Pul azaldı, banklar üçün yeni strategiya qaçılmaz oldu...

Tarix: 26.11.2015 / 02:02
Bölmə: İqtisadiyyat

Samir Əliyev: "Banklar Assosiasiyası tərəfindən yeni strategiyanın gündəmə gətirilməsi təqdirəlayiq addımdır"

"Bank xidmətlərinin həm çeşidi, həm də keyfiyyəti artmalıdır"

Azərbaycan bankları qarşıdakı il üçün strategiyalarına yenidən baxacaq və yeni dövr üçün strategiya hazırlayacaq. Məlum olduğu kimi, bu barədə mətbuata açıqlamasında Azərbaycan Banklar Assosiasiyasının sədri Zakir Nuriyev məlumat verib. O bunu bir sıra amillərlə əsaslandırıb:

"Banklar hər bir iqtisadi inkişafın bəlli bir mərhələsində öz strategiyasına yenidən baxır və buna müvafiq dəyişikliklər edirlər. Bilirsiniz ki, hazırkı dövrdə mövcud olan bankların strategiyası böyük neft gəlirləri, yüksək iqtisadi inkişaf templəri üzərində qurulmuş strategiyalar idi. Lakin bu gün neft qiymətlərinin aşağı düşməsi, iqtisadi proseslərin yavaşıması, dünyada baş verən böhran prosesləri və qonşu ölkələrdə gedən ağır iqtisadi böhranlar bizim ölkəmizə mənfi təsir göstərir. Ona görə banklar buna müvafiq olaraq qarşıdakı il üçün öz strategiyalarına yenidən baxır və dəyişiklik aparırlar. Mərkəzi Bankla birlikdə yeni dövr üçün strategiyanın hazırlanması ilə bağlı məsləhətləşmələr aparılıb. Qarşıdakı aylarda da digər iqtisadi bloku əhatə edən nazirlik və komitələrlə görüşümüz davam edəcək ki, banklar yeni dövr üçün hazırladıqları strateji inkişaf və taktiki planlarında bu dəyişiklikləri, yenilikləri nəzərə ala bilsinlər".

Z.Nuriyev bildirib ki, yeni strategiyada əsas dəyişikliklər məsuliyyətli kreditləşmə, kiçik və orta biznes, eləcə də korporativ sektorun maliyyələşdirilməsi ilə bağlı olacaq: "Əsas dəyişikliklərdə daha çox məsuliyyətli kreditləşmə, kredit faizlərinin 2015-ci il ərzində Mərkəzi Bankla müzakirə nəticəsində aşağı endirilməsindən irəli gələn gəlirlərin azalmasından doğan prosesləri nəzərə almaq, eyni zamanda əsas strateji xətt olaraq kiçik və orta biznesi, korporativ sektorun maliyyələşdirilməsinin prioritet təşkil etməsini nəzərə alaraq daha çox istehlak kreditlərindən kiçik və orta biznesin, korporativ sektorun maliyyələşdirilməsinə keçid müddəaları öz əksini tapacaq".

Maraqlıdır, ekspertlər banklarla bağlı yeni strategiyadan irəli gələn tələbləri necə dəyərləndirir?

Sözügedən məsələ ilə bağlı fikirlərini "Bakı-Xəbər"lə bölüşən iqtisadçı-ekspert Samir Əliyev bu istiqamətdə görülən işlərə müsbət prizmadan yanaşdı: "Bank sistemi ölkə iqtisadiyyatının əsas qan-damar sistemidir. Bu sahədə problemlərin olması ölkə iqtisadiyyatına zərər vurur. Ona görə də bankların xilas edilməsi istiqamətində addımlar atılmalıdır. Banklar Assosiasiyası tərəfindən yeni strategiyanın gündəmə gətirilməsi təqdirəlayiq addımdır. Hesab edirəm ki, bu tədbirlər çərçivəsində banklara dəyən zərərin aradan qaldırılması istiqamətində səylər artırılmalıdır. Bir tərəfdən xərclərin optimallaşdırılması prosesi gedir, digər tərəfdən banklar gəlirlərini artırmaq üçün xidmətlərin sayını artırmalıdır. Problem ondadır ki, ölkədəki banklar çox məhdud həcmdə xidmət göstərir. Xidmətin də əsasını kredit verilməsi təşkil edir. Kredit bazarında problem yarandığı üçün bankların da gəlirində azalma yaranıb. Ona görə də bank xidmətlərinin həm çeşidi, həm də keyfiyyəti artmalıdır. Əsas addımlardan biri də konsolidasiya ilə bağlı olmalıdır. Yəni növbəti ildə bankların sayının azaldılması çox vacibdir. Hesab edirəm ki, yeni strategiyaya uyğun bu işlər öz həllini tapacaq. Yaxşı olardı ki, bu, hansısa bankların bağlanmasında, birləşməsində özünü göstərsin".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...