Ekspert Azərbaycan praktikasında işsizlik sığortasının gələcəyini vergidən yayınma ilə bağladı

Tarix: 20.11.2015 / 02:01
Bölmə: İqtisadiyyat

Nicat Hacızadə: "Fikrimcə, işsizliyə görə sığorta haqlarının meyarları müəyyənləşdirilməli və Avropa..."

"Bu addım vergidən yayınma hallarının qarşısının alınmasına da müsbət təsir edəcək"

"Hazırda Azərbaycanda işsizlik sosial sığorta hadisəsi kimi müəyyənləşdirilib. Amma təəssüflər olsun ki, belə olsa da, işsizliyin ayrıca bir sığortası yoxdur". Bunu mətbuata açıqlamasında əmək və əhalinin sosial müdafiəsi naziri Səlim Müslümov deyib.

O bildirib ki, hər il Dövlət Sosial Müdafiə Fondunun büdcəsində işsizlik müavinətinin verilməsi üçün müəyyən qədər vəsait ayrılır: "Məndə olan məlumata görə, bu il 5,9 milyon manat vəsait ayrılıb. Əlbəttə, əhalisinin sayı 10 milyona yaxınlaşan bir ölkə üçün bu çox aşağı rəqəmdir. Düzdür, bizdə işsizliyin səviyyəsi aşağıdır. Ona görə də biz düşünürük ki, dünyanın əksər inkişaf etmiş ölkələrində olduğu kimi, Azərbaycanda da işsizlik sığortası müstəqil olmalı və hər bir işləyən adam işsiz ola biləcəyi haldan özünü sığortalamalıdır. Eyni zamanda, o işsiz qalacağı halda hansı məbləğdə işsizlik müavinəti ala biləcəyini və bunun hansı müddətdə davam edəcəyini əvvəlcədən özü bilməlidir".

Nazir qeyd edib ki, bütün bunları özündə əks etdirən qanun layihəsi hazırlanıb: "Yaxın günlərdə qanun layihəsini hökumətə təqdim edəcəyik. Ondan sonra müzakirələr aparılacaq. Biz bütün hallarda düşünürük ki, məşğulluq və işsizlik məsələlərinin tam çulğalaşması üçün bu çox vacib bir məsələdir".

Məlumat üçün qeyd edək ki, hazırda Azərbaycanda sosial müdafiənin təmin edilməsi üsullarından biri də onlara işsizlik müavinətinin verilməsidir. "Məşğulluq haqqında" Qanuna əsasən, işsiz statusunu ölkənin məşğulluq mərkəzlərində almaq olar. Əgər bu mərkəzlərdən birində qeydiyyata düşən şəxsə 10 gün ərzində iş təklifi edilməzsə, ona işsiz statusu verilir və müvafiq qaydada müavinət təyin edilir. Bu zaman işsizliyə görə müavinət bir sıra meyarlara əsasən təyin edilir və onun sonuncu iş yerindəki orta aylıq əməkhaqqının 70 faizinədək ola bilər.

Bütün bu deyilənlərin fonunda, işsizlikdən sığorta sisteminin tətbiq olunmasının Azərbaycanda nə kimi perspektivi ola bilər? Ekspertlərin bununla bağlı fikirləri nədən ibarətdir?

Sözügedən məsələni dəyərləndirən iqtisadçı-ekspert Nicat Hacızadə buna müsbət prizmadan yanaşır. Onun fikrincə, bu sistem Azərbaycanda yeni olsa da, dünya praktikasında, xüsusilə Avropada çoxdan tətbiq edilir: "Avropa ölkələrində işsizlikdən sığortanın bir sıra meyarları var. Bunlar statusundan asılı olaraq, az miqdarda ödənişlərin edilməsi, gündəlik təbii ehtiyacların ödənilməsi, əvvəlki əməkhaqqının verilməsi və s. formada ola bilər. Təbii ki, bütün bunlar müvəqqəti xarakterli olur və işsiz şəxsin iş tapana qədər olan dövrü əhatə edir. Rəsmi statistikaya əsasən, Azərbaycanda yoxsulluq səviyyəsi 5 faizdir. Bu məsələ bir müddət əvvəl ölkədə bir dəfə qabardılmışdı. Belə ki, problemli kreditlərin artmasının bir səbəbi kimi "fevral devalvasiyası" göstərilirdisə, digər səbəb də işsiz əhalinin ödəmə qabiliyyətinin zəif və ya ümumiyyətlə olmaması idi. Amma hazırda açıqlanan fikirlər təqdirəlayiqdir. Fikrimcə, işsizliyə görə sığorta haqlarının meyarları müəyyənləşdirilməli və Avropa ölkələrinin təcrübəsinə uyğun, həmin şəxsin əvvəlki iş yerindəki əməkhaqqına əsasən müəyyən faizlərə bölünməklə verilməlidir. Burada daha bir müsbət məqam var. Belə ki, bu addım vergidən yayınma hallarının qarşısının alınmasına da müsbət təsir edəcək".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...