Mərkəzi Bankın 10 milyondan 500 milyona keçməsinin cəmiyyət üçün əsl mənası...

Tarix: 27.11.2015 / 01:37
Bölmə: İqtisadiyyat

Pərviz Heydərov: "Son vaxtlar Mərkəzi Bankın özünün mövqeyini möhkəmlətmək və imkanlarını artırmaq tələbi ortaya çıxıb"

"Bu addımın atılması təbiidir"

Prezident İlham Əliyev "Azərbaycan Respublikasının Mərkəzi Bankı haqqında" AR qanununda dəyişikliklər edilməsi barədə qanunu imzalayıb. Dəyişikliklə Mərkəzi Bankın nizamnamə kapitalı 10 milyon manatdan 500 milyon manata qaldırılıb. Hazırda MB-nin nizamnamə kapitalı 10 milyon manat təşkil edir.

Beləcə, MB-nin nizamnamə kapitalı 50 dəfə artırılır. Həmçinin, sənədə əsasən, Mərkəzi Bankın funksiyalarına ölkənin icmal (dövlət və qeyri-dövlət) xarici borc statistikasını və beynəlxalq investisiya balansını tərtib etmək, məlumatların ümumiləşdirilməsini və yayılmasını təmin etmək məsələsi də daxil edilib. Onu da qeyd edək ki, Mərkəzi Bankın kapitalı nizamnamə kapitalı və kapital rezervləri hesabına formalaşır.

Bir məqamı da qeyd edək ki, sözügedən məsələ oktyabr ayında parlamentdə gündəmə gəlmişdi. Bir sözlə, bununla bağlı dəyişikliyin olacağı gözlənilən idi. Ümumilikdə MB-nin nizamnamə kapitalının artırılması nə deməkdir və bu hansı zərurətdən irəli gəlir? Ekspertlərin bununla bağlı fikirləri nədən ibarətdir?

Sözügedən məsələni dəyərləndirən iqtisadçı-ekspert Pərviz Heydərov bunu bir sıra faktorlarla əsaslandırır. Onun fikrincə, sözügedən addımın atılması mövcud situasiyada təbiidir: "Bu addımın atılması təbiidir. Məlumdur ki, Mərkəzi Bank özü artıq neçə müddət idi kommersiya banklarının sözügedən sahədə mövcud imkanlarının artırılması qayğısına qalırdı. Başqa sözlə desək, bankların nizamnamə kapitallarına qoyulan tələbin 50 milyon manata çatdırılması irəli sürülmüşdü. Onu da qeyd edək ki, sözügedən limitə nail olmaları üçün MB kommersiya banklarına güzəştə gedərək bir neçə dəfə bunun üçün vaxtı uzatdı. Son vaxtlar isə MB-nin özünün mövqeyini möhkəmlətmək və imkanlarını artırmaq tələbi ortaya çıxıb. Məlumdur ki, MB bank sektorunu tənzimləyici orqandır. Ölkədə kommersiya banklarının nizamnamə kapitallarına qoyulan tələbin 50 milyon manata çatdırılmasından sonra MB-nin də bu sahədə norması yüksəldilməlidir. Bundan əlavə, hazırda manatın devalvasiyasından sonra bank sistemində vəziyyət olduqca mürəkkəbdir. Bu nöqteyi-nəzərdən MB-nin üzərinə düşən yük bir az da artıb. Yaranmış situasiyada ölkədə Mərkəzi Bankın maliyyə imkanlarında dayanıqlığın artırılması zəruridir və olduqca mühüm şərtdir. Düşünürəm ki, bu addımın atılması MB-nin dayanıqlığını artırmaq məqsədi daşıyır. Çünki son dövrlər MB-nin bu istiqamətdə xərcləri kifayət qədər artıb. Atılan addım sırf bu məqsədə yönəlib".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...