Bankların borclu şəxslərlə münasibətdə ən azı daha bir qeyri-etik üslubu...

Tarix: 05.12.2015 / 01:39
Bölmə: İqtisadiyyat

Əkrəm Həsənov: "Kredit haqqında məlumatın özü də bank sirri hesab edilir"

"Yəni bizim banklar, təəssüf ki, bank sirrinə etinasız yanaşır"

Bəllidir ki, Azərbaycanda əhalinin böyük hissəsinin banklara kredit borcu var. Kredit borcu olanlar arasındakı kontingent də tam fərqlidir. Bəziləri bu borcun altına səhlənkarlıqdan girsə də, əksəriyyət problemlərini həll etmək üçün bunu edib. Təbiidir ki, kreditlərin ödənilməsində müəyyən geçikmələr də ola bilir.

Banklar belə geçikmələr üçün əlavə faiz tutur. Amma özlərinin bu sahədə güzəştə getməmələri bir tərəfə, üstəlik həmin müştərini var gücləri ilə biabır etməyə çalışırlar. Kreditdə bir-iki gün kecikmə olan kimi bankdan həmin adamın işlədiyi yerə zəng gəlir. Açıq mətnlə deyilir ki, işçinizin filan banka filan qədər borcu var və onu vaxtında ödəməyib. Nəticədə, bəlkə də iş yerində borclu olduğunu sirr kimi saxlayan işçi bütün kollektivin içində biabır olur.

Bankların belə addımlar atması nə dərəcədə qanunidir?

Mərkəzi Bankın ümumi qanunvericilik şöbəsinin sabiq rəisi Əkrəm Həsənov hesab edir ki, həm "Banklar haqqında" Qanunda, həm də Mülki Məcəllədə bank sirrinin qorunmasına dair müvafiq maddələr nəzərdə tutulub. Onun sözlərinə görə, mövcud qanunvericiliyin tələblərinə əsasən, bankların müştərilər barədə məlumatları qorumağa dair öhdəlikləri var: "Banklar haqqında" qanunda bank sirrinin qorunması 41-ci maddədə, Mülki Məcəllədə isə 967-ci maddədə təsbit olunub. Bu maddələrin mənası ondan ibarətdir ki, bank müştərilərin əməliyyatlarına, bank hesablarına dair məlumatların sirr qalmasına təminat verməlidir. Həmin məlumat yalnız müştərinin özünə, qanunla müəyyən edilmiş hallarda isə bəzi dövlət orqanlarına verilə bilər. Bu qurumlara isə vergi orqanları, güc strukturları daxildir. Amma onlar bu məlumatları birbaşa banklardan əldə edə bilməz. Bunun üçün həmin orqanlar sorğu ilə məhkəməyə müraciət etməlidir".

Onun sözlərinə görə, müştəri barədə məlumatları qoruya bilməyən banklar qanunvericiliyə uyğun olaraq müvafiq məsuliyyət daşıyır: "Bank müştəri barədə məlumatları qoruya bilməyibsə, bu halda ilk növbədə müştəriyə dəyən zərər ödənilməlidir. Çünki müştəri bu məsələyə görə həmin bankı məhkəməyə verə bilər. İkinci məsələ isə ondan ibarətdir ki, Mərkəzi Bank bununla bağlı müvafiq cəza tədbirləri həyata keçirməlidir. Çünki Mərkəzi Bank banklara lisenziya verir və onların fəaliyyətinə gündəlik nəzarəti həyata keçirir. Bu mənada Mərkəzi Bank banklara istənilən sanksiyanı tətbiq edə bilər. Məsələn, sözügedən qurum tərəfindən bankın cərimələnməsi, hansısa əməliyyat aparmasına qadağa qoyulması, hətta lisenziyanın ləğv edilməsi mümkündür. Digər tərəfdən, İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti istehlakçı hüququnu müdafiə etməlidir. Çünki bank müştəriləri istehlakçı sayıldığından, sözügedən qurum da bu məsələyə müdaxilə edə bilər.

Bu təkcə müştərinin hesabları barədə məlumatların qorunmamasında özünü göstərmir.

Eləcə də kredit götürənlər haqqında informasiyalar mühafizə edilmir. Məsələn, müştəri bankın kreditini qaytarmadıqda bank onun haqqında məlumatları iş yerinə göndərir. Halbuki, kredit haqqında məlumatın özü də bank sirri hesab edilir. Yəni bizim banklar, təəssüf ki, bank sirrinə etinasız yanaşır".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...