Vergidən yayınan müğənnilərə qarşı tədbirlər daha da sərtləşdiriləcək

Tarix: 26.11.2015 / 02:03
Bölmə: İqtisadiyyat

Vüqar Bayramov: "İnzibati üsul kimi vergidən yayınan şoubiznes təmsilçilərinin əmlakı müsadirə olunmalıdır"

Sahib Məmmədov: "Vergidən yayınanların əmlakı müsadirə olunarsa, bu hal digər müğənnilərə də dərs olar"

İnkişaf etmiş dövlətlərin büdcələri şoubiznes nümayəndələrinin ödədiyi vergilərdən milyonlar qazanır. Nümunəvi vergi ödəyicisi olan ulduzlar da az deyil. Bizim müğənnilər isə vergidən yayınmaq üçün fərqli və real olmayan rəqəmlər göstərir.

Qeyd edək ki, mediada dəfələrlə xəbərdarlıq olunmasına baxmayaraq, şoubiznes nümayəndələrinin və incəsənət sahəsində çalışan vergi ödəyicilərinin çoxu dövlət büdcəsinə vergiləri ödəməkdən yayınmaqda davam edir. Vergilər Nazirliyi şoubiznes nümayəndələrinin vergi bəyannamələri ilə bağlı sorğusuna cavab olaraq bildirib ki, Vergi Məcəlləsinin 67-ci maddəsinə uyğun olaraq, bu fəaliyyət növü üzrə qeydiyyata alınan 2942 vergi ödəyicisi tərəfindən təqdim edilən vergi bəyannamələri araşdırılaraq orada göstərilmiş rəqəmlərin reallığı əks etdirmədiyi aşkarlandığından, həmin vergi ödəyicilərinə uyğunsuzluq məktubları göndərilib.

Vergi Məcəlləsinin 65-ci maddəsinə əsasən, vergi öhdəliyi yerinə yetirilmədikdə hesablanan və ya yenidən hesablanan vergilərin, faizlərin və tətbiq edilmiş maliyyə sanksiyalarının 5 gün müddətində ödənilməsinə dair vergi ödəyicisinə göndərilən bildirişi aldıqdan sonrakı 5 gün ərzində onlar müvafiq sənədləri təqdim etməsələr və hesablanan vergiləri dövlət büdcəsinə ödəməsələr, barələrində qanunda nəzərdə tutulan aşağıdakı tədbirlər görüləcək:

- Vergi Məcəlləsinin 65-ci maddəsinə əsasən, vergi orqanının hesabladığı və ya yenidən hesabladığı vergilər, faizlər və ya tətbiq etdiyi maliyyə sanksiyaları üzrə vergi orqanı vergi ödəyicisinin milli və ya xarici valyutada cari və ya digər hesablarında borc məbləğinin 105 faizi həcmində pul vəsaitinin məxaric əməliyyatları üzrə dondurulması haqqında kredit təşkilatına və ya bank əməliyyatları aparan şəxsə icra sənədi olan sərəncam verir.

- Vergi Məcəlləsinin 89-cu maddəsinə əsasən, dövlətə vergi borcu olan vergi ödəyicilərinin əmlakı siyahıya alına və qeyd olunan Məcəllənin 90-cı maddəsinə əsasən, müvafiq məhkəmə qərarına əsasən hərracda satıla bilər;

- Borclu vergi ödəyicisinin mülkiyyətində olan avtonəqliyyat vasitəsi üzərinə həbs qoyula bilər;

- "Ölkədən getmək, ölkəyə gəlmək və pasportlar haqqında" Azərbaycan Respublikasının Qanununa əsasən, borclu vergi ödəyicisinin ölkədən çıxışına müvəqqəti məhdudiyyət qoyula bilər (bu, Rusiya Federasiyası, İsrail və digər xarici ölkələrə toya, yeni il şənliklərinə və digər tədbirlərə gedən müğənnilər, onları müşayiət edən musiqiçilər, habelə istirahətini xarici ölkələrdə keçirməyə üstünlük verən şoubiznes nümayəndələri üçün xüsusilə aktualdır);

- Xeyli miqdarda (2000,0 manatdan yuxarı) vergiləri ödəməkdən yayınma halları aşkar olunduqda Azərbaycan Respublikasının Cinayət Məcəlləsinin 213-cü maddəsinə əsasən, vergi ödəyiciləri barədə cinayət işi açıla bilər.

