Söhbət hansı bank kreditlərinin ləğvindən gedir...

Tarix: 25.11.2015 / 02:02
Bölmə: İqtisadiyyat

Oqtay Haqverdiyev: "Əhalinin banklardan götürdüyü kredit qaytarılmalıdır"

"Muğan Bank" - Rəşad Əliyev: "Kreditlər bağışlanarsa, o zaman biz əmanət sahiblərinə nə cavab verəcəyik?"

"Texnika Bank": "Silinən krediti kim ödəyəcək?"

"Bank of Baku": "Bu barədə hər hansı bir fikir bildirmək istəmirik"

Məlum olduğu kimi, bu günlərdə Milli Məclisin deputatı Vahid Əhmədov əhalinin kommersiya banklarına kredit borclarının həcminin çoxluğunu nəzərə alaraq, bunun qarşısının alınması təklifilə çıxış edib. O bildirib ki, problemli kreditlərin azalması üçün kreditlərin strukturuna baxmaq lazımdır. Lazım gələrsə, bəzi güzəştlərə gedilməlidir:

"Əgər kredit götürən şəxsin vəsaiti geri qaytarmaq qabiliyyəti sıfıra bərabərdirsə, onun heç bir mülkü yoxdursa, ona güzəştə getmək lazımdır. Siyahını artırmaqla Azərbaycan üçün heç bir müsbət nəticə əldə etməyəcəyik. Beynəlxalq maliyyə qurumlarına verilən hesabatlarda 1,4 mlrd. kredit olduğunu bildirmək Azərbaycanın maliyyə imici üçün də mənfi haldır. İlbəil problemli kreditləri artıra-artıra hara gedirik? Bunun qarşısını almaq üçün konkret addımlar atılmalıdır. Bəzi kreditlərin silinməsi və ya güzəştlərin edilməsi lazımdır".

Maraqlıdır, kreditlərin bağışlanması təklifinə banklar necə baxır? Bankların millət vəkilinin fikrinə münasibəti bunun real olmayacağı qənaətinə gəlməyə əsas verir. Məlum olduğu kimi, 21 fevral devalvasiyasından sonra müştərilərin banklara aylıq ödənişində problem yaranıb. Ekspertlərin fikrincə, problemli kreditlərin silinməsi banklar üçün zərbədir. Çünki bu vəsaitlər bankların kredit portfelində kifayət qədər ciddi bir məbləğdir.

Xatırladaq ki, bir müddət öncə əhalinin ödəyə bilmədiyi kreditlərin ölkə başçısı tərəfindən bağışlanacağı ilə bağlı məlumat yayılmışdı. Mütəxəssislər hesab edir ki, bu tip bəyanatlar əhalinin psixologiyasına mənfi təsir edir. İnsanlar kreditin bağışlanacağını zənn edərək aylıq ödənişi etmirlər. Nəticədə həmin müştərilərin adı bankların "qara siyahı"sına salınır.

"Muğan Bank" marketinq şöbəsinin rəhbəri Rəşad Əliyev "Bakı-Xəbər"ə açıqlamasında qeyd etdi ki, götürülən kreditlər ödənilməlidir: "Kredit götürən şəxs üzərinə öhdəlik götürür ki, o hər ay filan məbləğdə krediti ödəyəcək. Biz insanların banka etibar edib qoyduğu depoziti maddi durumunu düzəltmək üçün müraciət edənlərə kredit veririk. Əgər kreditlər bağışlanarsa, o zaman biz əmanət sahiblərinə nə cavab verəcəyik? Millət vəkili kreditlərin bağışlanması ilə bağlı təklif səsləndirərkən bankların durumunu da fikirləşibmi?".

R.Əliyevin sözlərinə görə, kreditlərin bağışlanması mümkün deyil: "Əgər müştəri banka olan kreditini ödəmək istəmirsə, o zaman həmin şəxs qanunun tələbinə uyğun olaraq məhkəməyə veriləcək. Bu tip bəyanatlar səsləndirilməsi insanlara psixoloji təsir edir. Yəni onlar krediti ödəmək fikrindən yayınıb düşünürlər ki, onların krediti silinəcək. Sonra məlum olur ki, onların krediti silinməyib, əksinə, problemli müştəri kimi adı "qara siyahı"ya düşüb. O səbəbdən sizin qəzetiniz vasitəsilə müştərilərə müraciət edirəm ki, onlar bu kimi fikirlərə uymayıb öz durumlarını pis vəziyyətə qoymasınlar".

"Bank of Baku"nun nümayəndəsi isə bildirdi ki, onlar bu barədə hər hansı bir fikir bildirmək istəmir.

"Texnika Bank"ın nümayəndəsi deputatın səsləndirdiyi təklifi real hesab etmir: "Bu təklifi hər kəs verə bilər. Bunu deməklə olmur. Hər kəs deyə bilər ki, kreditlər silinsin. Amma silinən krediti kim ödəyəcək?".

İqtisadçı-ekspert Oqtay Haqverdiyev bizimlə söhbətində qeyd etdi ki, kreditlərin bağışlanması təklifini dilə gətirən şəxs bankların maddi durumunun necə olacağını düşünübmü: "Bu, populist bir təklifdir. Əhalinin banklardan götürdüyü kredit qaytarılmalıdır. Bank risqə gedib vətəndaşa müəyyən məbləğdə kredit verir. Müştəri həmin krediti qaytarmazsa, o zaman bankın durumu necə olar? Deyilir ki, aztəminatlı ailələrin krediti silinsin. Aztəminatlı ailələr necə müəyyən olunacaq? Bəzi ailələr var ki, onların maddi durumu normaldır, evi, maşını var və bu adam kef üçün bankdan kredit götürür. Aylıq ödəniş vaxtı çatanda maddi durumunun ağır olduğunu bəhanə edərək krediti qaytarmaq istəmir. Banklar hər kredit üçün müraciət edənə kredit verməməlidir. Hər müraciət olunana kredit verildiyi üçün problemli kreditlərin həcmi artıb".

Günel CƏLİLOVA

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...