Türkiyə-Rusiya gərginliyi fonunda "Azərbaycanın taxıl" uduşu...

Tarix: 10.12.2015 / 02:31
Bölmə: İqtisadiyyat

Azərbaycanın taxıl idxal etdiyi ölkələr sırasında əsas yerlərdən birini də şimal qonşumuz tutur. Gələn il ərzində isə ölkəmiz Rusiyadan alınan taxıla daha az vəsait xərcləyə bilər. Buna əsas səbəb isə məlum təyyarə insidentinin iqtisadi sferaya təsirinin artması, Rusiya taxılının ucuzlaşmasıdır. Son məlumatlara görə, Türkiyə ilə gərginliyin artması fonunda Rusiyada taxılın qiyməti xeyli aşağı düşüb.

"Vedemosti" qəzeti yazır ki, 3-cü növ taxılın qiyməti iki həftə ərzində 5% ucuzlaşaraq bir ton üçün 11,3 min rubla düşüb. Qiymətlər daha az Qara dəniz sahillərindəki limanlarda düşüb. Treyder şirkətlərindən birinin əməkdaşı bildirib ki, 1 ton buğdanın qiyməti bu limanlarda orta hesabla 300 rubl enib. Türkiyəyə taxıl tədarük edən Azov dənizi limanlarında isə qiymətlər xeyli aşağı düşüb. Liman terminallarından birinin nümayəndəsi bildirib":Gəmilərə yük vurulsa da, situasiya gərgindir, hamı ehtiyat edir. Buğda tədarükü ilə bağlı müqavilələr 2016-cı ilin yanvar-fevralı üçün bağlanıb. Həmin vaxtadək nə olacağı isə bəlli deyil".

Qeyd edək ki, Türkiyə Rusiyadan taxıl alan əsas dövlətlərdən biri sayılır. Amma məlum hadisələr tərəflərin bu sahədə də əməkdaşlığı üzərində ciddi təhdid yaradır. Türkiyənin Rusiyadan taxıl idxalını dayandırması isə qiymətlərə təsirsiz ötüşmür. Onu da bildirək ki, artıq Ukrayna Türkiyə üçün Rusiyanı əvəzləməyə hazır olduğunu bildirib. Ukrayna Taxıl Assosiasiyasının prezidenti Vladimir Klimenko qeyd edib ki, ölkəsinin Türkiyəyə taxıl tədarükləri, Rusiya treyderləri tərəfindən ixrac dayandırılacağı təqdirdə, arta bilər: "Rusiya tədarükü dayandırırsa, o zaman ora ənənəvi tədarükçü Ukraynadır. Bizim ora göndərmək üçün məhsulumuz var. Həm də təkcə buğda və qarğıdalı deyil, eləcə də günəbaxan yağı".

Analoji fikri Ukraynadakı "AAA" konsaltinq şirkətinin analitik şöbəsinin rəhbəri Mariya Kolesnik də bildirib: "Ukrayna yaranan taxıl ehtiyacının müəyyən hissəsini ödəyə bilər. Bizim ərzaq taxılımızın keyfiyyəti yüksək səviyyədədir, odur ki, zərurət yaranacağı halda, düşünürəm ki, bizim treyderlər sürətlə oriyentasiya edəcəklər". Rusiyanın sabiq maliyyə naziri Aleksey Kudrin isə bildirir ki, Türkiyəyə qarşı sanksiyalar Rusiyaya zərbə vuracaq, ona görə də bu sanksiyalara həddən artıq ehtiyatlı yanaşmaq lazımdır. Beləliklə, baş verənlər artıq Rusiya taxılını ucuzlaşdırır. Qeyd edək ki, Türkiyə idxal taxılının 70%-ə yaxınını Rusiyadan alır. Hər il Rusiya iş adamları Türkiyə bazarında 4,1 milyon ton taxıl satır. Eyni zamanda, Türkiyə Rusiya istehsalı polad məhsullarının əsas alıcılarındandır. Başqa tərəfdən, iki ölkə arasındakı investisiya layihələrinə kifayət qədər aparıcı dövlət və özəl şirkətlər cəlb edilib. Amma artıq vəziyyət dəyişir.

"Kommersant" qəzeti isə yazır ki, Türkiyənin hazırda taxıl problemi yoxdur. Belə ki, "Turkish Grain Board" dövlət fondunda 2,6 milyon ton buğda ehtiyatı var və o, daxili bazarda satışa çıxarıla bilər. Bundan başqa, Türkiyə alternativ bazarlardan da taxıl əldə edə bilər. Türkiyə artıq Rusiyadan taxıl idxalını dayandırmağı düşünür. Bu halda Rusiya taxılının daha sürətlə ucuzlaşması gözlənir. Belə vəziyyətdə aydındır ki, Azərbaycan Rusiyadan alınan taxıla daha az vəsait ödəyəcək.

Azərbaycan 2014-15-ci il mövsümündə Rusiyadan 1,6 milyon ton taxıl alıb. Nəticədə, bu mövsüm 2013-14-cü illərlə müqayisədə taxıl idxalı 2,1 dəfə artıb. Tədarükün artmasının səbəbi rəqabətə davamlı olmayan yüksək qiymətlər formalaşan zaman məhsulun azalması və taxılın keyfiyyətinin aşağı düşməsi müşahidə olunan Qazaxıstanın ixracının azalması olub. "Rusaqrotrans" şirkətinin Strateji marketinq departamentinin direktor müavini İqor Pavenski də bildirir ki, Azərbaycan MDB ölkələri arasında Rusiya taxılının əsas istehlakçılarından biridir. Gözlənir ki, artıq Rusiya taxılı ölkəmizə daha ucuz başa gəlsin.

Azərbaycan Türkiyə və Rusiya arasında münasibətlərin gərginləşməsində maraqlı olmayan ölkədir. Ölkəmiz bu dövlətlər arasında əlaqələrin yaxşı olmasını ən çox istəyənlərdəndir. Amma indiki durumda Azərbaycan öz iqtisadi mənfəətindən də qaçmamalıdır.

Nahid SALAYEV

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...