Bəzi ekspertlərin fikrincə, vergidən yayınan şoubiznes nümayəndələrinin əmlakı müsadirə olunmalıdır.

İqtisadçı-ekspert Vüqar Bayramov "Bakı-Xəbər"ə açıqlamasında qeyd etdi ki, qanuna görə, vergidən yayınanların əmlakı müsadirə oluna bilər: "Əksər şoubiznes nümayəndələrinin vergidən yayınma halları müşahidə olunur. Müğənnilərin, demək olar ki, böyük bir qismi vergidən yayınır və ya gəlirlərini gizlədirək az məbləğdə vergi ödəyir. Onların yaşadığı əmlakın dəyəri ilə ödənilən verginin arasında xeyli fərq var".

Onun fikrincə, inzibati üsul kimi vergidən yayınan şoubiznes təmsilçilərinin əmlakı müsadirə olunmalıdır. Həmsöhbətimiz onu da əlavə etdi ki, şou nümayəndələrinin vergilərdən yayınması dövlət büdcəsinə külli miqdarda ziyan vurur: "Əgər gəlirləri il ərzində 120.000 AZN dövrəyə malik deyilsə, o vaxt VÖEN almaqla dövlətə sadələşdirilmiş formada 4 faiz vergi ödəməlidirlər. Əgər gəlirləri il ərzində 120 min manatı keçirsə, bu halda 18 faiz əlavə dəyər vergisi və gəlir vergisinə cəlb olunmalıdır. Amma buna baxmayaraq, bizim apardığımız monitorinq nəticəsində məlum olub ki, müğənnilərin əksəriyyəti vergiyə cəlb olunmur".

V.Bayramov məsələnin çox ciddi olduğunu və dövlət büdcəsinin itirdiyi pulların heç də kiçik məbləğ olmadığını dilə gətirdi: "Bu çox ciddi məsələdir. Burada söhbət dövlət büdcəsindən yayınan il ərzində 10 milyon manatdan artıq vəsaitdən gedir. Vergidən yayınan müğənnilərin sayı kifayət qədər çoxdur, bu insanlar başa düşmür ki, dövləti nə vaxta qədər aldada biləcək? Vaxt uzadıldıqca, cərimələrinin ağırlığı da bir o qədər çətinləşəcək".

Əməkçilərin Hüquqlarının Müdafiə Liqasının sədri Sahib Məmmədov bildirdi ki, hazırda vergi qeydiyyatında olan müğənnilərin dövlət büdcəsinə ödədiyi vergi onların qazanclarının mində biri deyil: "Onlar öz gəlirlərini deklorasiya etmir və dövlətə qəpik-quruş ödəyirlər. Bu isə qanunsuzluqdur. Çünki şoubiznes nümayəndələrinin vergidən yayınması nəticəsində dövlət büdcəsi ildə ən azı 10-15 milyon vəsait itirir. Hətta deyərdim ki, onların illik gəlirləri sadələşdirilmiş vergidən keçib və onlar ƏDV ödəyiciləri olmalıdır. Maddi durumu ən zəif müğənninin belə gəliri 125 mindən artıqdır".

S.Məmmədov hesab edir ki, vergidən yayınan müğənnilərin əmlakı müsadirə olunmalıdır: "Vergidən yayınanların əmlakı müsadirə olunarsa, bu hal digər müğənnilərə də dərs olar. Əmlakının müsadirə olunmasından ehtiyat edərək vaxtlı-vaxtında vergilərini ödəyərlər".

Günel CƏLİLOVA

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...