İcazəsiz evlərin sənədləşdirilməsinə mane olanlar Prezidentə və dövlət büdcəsinə əks mövqedə...

Tarix: 27.11.2015 / 01:31
Bölmə: İqtisadiyyat

Abil Bayramov: "Birinci mərhələdə sənədsiz evlərin siyahıya və uçota alınması yekunlaşmalıdır ki..."

"Son illər qəbul olunan bir sıra qanun və normaların tətbiqini təmin etmək lazımdır"

Azərbaycanda sənədsiz evlərin sənədləşdirilməsi uzun illərin problemi olsa da, ölkə üçün son illərin ən aktual mövzularından birinə çevrilib. Bu barədə çox danışılsa da və müəyyən texniki-təşkilati xarakterli işlər görülsə də, məsələ hələlik köklü həllini tapa bilmir.

Təkcə Azərbaycanın paytaxtı Bakıda 400 mindən çox sənədsiz tikili var. Həmin tikililərin əksəriyyəti vətəndaşların yaşadığı fərdi evlərdir. Bu evlərin sənədsiz vəziyyətdə qalması həm orada yaşayanlar, həm də dövlət üçün çoxsaylı problemlər yaradır. Ən başlıcası, dövlət büdcəsi hər il buna görə milyonlarla vəsait itirir. Çünki sözügedən evlər sənədləşdirilsə, o zaman dövlət buna görə vergi yığacaq.

Hələ dörd il əvvəl, 2011-ci ilin martında Azərbaycan prezidenti İlham Əliyev Bakı şəhər İcra Hakimiyyətinə sənədsiz ev probleminin həllinə yönəlik şəffaf mexanizimin hazırlanması və həmin evlərdə yaşayan vətəndaşlara qarşı heç bir əsassız tələblər irəli sürülmədən həll edilməsi tapşırığını verdi. Prezident Bakı şəhərindəki sənədsiz evlərin sənədləşdirilməsi ilə bağlı aidiyyəti qurumlara, o cümlədən BŞİH-ə tapşırıq verəndən bir il sonra ayrıca bir sərəncam da imzalayıb. Ən nəhayət, ölkə Prezidenti bu ilin yanvarında "Daşınmaz Əmlakın Dövlət Reyestri Haqqında "Azərbaycan Respublikasının Qanunu qüvvəyə minənədək əldə edilib və yaranmış daşınmaz əmlak obyektləri üzərində hüquqların əldə edilməsini təsdiq edən sənədlərin Siyahısı"nın təsdiq edilməsi barədə fərman imzalayıb. Bütün bunlara baxmayaraq, evlərin sənədləşdirilməsinə mane olmağa çalışan müəyyən şəxslər bu işi hər vəchlə əngəlləyir. Bundan da, qeyd olunduğu kimi, dövlət büdcəsi itirir. O baxımdan ekspertlər baş verənlərə necə yanaşır?

Sözügedən məsələ ilə bağlı fikirlərini "Bakı-Xəbər"lə bölüşən ekspert Abil Bayramovun sözlərinə görə, problemin həlli üçün qanundan irəli gələn tələblərin tətbiqini genişləndirmək lazımdır: "Son illər qəbul olunan bir sıra qanun və normaların tətbiqini təmin etmək lazımdır. Hesab edirəm ki, sənədsiz evlərlə bağlı qəbul olunan qərarların tətbiqində problem var. Qanunda nəzərdə tutulduğu kimi tətbiq olunarsa, çoxsaylı ciddi problemlər ortaya çıxmaz. O cümlədən müəyyən vəzifəli şəxslər bunu əngəlləyə bilməz. Hər bir ərazidə müvafiq yerli hakimiyyət strukturları var. Onlar Əmlak Məsələləri üzrə Dövlət Komitəsi ilə birlikdə əməkdaşlıq şəraitində sənədsiz evləri siyahıya ala bilər. Eyni zamanda, həmin evlərin uçotunu aparıb sonda həmin mənzilləri sənədlə təmin etmək mümkündür. Təbii ki, həmin evlər qanunla qadağan olunmuş ərazilərdə tikilməyibsə. Yəni mərhələ-mərhələ bu işi yoluna qoymaq olar. Məlum olduğu kimi, bu günlərdə ölkə Prezidentinin fərmanına əsasən, qanunla müəyyən olunmuş mülkiyyət, istifadə və icarə hüququ olmadan torpaq sahəsini özbaşına hasarlamaq, dəyişmək, tikinti aparmaq kimi məsələlərlə bağlı sanksiyalar sərtləşdirilib. Bununla bağlı Cinayət Məcəlləsinə edilən dəyişikliklər qanuni qüvvəyə minib. Kifayət qədər sərt sanksiyalar nəzərdə tutulub. O baxımdan birinci mərhələdə sənədsiz evlərin siyahıya və uçota alınması yekunlaşmalıdır ki, o qanun normaları, bundan sonra baş verən hallara tətbiq etmək mümkün olsun".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...