Rusiyada sıxışdırılan türk şirkətləri üçün Azərbaycan perspektivi...

Tarix: 01.12.2015 / 02:12
Bölmə: İqtisadiyyat

Vüqar Bayramov: "Azərbaycan şirkətləri Türkiyənin qida, xüsusən də aqrar məhsullarının Rusiya bazarında boşalan yerini..."

"Ancaq bu da bəlli bir həcmdə ola bilər"

Türkiyənin Rusiya hərbi təyyarəsini vurmasından sonra Rusiya Türkiyəyə qarşı sərt sanksiyalar tətbiq edib. Son zamanlar iki tərəfdaş ölkənin münasibətlərinin gərginləşməsi, çox güman, hər iki ölkənin iqtisadiyyatına mənfi təsir göstərəcək.

Rusiya prezidenti Vladimir Putin Türkiyəyə qarşı xüsusi iqtisadi tədbirlər tətbiq edilməsi haqqında fərman imzalayıb. Fərmana əsasən, Türkiyədən Rusiyaya müəyyən malların gətirilməsinə qadağa və ya məhdudiyyət qoyulur. Qadağa və məhdudiyyətlər, həmçinin, türk şirkətlərinin fəaliyyətinə və Türkiyə vətəndaşlarının işə götürülməsinə də aiddir.

İmzalanmış fərmanda V.Putin Türkiyə ilə vizasız rejim haqqında sazişin qüvvəsinin 2016-cı il yanvarın 1-dən etibarən birtərəfli qaydada dayandırılmasına qərar verib. Sənəddə digər iqtisadi tədbirlər də nəzərdə tutulur. Bütün bunlar Moskvanın Ankara ilə uzun illər ərzində formalaşmış, xüsusən də son dövrlərdə daha yüksək səviyyəyə çatmış əlaqələri birtərəfli qaydada qırmaqdan çəkinmədiyini nümayiş etdirir.

Bazara girişinə baryer yaradılacaq malların siyahısında toxuculuq malları və meyvə-tərəvəzə geniş yer ayrılması gözlənir. Yeni qaydalara görə, Türkiyə vətəndaşları, hətta viza alacağı halda, Rusiyada 30 gündən çox qala bilməyəcək. Bunun, xüsusilə Rusiyanın inşaat bölməsində çalışan türklərin məşğulluğuna mənfi təsir göstərəcəyi güman olunur. Rusiyanın Türkiyəyə ziyan vurmaq istədiyi digər sahə enerji əməkdaşlığıdır.

Maraqlıdır, iki ölkənin iqtisadi əlaqələrində yaranan durğunluq Azərbaycan üçün hansı imkanlar aça bilər? Bu, Türkiyə sərmayədarlarının Azərbaycan iqtisadiyyatına marağını artıra bilərmi?

Məsələyə münasibət bildirən iqtisadçı-ekspert Vüqar Bayramov bunu istisna etmədi. Onun fikrincə, ötən il Rusiyadan Türkiyəyə ixrac 25 milyard dollar həcmində olub: "Şimal qonşumuzun ixracının məbləğinin çox olması Türkiyənin enerji resurslarına tələbin ödənilməsində Rusiyanın dominant mövqeyi ilə bağlıdır. Belə ki, Rusiyadan ildə 28 milyard kub metr mavi qaz idxal edilməsi bu enerji növünə olan tələbin 57 faizi deməkdir. Türkiyə Almaniyadan sonra Rusiyadan ən çox mavi qaz idxal edən ölkədir. Türkiyə istehlak etdiyi neftin də 30 faizini Rusiyadan gətirir. Azərbaycan Türkiyə və Rusiya arasındakı münasibətlərin gərginləşməsində maraqlı olmayan ölkədir.

Bununla belə, adıçəkilən ölkələr arasında münasibətlər gərginləşəcəyi halda Azərbaycan şirkətləri Türkiyənin qida, xüsusən də aqrar məhsullarının Rusiya bazarında boşalan yerini tutmağa və şimal qonşumuzun turistlərini cəlb etməyə çalışmalıdır. Bunun üçün müəyyən imkanlar yaranır. Ancaq bu da bəlli bir həcmdə ola bilər. Çünki Azərbaycanın istehsal imkanları Türkiyə qədər böyük deyil. Bunlara rəğmən, bölgədə sabitliyin qorunub saxlanması və Türkiyə ilə şimal qonşumuz arasında münasibətlərin qısa zamanda yaxşılaşması rasional olaraq dövlətimizin strateji maraqlarına birbaşa xidmət edir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...