Azərbaycanda Türkiyə məhsullarının ucuzlaşma dövrü başlayır

Tarix: 27.11.2015 / 01:46
Bölmə: İqtisadiyyat

Türkiyə istehsalı olan məhsulların Azərbaycanda qiymətinin əhəmiyyətli dərəcədə ucuzlaşması gözlənir. Buna əsas səbəb türk məhsullarının Rusiya bazarlarına girişinin yasaqlanmasıdır. Qeyd edək ki, bu vaxta qədər Rusiyaya Türkiyədən böyük həcmdə məhsul ixrac olunurdu. Lakin indi bu məhsullar üçün yeni bazarlar tapılmalıdır. Bu fonda gözlənir ki, Türkiyə ixracatçıları Azərbaycana daha çox məhsul göndərsinlər.

Bu hal isə bazarlarda Türkiyə məmulatlarının çoxalmasına və beləliklə, onların qiymətinin ucuzlaşmasına rəvac verəcək.

Türkiyə İxracatçılar Qurumunun İdarə Heyətinin üzvü Adnan Dalğaqıran hazırda türk iş adamlarının əlində xeyli məhsul qaldığını bildirir. Onun sözlərinə görə, Rusiya gömrüyü Türkiyə istehsalı olan malların idxalını dayandırıb. O bildirib ki, hazırda sərhəddə xeyli miqdarda türk malı saxlanıb: "Türkiyə istehsalı olan heç bir mal Rusiya sərhədindən buraxılmır. Hazırda 300 milyon dollar dəyərində olan texniki mallar ixrac edirik. Əvvəl 800 milyon dollara çatırdı. Son olaylardan sonra vəziyyətimiz daha da ağırlaşıb". İsmayıl Gülle adlı sahibkar isə bildirib ki, Rusiya-Türkiyə münasibətlərinin pozulması ən çox sənaye mallarının ixracatına mənfi təsir edəcək.

Rusiya hökuməti Türkiyədən idxal olunan qidalar üzərində nəzarətin artırılması haqda təlimat verib. Bu təlimatın ardından Rusiya kənd təsərrüfatı naziri Türkiyədən idxal olunan malların 15 faizinin standartlara cavab vermədiyini açıqlayıb. Türkiyənin isə bu qadağalara hansı formada cavab verəcəyi hələlik məlum deyil. Onu da xatırladaq ki, Türkiyədən Azərbaycana böyük həcmdə mal gəlir. Bunlar əhalinin geniş istifadə etdiyi sənaye, toxuculuq malları, ərzaq məhsullarıdır. Onların daha çox həcmdə idxalı isə qiymətlərin ucuzlaşması deməkdir.

İqtisadçı-ekspert Vüqar Bayramov da bildirir ki, Azərbaycan Türkiyə və Rusiya arasındakı münasibətlərin gərginləşməsində maraqlı olmayan ölkədir və bu dövlətlər arasında əlaqələrin yaxşı olmasını ən çox istəyənlərdəndir: "Sözügedən qonşularımız arasında yaxşı münasibətlərin olması bizim strateji maraqlarımıza uyğundur. Bununla belə, adıçəkilən ölkələr arasında münasibətlər gərginləşəcəyi halda Azərbaycan şirkətləri Türkiyənin qida, xüsusən də aqrar məhsullarının Rusiya bazarında boşalan yerini tutmağa və şimal qonşumuzun turistlərini cəlb etməyə çalışmalıdır. Bunlara rəğmən, bölgədə sabitliyin qorunub saxlanması və Türkiyə ilə şimal qonşumuz arasında münasibətlərin qısa zamanda yaxşılaşması rasional olaraq dövlətimizin strateji maraqlarına birbaşa xidmət edir".

Ekspertin sözlərinə görə, son illər Türkiyə-Rusiya iqtisadi əlaqələrinin ciddi inkişafı müşahidə edilib: "Ötən il Türkiyənin Rusiyaya ixracı 5,9 milyard dollar olub. Bir fakta da diqqət yetirmək lazımdır ki, Türkiyənin ixrac etdiyi qida məhsullarının 20, tekstil məmulatlarının isə 15 faizi məhz Rusiyaya göndərilir. Bu isə qardaş ölkədə strateji sektorlar hesab edilən tekstil və qida sənayesi ixracının ciddi şəkildə Rusiyadan asılı olması anlamına gəlir". Digər tərəfdən, baş verənlər fonunda Türkiyə lirəsi dollar qarşısında dəyər itirir. Azərbaycanda da bu hal müşahidə olunur. Türk lirəsinin manat qarşısında dəyərdən düşməsi eyni zamanda bu valyutanın dollar qarşısında dəyərdən düşməsi ilə bağlıdır. Lirənin dollara, eyni zamanda buna paralel olaraq manata nisbətən qiymətdən düşməsi əslində Azərbaycan alıcıları üçün sərfəli bir şərait yaradır. Çünki bu halda onlar Türkiyədən gələn məhsullara daha az vəsait xərcləyir. Lirənin manata nisbətən ucuzlaşması Azərbaycanda işləyən Türkiyə vətəndaşları, daha doğrusu, əməkhaqqını manat və ya dollarla alıb Türkiyəyə göndərənlər üçün də sərfəlidir.

Əməkhaqları dəyişilməsə belə, məzənnə dəyişikliyi bu şəxslərin real qazancını artırmış olur. Lirə bu templə ucuzlaşmaqda davam edərsə, ekspertlər Türkiyədən Azərbaycana daha çox məhsul gətiriləcəyini proqnozlaşdırır. Bu, istehlakçılar üçün sərfəli sayılsa da, yerli istehsalçılar üçün müəyyən çətinliklərə yol açmaq iqtidarındadır. Amma istənilən halda, Türkiyə məhsullarının Azərbaycanda əhəmiyyətli dərəcədə ucuzlaşmasını gözləmək olar.

Tahir TAĞIYEV

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...