Azərbaycan Cənub Qaz Dəhlizi layihəsinə daha bir təkan vermək iddiasında...

Tarix: 03.12.2015 / 02:10
Bölmə: İqtisadiyyat

İlham Şaban: "Cənub Qaz Dəhlizi 50-60 il təmir olunmadan, yəni modernləşdirilmədən Avropa ilə Xəzər regionu arasında enerji körpüsü rolunu oynayacaq"

"Layihənin əsas təşəbbüskarı olan bir ölkədə ikinci mötəbər tədbirin keçirilməsi ümumi işin gedişatına ciddi stimul verə bilər"

"Cənub Qaz Dəhlizi Məşvərət Şurasının 2-ci iclası da Bakıda keçirilə bilər. İclasın gələn ilin ilk aylarında keçirilməsi nəzərdə tutulur". Bu sözləri keçirdiyi mətbuat konfransında Azərbaycanın energetika naziri Natiq Əliyev deyib. Nazir bildirib ki, Məşvərət Şurasının ilk iclası çox uğurlu oldu və layihələrin reallaşdırılmasına dair mühüm müzakirələr aparıldı.

"İkinci iclasın Türkiyədə keçirilməsi ilə bağlı da təkliflər var. Hesab edirəm ki, Məşvərət Şurasının 2-ci iclasının Bakıda keçirilməsi bizim üçün daha məqsədəuyğundur. Çünki Cənub Qaz Dəhlizi layihəsinin təşəbbüskarı və icraçısı da Azərbaycandır. Lakin başqa təkliflər olarsa, bunları da nəzərdən keçirmək olar. İclasın gələn ilin ilk aylarında keçirilməsi planlaşdırılır", - deyə nazir bildirib.

Qeyd edək ki, Cənub Qaz Dəhlizi Məşvərət Şurasının ilk iclası bu il fevralın 12-də Bakıda keçirilib.

Bakının yenidən belə bir tədbirə ev sahibliyi etməsi layihənin sürətlənməsinə hansısa impuls verə bilərmi?

Neft məsələləri üzrə ekspert İlham Şabanın fikrincə,

Cənub Qaz Dəhlizinin ilkin olaraq mühüm əhəmiyyəti ondan ibarətdir ki, Avropa bazarına alternativ mənbədən qazın, enerjinin çıxarılmasını təmin edir: "Başqa bir tərəfdən isə, Xəzər regionunda çox mühüm infrastrukturun başlanğıcını qoyur. O infrastrukturun ki, Rusiyadan fərqli olaraq, daha açıq olacaq. Cənub Qaz Dəhlizi layihəsindən təkcə region ölkələri deyil, həm də Şərqin bir çox ölkələri yararlana biləcək. Bu layihə təkcə günümüz üçün nəzərdə tutulmayıb, həm də gələcək üçün planlaşdırılıb. Yəni onun vasitəsilə nəinki "Şahdəniz" layihəsi iştirakçıları və Azərbaycan, hətta Xəzər regionu ölkələri də faydalanacaq. Həmçinin gələcəkdə Yaxın Şərq ölkələri belə öz qazını, 10-15 il sonra tapıla biləcək enerjisini Avropaya nəql etməyə imkan tapacaq. Bu baxımdan Cənub Qaz Dəhlizi 50-60 il təmir olunmadan, yəni modernləşdirilmədən Avropa ilə Xəzər regionu arasında enerji körpüsü rolunu oynayacaq.

Cənub Qaz Dəhlizi layihəsi çox mühüm iqtisadi əlaqələri yaratmış olacaq ki, bu da regional iqtisadi-siyasi və geopolitoloji əhəmiyyətə malik olması ilə göz qabağında olacaq. Bunu Azərbaycanın dövlət başçısı İlham Əliyev Cənub Qaz Dəhlizinin açılış mərasimində öz çıxışı zamanı qeyd edib.

Ancaq etiraf etmək lazımdır ki, həmin istiqamətdə işlər heç də bizi qane edəcək sürətlə getmir.

Bəzən bizim mətbuatda da belə fikirlərə rast gəlirik: Cənub Qaz Dəhlizi layihəsi üzrə işlərin 50%-dən çoxu yerinə yetirilib. Bunu kimin deməsindən asılı olmayaraq, fikirləşmək gərəkdir ki, 3500 km-lik boru kəmərinin axı neçə kilometri bu günə hazırdır? Heç üst-üstə 200 km boru kəməri tikilib hazırlanmayıb, nasos stansiyalarının tikintisi o cümlədən. TAP üzrə işlər isə gələn ilin ortasında başlayacaq. Bu baxımdan da layihənin əsas təşəbbüskarı olan bir ölkədə ikinci mötəbər tədbirin keçirilməsi ümumi işin gedişatına ciddi stimul verə bilər. Bütün çatışmazlıqların aradan qaldırılması, işlərin koordinasiya edilməsi baxımından Məşvərət Şurasının 2-ci iclasının məhz Bakıda keçirilməsi olduqca önəmlidir".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...