Vergilər Nazirliyinin kiçik sahibkarlara yeni münasibət kursu...

Tarix: 19.11.2015 / 01:35
Bölmə: İqtisadiyyat

Zakir Əhmədov: "Bu, Vergilər Nazirliyi ilə sahibkarlar arasında münasibətlərin daha sağlam məcrada inkişaf etməsi deməkdir"

"Ölkədə vergi mədəniyyətinin artırılması istiqamətində maarifləndirmə işi gücləndirilməlidir"

Vergilər nazirinin 1-ci müavini Natiq Əmirov mətbuta açıqlamasında bir sıra məqamlara toxunub. Dövlət büdcəsinin gəlirləri üzrə müəyyən olunmuş proqnoz göstəricilərinin icrası ilə yanaşı, sahibkarlığın inkişafının, xüsusilə kiçik və orta biznesin fəaliyyətinin genişlənməsinin vergi orqanlarının qarşısında duran əsas vəzifələrdən biri olduğunu bildirib.

Bununla yanaşı o, iki önəmli məqama toxunub. N.Əmirov kiçik dövriyyəyə malik sahibkarlıq subyektlərinə münasibətdə vergi xidmətinin daha çox tərəfdaş kimi çıxış etməyə çalışdığını, bu qəbildən olan vergi ödəyicilərində aparılan yoxlamaların sayının minimuma endirilməsi üçün tədbirlər görüldüyünü deyib.

Həmçinin, vergi orqanlarında vətəndaş müraciətlərinə baxılması vəziyyətinə toxunan N.Əmirov son vaxtlar ölkə vətəndaşlarının ictimai fəallığının xeyli artdığını bildirib. Əvvəlki illərdən fərqli olaraq, onların nazirliyə və yerli vergi orqanlarına daha çox konkret məsələlər, o cümlədən ayrı-ayrı vergi ödəyicilərinin vergidən yayınma halları barədə məlumat verməklə vergi orqanlarına köməklik göstərdiklərini də nəzərə çatdırıb.

Vergi orqanlarının üzərinə düşən vəzifələrin kifayət qədər çətin və mürəkkəb olduğunu qeyd edən nazirin birinci müavini vurğulayıb ki, Prezidentin Vergilər Nazirliyinə verdiyi tapşırıqlar tam həcmdə yerinə yetiriləcək.

Ümumilikdə nazir müavininin yuxarıda sadaladığı iki məqamı ekspertlər necə dəyərləndirir?

Məsələyə münasibət bildirən ekspert Zakir Əhmədovun sözlərinə görə, hər iki məqam ölkə iqtisadiyyatının inkişafı üçün önəmli rola malikdir: "Bütün inkişaf etmiş ölkələrin iqtisadi inkişafının kökündə dayanan başlıca faktor orada kiçik və orta sahibkarlığın inkişafıdır. Xüsusən də sözügedən subyektlərin vergi yükünün azaldılması ölkədə iqtisadi inkişafı daim stimullaşdırır. Bu da, öz növbəsində, məşğulluğun səviyyəsinin genişlənməsinə öz müsbət təsirini göstərir. Nəticə etibarilə bu, ölkə iqtisadiyyatının dayanıqlı inkişafını təmin edəcək. Kiçik dövriyyəsi olan sahibkarlara VN-nin tərəfdaş kimi yanaşması qurumla sahibkarlar arasında münasibətlərin daha sağlam məcrada inkişaf etməsi deməkdir.

Bu həm də hüquqi dövlət olaraq ölkənin inkişafından xəbər verir. Digər tərəfdən, vətəndaşların vergidən yayınanlar barədə nazirliyi məlumatlandırması bu sahədə problemlərin azalmasına kömək edə bilər. Bu həm vergilərin düzgün yığılmasına, həm də vaxtında toplanmasına müsbət təsir edəcək. Bütün bunlarla paralel ölkədə vergi mədəniyyətinin artırılması istiqamətində maarifləndirmə işi gücləndirilməlidir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...