Azərbaycanda ov turizminə yeni cəbhə açmağın əsl zamanı gəldi

Tarix: 27.11.2015 / 01:32
Bölmə: İqtisadiyyat

Nahid Bağırov: "Ov turizmi gəlir gətirən sahə olduğu üçün onu inkişaf etdirmək lazımdır"

Mahir Hümbətov: "Regionun təbii şəraiti imkan verir ki, ovçular həm ov ovlasınlar, həm də yaxşı istirahət etsinlər"

Zəngin mədəni-tarixi irsə və əlverişli təbii şəraitə malik olan Azərbaycan turizm sahəsində böyük inkişaf perspektivlərinə malikdir. Ölkəmizdə turizmin əksər növlərinin - müalicə-sağlamlıq, ekoloji, mədəni, sosial, kommersiya, idman, xüsusi maraq kəsb edən və s. inkişafı üçün geniş imkanlar mövcuddur.

Azərbaycan Turizm Assosiasiyası (AzTA) sədrinin müşaviri Müzəffər Ağakərimov media nümayəndələrinə açıqlamasında bildirib ki, Azərbaycanda turizm sahəsində mövsümiliyin aradan qaldırılması üçün bütün turizm növləri inkişaf etdirilməlidir. O qeyd edib ki, Azərbaycanda il boyu turizm mövsümünün olması üçün imkanlar var: "Hazırda Azərbaycanda turizm mövsümü əsasən yay və qış aylarında olur. Son illər Azərbaycanda turizmin yeni növləri inkişaf edib. Bunlar əsasən sağlamlıq, eyni zamanda qış turizminə aid növlərdir.

Bununla belə, ölkədə ov turizminin inkişaf etdirilməsi üçün böyük imkanlar mövcuddur. Azərbaycanda ov turizmi o qədər də reklam olunmur. Amma ov turizmi çox gəlirli sahədir. Bu sahəyə diqqət yetirmək lazımdır".

Qeyd edək ki, Azərbaycanda ov turizminə maraq hələ

1963-cü ildən olub. Ovçuluq turizmi gəlirli sahə olmasına baxmayaraq, son illər bu sahəyə maraq azdır.

Məsələ ilə bağlı fikir bildirən Azərbaycan Turizm Assosiasiyasının prezidenti Nahid Bağırov "Bakı-Xəbər"ə açıqlamasında qeyd etdi ki, Azərbaycanda ov turizminin bir neçə növü mövcuddur. Turistlər ölkə ərazisinə əsasən dağ keçisinə baxmaq üçün gəlirlər.

Assosiasiyanın rəhbəri qeyd etdi ki, son zamanlar xarici ölkə vətəndaşları, xüsusən də ərəb ölkələrinin vətəndaşları Azərbaycanda ov turizminə maraq göstərir.

Həmsöhbətimiz onu da əlavə etdi ki, digər turizm sahələri ilə müqayəsədə ov turizmi elə də ucuz deyil: "Onu da deyim ki, bu turizm olduqca gəlir gətirən sahədir. Bu sahəni inkişaf etdirmək lazımdır".

Ovçuluq sahəsi üzrə ekspert Mahir Hümbətov bizimlə söhbətində qeyd etdi ki, ovçuluğa istirahət etmək, əylənmək məqsədilə gedirlər: "Regionun təbii şəraiti imkan verir ki, ovçular həm ov ovlasınlar, həm də yaxşı istirahət etsinlər. Azərbaycanda heyvanların faiz nisbətinə görə növlərinin əksəriyyəti qorunur. Buna görə əsasən quş ovları daha çox olur. Ovçular mümkün qədər çalışır ki, təbiətə zərər dəyməsin".

Onun sözlərinə görə, müvafiq lisenziyaya sahib olanlara bir çox meşə heyvanı və quşlarını ovlama imkanı verilir. Müntəzəm bir qoruq olan Qızılağac qoruğuna qış aylarında sayca 1 milyondan artıq 2 min növ quş uçub gəlir: "Ümumiyyətlə, Azərbaycan Respublikasında su-bataqlıq quşlarının daimi qışladığı yerlərə Ağcabədi, Astara, Cəlilabad, Beyləqan, İmişli, Lənkəran, Masallı, Biləsuvar, Ceyranbatan gölü və Abşeron yarımadasının başqa su anbarları, həmçinin Mingəçevir su anbarını aid etmək olar".

Həmsöhbətimiz təəssüf hissilə bildirdi ki, turizm şirkətləri müştərilərə daha çox gəzinti turizm növlərini təqdim edir. Ov turizmini inkişaf etdirmək lazımdır.

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...