xətalar və Cinayət məcəllələrinə dəyişikliklərə əsasən, siqaret və alkoqollu içkilərin nağd yolla satışında cərimə, hətta cinayət məsuliyyəti nəzərdə tutulur. Belə ki, İnzibati Xətalar Məcəlləsinin 229-cu maddəsinə təklif edilən dəyişikliyə görə, aksiz markası ilə markalanmalı olan məhsulların nağd qaydada alqı-satqısına görə cərimə tətbiq olunur. Həmin maddəyə 229.2 hissəsi əlavə edilib. Həmin hissəyə əsasən, tütün məmulatlarının pərakəndə satışı istisna olmaqla, aksiz markaları ilə markalanmalı olan məhsulların nağd yolla az miqdarda satılması, belə məhsulların satış məqsədləri üçün nağd qaydada az miqdarda alınmasına görə 100 manat cərimə nəzərdə tutulub. Burada "az miqdarda" dedikdə 50 manatlıq məbləğ nəzərdə tutulur.

Siqaretlərin isə pərakəndə satışı nağd yolla mümkündür, amma yalnız çəkmək üçün. Amma əgər siqaret sonradan satılırsa, onun pulu yalnız kartla və ya bank köçürməsi ilə ödənilməlidir. Əks halda 100 manat cərimə nəzərdə tutulur.

Amma bu hələ yüngül cəzadır. Paralel olaraq Cinayət Məcəlləsinə edilən dəyişikliyə görə, nağd yolla alınıb satılan aksiz markalı mallar xeyli miqdardadırsa, yəni onların məbləği 50-1000 manat arasındadırsa, min manatdan iki min manatadək miqdarda cərimə və ya bir ilədək müddətə islah işləri və ya bir ilədək müddətə azadlıqdan məhrumetmə cəzası nəzərdə tutulur.

Belə hal daha böyük məbləğdə baş verərsə, yəni 1000 manatdan artıq məbləğdə alkoqollu içki və ya siqaret alınıb-satılsa, iki ilədək müddətə islah işləri və ya iki ilədək müddətə azadlıqdan məhrumetmə cəzası nəzərdə tutulur.

Azad İstehlakçılar Birliyinin sədri Eyyub Hüseynov spirtli içkilərin və tütün məhsullarının nağd yolla deyil, plastik kartla satışını müsbət qiymətləndirir: "Bu dəyişiklikləri alkoqollu içkilər və siqaretlərdən istifadənin məhdudlaşdırılmasına yönəlik bir addım kimi də qiymətləndirmək olar. Eyni zamanda, dövlətin strateji məqsədlərindən biri də alış-veriş zamanı əhalinin plastik kartlara keçməsi və nağd ödənişlərdən imtinadır. Hər iki halda İnzibati Xətalar Məcəlləsinə edilən sözügedən dəyişiklikləri vacib məqam kimi dəyərləndirirəm. Amma bu addımlar kafi deyil".

E.Hüseynovun sözlərinə görə, spirtli içkilərin və siqaretin yalnız topdansatış yox, pərakəndə satışı zamanı da nağdsız ödəniş həyata keçirilməlidir: "Bu dəyişikliklərin müsbət tərəfləri çoxdur. Amma bəzi çatışmazlıqlar da aradan qaldırılarsa, daha effektiv olacağına inanıram. Çox təəssüflər olsun ki, Azərbaycanda "Tütün və tütün məmulatları haqqında" Qanun qəbul olunmasına, ölkəmizin Ümumdünya Səhiyyə Təşkilatının "Tütün əleyhinə təchizat konvensiyası"na qoşulmasına rəğmən, dünyanın az sayda ölkələrindən biridir ki, siqaret dənə ilə satılır. Mağazalarda insanları ilk qarşılayan şey siqaret qutuları olur.

Hazırda bizim təşkilat siqaretlərin üstünün örtülməsi istiqamətində iş aparır ki, Rusiya variantına keçilsin. Onu da deyim ki, sözügedən dəyişikliklərin pərakəndə satışa aid edilməməsinin istehlakçıların spirtli içki və tütündən istifadəsinin məhdudlaşdırılmasına təsiri zəif olacaq. Belə olan halda, dəyişikliklər vergi qanunvericiliyinin icrası və kontrabanda əməliyyatlarının qarşısının alınması üçün daha sərfəli olacaq".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...