Şou-biznesçilərin vergiyə cəlbində ictimaiyyətin rolu - nazir müavininin sözlərinə reaksiya...

Tarix: 19.11.2015 / 02:01
Bölmə: İqtisadiyyat

Oqtay Haqverdiyev: "Yaxşı olardı ki, toyda iştirak edənlər bununla bağlı informasiyanı mətbuata ötürsün və beləliklə ictimai qınaq formalaşsın"

"Elə bir nəzarət mexanizmi tapılmalıdır ki, onlar toyda əldə etdikləri qazanca uyğun olaraq vergi ödəsinlər"

"Şou-biznes nümayəndələrinin vergiyə cəlb edilməsi üçün ictimaiyyətin dəstəyinə ehtiyac var". Bunu vergilər nazirinin müavini Natiq Əmirov sözügedən nazirliyin fəaliyyətinin 10 aylıq nəticələri ilə bağlı keçirdiyi mətbuat konfransında bildirib.

Onun sözlərinə görə, konsert salonlarında bilet satışı əsasında keçirilən tədbirlər hesabına əldə edilmiş gəlirin vergiyə cəlb edilməsində problem yoxdur: "Bizdə heç bir insan müğənniyə verdiyi pulu, toylara xərclədiyi vəsaiti açıqlamır. Ümid edirik ki, insanlar tədricən toyda oxumaq üçün müğənnilərə verdikləri pullardan dövlət büdcəsinə çatmalı olan məbləğ barədə də düşünəcəklər və lazımi məlumatları vergi orqanlarına çatdıracaqlar. Azərbaycanda 3 minə qədər şou-biznes nümayəndəsi var. Onlardan hazırda vergi yığılmır. Amma ictimaiyyətin dəstəyi ilə şou-biznes nümayəndələrindən vergi yığmaq mümkündür. Əhali müğənniyə verdiyi pul barədə Vergilər Nazirliyinə məlumat versə, yaxşı olar. Vergilər Nazirliyi bu rəqəmə istinadən şou-biznes nümayəndələrinə vergi müəyyənləşdirə bilər. Amma yaxın gələcəkdə planda var ki, bəlli bir rəqəm qoyularaq onlardan vergi yığılsın".

Bütün hallarda, görülən bu kimi tədbirlər vergi yığımının artmasına müsbət təsir göstərəcək. Ümumilikdə şou-biznes nümayəndələrinin vergiyə cəlb olunması işində ictimaiyyət necə dəstək verməlidir? Ekspertlərin bununla bağlı yanaşması necədir?

Məsələyə münasibət bildirən iqtisadçı-ekspert Oqtay Haqverdiyevin sözlərinə görə, ictimaiyyətin bu istiqamətdə dəstəyi vergi orqanlarına düzgün informasiyanın verilməsindən ibarət ola bilər: "Şou-biznes nümayəndələrinin əsas gəliri toylarda formalaşır. Xüsusən də tanınmış şou-biznes nümayəndələri məhz toylarda çox qazanır. Toylara ictimaiyyətin bütün nümayəndələri gedir və onlar daha dəqiq informasiyaya malik olur. Yəni hansı müğənni, hansı qiymətə toyu idarə edir və s. Yaxşı olardı ki, toyda iştirak edənlər bununla bağlı informasiyanı mətbuata ötürsün və beləliklə ictimai qınaq formalaşsın. İnformasiyanın sızmasından, ictimai qınaqdan çəkinən şou-biznes nümayəndələri vergini düzgün ödəməli olacaq. Bir növ, buna məcbur olacaqlar. Adətən toy sahibləri müxtəlif səbəblərdən müğənnilərə verdikləri pulu gizlədir. Ancaq o da heç kəsə sirr deyil ki, tanınmış şou müğənniləri baha qiymətə toya gedir. Bunu bilməyən yoxdur.

Sadəcə, elə bir nəzarət mexanizmi tapılmalıdır ki, onlar toyda əldə etdikləri qazanca uyğun olaraq vergi ödəsinlər. Bax əsas məsələ bundan ibarətdir. Neçə illərdir bu sahədə çalışan şou-biznes nümayəndələri böyük həcmdə vəsaiti vergidən yayındırır. Əvvəl-axır bunun qarşısı alınmalı və ictimaiyyət də bu işdə fəallıq göstərməlidir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...