Hərbçilərin pensiya yaşı üzərində mübahisə genişlənir

Tarix: 26.11.2015 / 01:49
Bölmə: İqtisadiyyat

Rəsul Cahangirli: "İqtisadi nöqteyi-nəzərdən hərbçilərin pensiya yaşının artırılmasına ehtiyac var"

"Xidmət müddətini 25 və ya 30 ilə çatdırmaq daha məqsədəuyğundur"

Son zamanlar Azərbaycan hərbçilərinin sosial durumu ilə bağlı müxtəlif təkliflər səsləndirilir və bununla bağlı geniş müzakirələr aparılır. Bu müzakirələrdən ən başlıcasından biri isə Azərbaycanın hərbi pensiya sistemində ciddi təkmilləşdirmələrlə bağlıdır.

Aparılan müzakirələrdə ümumən belə nəticəyə gəlinir ki, ümumi pensiya islahatlarının aparıldığı bir vaxtda hərbi pensiya sistemində də bəzi dəyişikliklər olmalıdır. Yəni sosial ədalət prinsipinin bərqərar olunması baxımından hərbi sahədə pensiya islahatları zəruridir.

Bütün bunlarla yanaşı, bir müddətdir müzakirə olunan hərbçilərin pensiyaya çıxma yaşının artırılma ehtimalı ilə bağlı xəbərlərə Dövlət Sosial Müdafiə Fondunun sədri Elman Mehdiyev münasibət bildirib. Fond rəhbəri pensiya yaşı artırıla bilərmi sualına cavabında bildirib ki, yeni pensiya islahatı ilə bağlı qanunlara ediləcək bəzi dəyişikliklər hazırda müzakirə olunur: "Hərbçilərin pensiya yaşının artırılması ilə bağlı beynəlxalq ekspertləri cəlb etməklə ilkin hesablamalar aparılıb. Bununla bağlı geniş ictimai tədqiqatlar da keçirilib. Hazırda isə qanunvericiliyə edilən dəyişikliyin ilkin layihəsi üzərində çalışırıq və burada bir sıra variantlar nəzərdən keçirilir. Konkret qəbul olunacaq fikir haqqında isə indidən danışmaq hələ ki, tezdir. Mərhələlərə uyğun ictimaiyyət məlumatlandırılacaq".

DSMF hazırda Silahlı Qüvvələrdə və daxili işlər orqanlarında çalışan hərbi qulluqçular və xüsusi rütbəli şəxslərin güzəştli pensiya təminatı üçün tələb olunan xidmət müddətinin 25 ilə çatdırılması məsələsini nəzərdən keçirir.

Xidmət müddətinin 25 ilədək uzadılması bir sıra səbəblərlə izah olunur. Bu qərar sayəsində Fondun ehtiyatları artacaq. Nəticədə gələcəkdə pensiyaların artırılması da mümkün ola bilər. Eyni zamanda güzəştli pensiyaya çıxanlar təqaüd dövründə daha çox pensiya ala bilər.

Maraqlıdır, bəs ekspertlər məsələyə necə yanaşır?

Məsələyə münasibət bildirən ekspert Rəsul Cahangirlinin fikrincə, prinsipcə, hərbçilərin pensiya yaşının artırılmasına iqtisadi zərurət var. O bunu bir sıra arqumentlərlə əsaslandırdı: "Ona görə ki, buna zərurət çoxdan yaranıb. Çünki "Hərbi qulluqçuların pensiya təminatı haqqında" Qanunda bir sıra boşluqlar var. Bu da ondan irəli gəlir ki, sovet vaxtından qalma qanun Azərbaycan dilinə tərcümə edilib. Sonra bəzi əlavələr yetərli olmayıb. Orada əksini tapan bir çox məqamlar yenidən işlənməlidir. İlk növbədə xidmət müddəti ilə bağlı məsələləri konkretləşdirmək lazımdır. Bir neçə il öncə bu istiqamətdə qanunvericilikdə dəyişiklik oldu. Əvvəllər 20 il xidmət müddətinə malik hərbi qulluqçular pensiya almaq hüququ qazanırdı. Bu müddətin təqvim üzrə və ya güzəştlə (cəbhə xəttindəki hərbi hissələrdə xidmət zamanı 1 ilin 3 ilə bərabər tutulması) olması fərq etmirdi. Ancaq bir müddət öncə aparılan dəyişikliklərdən sonra sırf təqvim ili üzrə xidmət müddətinin nəzərə alınaraq pensiya təyin olunması qanuna salındı. Hesab edirəm ki, bütün bunlar sistemləşdirilməli və dolğun şəkildə qanunda öz əksini tapmalıdır. İqtisadi nöqteyi-nəzərdən hərbçilərin pensiya yaşının artırılmasına ehtiyac var.

Çünki bu cür davam edərsə, onda bir neçə ildən sonra pensiyaya çıxan hərbçilərin təqaüdlə təmin olunması çətin olacaq. O mənada ki, bununla bağlı Fonda böyük həcmdə vəsaitin ayrılmasına zərurət yaranacaq. Bunun ilbəil artması iqtisadi baxımdan büdcədə çətinliklər yarada bilər. O baxımdan hesab edirəm ki, xidmət müddətini 25 və ya 30 ilə çatdırmaq daha məqsədəuyğundur. Ən yaxşı halda, cəbhə bölgəsində xidmət edən hərbçilərə bəzi güzəştlər edilə bilər".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...