Bankların dollar kreditlərinin azalma səbəblərini ekspert araşdırdı

Tarix: 09.12.2015 / 01:35
Bölmə: İqtisadiyyat

Zakir Əhmədov: "Əhali yığım vəsaitlərini dollara çevirsə də, banklarda saxlamır"

"Bu səbəbdən banklarda dollar kreditləri azalır"

Azərbaycan banklarının iqtisadiyyata qoyduqları kreditlər azalıb. Mərkəzi Banka istinadən yayılan məlumata görə, Azərbaycan iqtisadiyyatına kredit qoyuluşlarının ümumi həcmi 2015-ci il oktyabrın sonlarına 18 mlrd. 566.4 mln. manat təşkil edib.

Bu, sentyabrın sonlarına olan analoji göstərici ilə müqayisədə 547,1 mln. manat azdır. Azalma tendensiyası mart ayından davam edir. Cari ilin əvvəli ilə müqayisədə iqtisadiyyata kredit qoyuluşları 13,4 mln. manat azalıb.

Bununla yanaşı, sentyabr ayının sonuna əhalinin banklarda olan əmanətlərinin həcmi 7 311,8 mln. manat təşkil edib ki, bu, avqust ayı ilə müqayisədə 8,5 mln. manat azdır.

Diqqətçəkən məqamlardan biri də ondan ibarətdir ki, son məlumatlara görə, problemli kreditlərin həcmi 50 milyon manat azalıb. Halbuki, son dövrlərə qədər problemli kreditlərin həcmi artmaqda idi. Bütün bunlara rəğmən, banklarda dollar kreditləri azalır. Daha banklar əvvəlki kimi dollarla kredit verə bilmir. Baxmayaraq ki, banklara qoyulan depozitlərin böyük bir hissəsi dollara çevrilib. Belə olan halda, dollar kreditləri niyə azalır?

Məsələyə münasibət bildirən ekspert Zakir Əhmədov bunu əmanətçilərin bir qisminin vəsaitlərini banklardan çəkməsi ilə əlaqələndirdi: "Əhali yığım vəsaitlərini dollara çevirsə də, banklarda saxlamır. Daha doğrusu, banklara etibar etmir. Banklar da kreditləri əsasən qoyulan depozitlər hesabına verirdi. Bu səbəbdən bankların vəziyyəti çox ağırdır. Bankların ağır durumda olmasının əsas səbəbi problemli kreditlərin həcminin artması və əmanətlərin banklardan sürətlə geri çəkilməsidir. Problemli kreditin bankın verdiyi pulun özünə geri qayıtmadığı anlamına gəldiyini nəzərə alsaq, onun əmanətinin azalması normaldır. Bir tərəfdən bankın əmanəti azalır, digər tərəfdən müştəri cəlb edərək ona kredit verir. Götürülən pullar geri qayıtmır və əmanətçi öz vəsaitini çıxarmağa gəldiyi zaman bank aciz qalır. Bu da banklara olan etimadı sarsıdır. Banklar krediti kimə, necə gəldi verdiklərinə görə onu geri ala bilmirlər. Bəzi kommersiya banklarının fəaliyyəti qeyri-şəffafdır. Qanunvericilik tələb edir ki, banklar azı rübdə bir dəfə internet saytında maliyyə hesabatlarını açıqlasın. Bizdə 43 bankdan 32-i bu hesabatları vermir. Hesabat verilmədiyi üçün də onların əslində hansı vəziyyətdə olduğunu görmürük. Bu səbəbdən cari ilin fevral ayının sonunda fiziki şəxslərin banklardakı əmanətləri 7 milyard 932,7 milyon manata çıxmışdı. Mart-oktyabr aylarında fiziki şəxslərin əmanətlərindəki azalma 759,8 milyon manata çatıb. Azalma bundan sonra da davam edəcək. Əhali banklardan çıxardığı vəsaiti evdə saxlayır. Ən yaxşı halda, daşınmaz əmlaka yatırır. Bu səbəbdən banklarda dollar kreditləri azalır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...